LECTURAS DEL DOMINGO 3 DE NOVIEMBRE

LECTURAS DEL DOMINGO 3 DE NOVIEMBRE

Primera Lectura  

Ko’ágä ñahendúta Tupä Ñandejára ñe’ẽ Sabiduría arandukápe oĩ háicha     

                                                   11, 22^__12, 2

Opa mba’e oĩva ivevýi peteï yvy ra’ỹicha ne renondépe, peteï ysapy resáicha ho’áva yvy ári. 

Opavavépe reiporiahuvereko, ikatúgui rejapo opa mba’e, remboty nde resa yvypóra rembiapo vai renondépe, jahechapa ndojevýi heko añágui. Nde niko rehayhu opa mba’e, ha opa rejapo va’ekuégui neremboykéi mba’eve, ehayhu’ỹta rire, nderejapói va’erã mo’ã. 

Mba’e nga’u piko opytáta. Mba’éicha piko oikovéta nerehenói ramo nde? 

Nde reiporiahuvereko maymáva, ne mba’égui opa mba’e, ha opa mba’e rehayhúgui. 

Pe nde espíritu omano’ỹva oĩgui opa mba’épe, umi ho’a va’ekuépe, reja’o mimi ha reipytyvõ, remomandu’a ichupe kuéra umi iñangaipa rehe, osẽ haguã tape vaígui ha ojevy pe reimeháme, ha ojerovia nde rehe ore Jára. 

Tupä Ñandejára Ñe’ẽ.

SALMO ÑEMBOHOVAI                         144, 1-2. 8-11. 13c-14

R. Amomba’e guasúta Tupä Ñandejárape opa ára ha oparupi ete.

Tupä che Jára, ndéve romomba’e guasúta che ruvicha guasu. 

Nde réra amomba’éta opa árape. 

Ára ko’ẽ rehe romomba’e guasúta,

ha nde réra amomba’éne opa ára. R. 

Tupä Ñandejára imba’e porã ha oporo poriahuvereko. 

Ha’e oporohayhu ha hasýpe ipochy, 

opavavépe ha’e ohecha kuaa, 

ha ohecha ramo opa hembiapokue. R.

Opa ne rembiapokue ta ne momba’e guasu, Tupä Ñandejára,

opa nde rehe ojeroviáva ta ne momba’e guasu. 

Ha’e kuéra to moerakuã tuichaha upe ne retã, 

ha’e kuéra toikuaauka nde ne mbareteha. R.

Tupä Ñandejára nopyrũiva iñe’ẽ rehe, 

ha’e ipy’a porã opa mba’épe. 

Tupä Ñandejára ojoko umi ho’ávape, 

ikangývape omopu’ã jevy. R.

Ñahendúta Tupä Ñandejára Ñe’ẽ San Pablo ohai va’ekue ikuatiañe’ẽ mokõiháme Tesalónica guápe                                      

1, 11^__2,2

Che pehëngue kuéra:

Upeva’erã roñembo’e opa ára pende rehe Tupä Ñandejárape, pene renói va’ekue peiko haguã ha’e oipota háicha, ha ipokatu rupi oiko haguã peëme opa mba’e porã pejaposéva, ha opa umi tembiapo pemongu’éva pejerovia rupi. Upéicha ramo, Ñandejára Jesús réra ojererohorýta pende rehe ae, ha ha’e pende rerohorýta, Tupä Ñandejára ha Ñandejára Jesucrísto  ipy’a porãitéva oipota háicha. 

Ko’ágã, che pehẽngue kuéra, Ñandejára Jesucrísto  ou jevy haguã rehegua, ha ñande joaju hendivéreniko rojerure peëme, ani peheja avave pene mbotavy térã pene mondyise he’ívo peëme oguahẽma hague Ñandejára ouha ára. Ikatúne oime oimo’ãva ore ro’e hague upéva Espíritu rupi, roñemoñe’ẽháme térã kuatia ñe’ẽme.

Tupä Ñandejára Ñe’ẽ.

ALELUIA                                                                               Jn 3, 16

Aleluia.

Tupä Ñandejára ohayhu etereígui opa yvypórape, ome’ẽ va’ekue Ta’ýra peteïete, ani haguã omano umi hese ojeroviáva, oikove haguã uvei opa ára.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha. Pejapysaka porãtapa hese?       

                                              19, 1-10

Jesús oike Jericópe, ha ohasa ohóvo upe táva rupi. Upépe oikóva peteï kuimba’e imba’e retáva hérava Zaqueo, umi omono’õva viru Roma ruvichápe guarã. Ha’e oikuaase Jesúspe, ha ndaikatúi ohecha ichupe, hetágui umi Jesús ndivegua, ha Zaqueo ikarape. Upéva rehe oho tenondévo. Ha ohecha haguã ichupe, ojupi peteï yvyra rakã rehe, pe Jesús ohasataha ypy rupi. Ohasávo Jesús upe rupi, oma’ẽ yvatévo ha he’i ichupe: 

Zaqueo, pya’e eguejy. Ko árape apyta va’erã nde rógape. 

Zaqueo pya’ete oguejy, ha torypa itépe omoguahẽ Jesúspe. Ohechávo upéva, opavave oñepyrũ oñe’ẽ Jesús rehe, he’i hikuái ohoha opyta peteï iñangaipáva rógape. Zaqueo opu’ã upépe ha he’i Ñandejárape: 

Ma’ẽ, che Jára, ame’ẽta imboriahúvape mbyte rupi opa arekóvagui, ha oime ramo amonda hague, amboekoviáta ichupe irundy jevy hetave. 

Jesús he’i ichupe: 

Ko árape, ko óga kóvapegua oguahẽ ñepysyrõ. Zaqueo niko Abraham ñemoñare avei. Tupä ra’y, ou va’ekue yvypóraicha, ou ohekávo ha oipysyrõvo opa oñehundi va’ekue.

Ñandejára Jesucrísto  Ñe’ẽ.