LECTURAS DEL DOMINGO 27 DE OCTUBRE

LECTURAS DEL DOMINGO 27 DE OCTUBRE

Primera lectura:

Ko’ágä ñahendúta Tupä Ñandejára Ñe’ẽ Eclesiástico arandukápe oĩ háicha                                                      

                    35, 12-14. 16-18

Tupä Ñandejárako hína mbojovakeha heko jojáva ha avavépe nombojeroviái hekope’ỹ.

Poguasu rehehápe ndoapo’íri mboriahúpe, ha ohendu ojejopýva rembijerure.

Nomboykéi tyre’ỹme ojerurérõ, térã imenave’ỹvape ipyahẽrõ.

Tupä Ñandejárape omomba’e guasúva, ojererohory, ha imba’e jerure oguahẽ yvága peve.

Mboriahu ñembo’e ohasa arai, ha oguahẽ meve ijapýpe ndopytu’úi. Naikane’õi upe Yvatetegua oike peve ombojovake haguã imarangatúvape, ha ojapo upe ipo jojáva.

Tupä Ñandejára Ñe’ẽ.

SALMO ÑEMBOHOVÁI                                    33, 2-3. 17-19. 23

R. Imboriahúva oñembo’e Tupä Ñandejárape ha ha’e ohendu.

Amomba’e guasúta opa ára

Tupä Ñandejárape, ichupe aropurahéita tapiaite.

Tupä Ñandejára ombovy’a che rekove.

Imboriahúva to hendu ha tovy’a! R.

Heko vaívagui katu ndoikuaaséi mba’eve,

umíva opa va’erã tesaráipe.

Tupä Ñandejára ohendu umi ijohéi pyréva ñembo’e

ha oipe’a ichugui kuéra ipy’ambyasy. R.

Tupä Ñandejára oñemboja umi ohasa asýva rehe

ha oguenohẽ umi ikangypávape jejopy vaígui.

Tupä Ñandejára oguenohẽ jejopy vaígui hembiguái kuérape,

ha mba’eve ivaíva ndo jejapói chéne hendápe oguahẽva rehe. R.

Segunda lectura:

Ñahendúta Tupä Ñandejára Ñe’ẽ San Pablo ohai va’ekue ikuatia mokõiháme Timotéope                         

          4, 6-8. 16-18

Che ra’y rohayhu’etéva:

Che katu aiméma ame’ẽ haguãicha che rekove Tupä Ñandejárape ikuave’ẽmby ramo. Hi’aguĩma ára amano haguã. Heko itépe niko añorairõ, ipaha ite peve añani, ha ndajeíri che jeroviágui. Ha ko’ágã aha’arõ hína pe jeguaka Ñandejára Jesucrísto, Mbojovakehára heko jojáva, omoĩtava che akã rehe pe árape, che reko potĩ hague rehe. Ha ndaha’e mo’ãi chéve añónte ome’ẽtava. Ome’ẽta avei opa umi ipy’a ite  guive oha’arõvape ha’e ou jevy. Ajereraha ypy ramo guare  mburuvicha kuéra renondépe che jehe añe’ẽ haguã, avave ndoúi va’ekue che pytyvõ. Che rejapa ite hikuái, oĩ haguéicha. Ajerure Tupä Ñandejárape ani haguã ha’e omoengovia ichupe kuéra upéva rehe. Tupä Ñandejára mante che pytyvõ ha che mombarete. Upéva rehe, ikatu va’ekue amoherakuã pe marandu oipysyrõva opa umi Tupä Ñandejára rehe ojerovia’ỹvape. Ha upéicha Ñandejára Jesucrísto  che pe’a jaguare te jurúgui. Ha’e che mo’ãne opa mba’e vaígui, ha che rerahane yvágape ha’e oisãmbyhyhápe. To ñemomba’e  guasu ichupe opa ára! Amén.

Tupä Ñandejára Ñe’ẽ.

ALELUIA     2Cor 5, 19

Aleluia.

Cristo rupi Tupä Ñandejára ñane moingo porã jevy hague hendive, oheja reívo yvypóra angaipa, ha ome’ẽvo oréve iñe’ẽ ojeiko porã jevy haguã hendive.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha.

Pejapysaka porãtapa hese?                                                     

                      18, 9-14

Upe ramo Jesús omombe’u ko ambue ñe’ẽ mbojoja, umi ojeroviávape ijehe oimo’ãgui heko joja, ha ojahéiva hapicha kuéra rehe. “Mokõi kuimba’e oho Tupaópe oñembo’évo. Peteïva fariseo, pe ambue katu, umi viru omono’õva Rómape guarã rehegua. Pe fariseo, oñembo’yhápe, oñembo’e péicha: ‘Ha Tupä Ñandejára, ame’ẽ ndéve che aguyje, nda ha’éi gui che umi ambuéicha, mondaha, heko añáva, omoakã ratĩva hembireko, ha pe viru omono’õvaicha ave. Che ndakarúi mokõi ára aja peteï semánape, ha ame’ẽ ndéve guarã 10gui peteï opa ahupytývagui.’ Pe viru mono’õhara katu opyta mombyrymi, ha ndaipy’ái ojesa rupi haguã yvága gotyo. Ombota mbota uvei hína ipyti’a, ha he’i: ‘Ha Tupä Ñandejára, che poriahuvereko mína. Che niko mba’e vai apohava.’ Ha’e peëme, pe viru mono’õhara ojevy hague hógape heko joja pyre, pe fariseo katu nahániri. Pe ijupe voi oñembo tuicháva, oñemo michĩne ha pe oñemo michĩva, tuicháne”.

Ñandejára Jesucrísto  Ñe’ẽ.