LECTURAS DEL JUEVES 09 DE ENERO

LECTURAS DEL JUEVES 09 DE ENERO

Primera lectura:

Ñahendúta Tupã Ñandejára Ñe’ẽ San Juan ohai va’ekue                       

   1 Jn 4, 19 – 5, 4

Che ra’y kuéra pohayhu etéva: Ñande jahayhu Tupã Ñandejárape, ha’e raẽ ñande rayhu haguére. Oĩrõ he’íva: “Che ahayhu Tupã Ñandejárame”, ha upekuévo ndohayhúi hapichápe, ijapu. Pe ohayhu’ỹva hapicha ohechávape, piko mba’éicha ohayhúta Tupã Ñandejára ohecha’ỹvape? Jesucristo oheja va’ekue ñandéve ko tembiapoukapy: Pe ohayhúva Tupã Ñandejárape, to hayhu avei hapichápe.

Opa ogueroviáva Jesús ha’eha pe Cristo, umíva Tupã Ñandejára ra’y hína, ha pe ohayhúva peteĩ túvape ohayhu avei upe túva ra’y kuérape. Jahayhu ramo Tupã Ñandejárape ha jajapo ha’e oipotáva, jaikuaa jahayhuha avei Tupã ra’y kuérape. Jahayhu Tupã Ñandejárape he’ise jajapo hembiapoukapy, ha hembiapoukapy ndaha’éi mba’e pohýi, opa Tupã Ñandejára ra’ýva niko ipu’aka yvypóra rekóre, ha upe ñande jaroviáva rupi, ñande pu’aka yvypóra rekóre.

Tupã Ñandejára Ñe’ẽ.

SALMO ÑEMBOHOVÁI                71, 1-2. 14. 15acd. 17

R.Tupã Ñandejára, eme’ẽ mburuvicha guasúpe teko joja

Tupã Ñandejára, eme’ẽ mburuvicha guasúpe teko joja

ha mburuvicha guasu ra’ýpe teko potĩ, ikatu haguãicha ne retã oisãmbyhy hekopete,

ha imboriahúvape ohechakuaa. R.

Jejopy vai ha jerereko vaígui oguenohẽne ichupekuéra,

umíva rekove ohecha ramo etereígui ha’e.

Toikove puku ñande ruvicha guasu!

Opa árape to ñeñembo’e hese! Opa árape to jehovasa! R.

Mburuvicha guasu réra to pa’ỹ araka’eve, taherakuã kuarahy oñehundi peve.

Tetã nguéra tojehovasa ipo rupi, ha umíva to mbovy’a ichupe. R.

ALELUIA

Aleluia.

Tupä Ñandejára che mbou va’ekue omombe’u haguä  Marandu Porä imboriahúvape ha amombe’u haguä

ojepoítaha umi oikóva ñapytïmbýpegui.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                                       4. 14-22a

Upe ramo Jesús oho jevy Galiléape, henyhẽ pokatúgui, ome’ẽva ichupe Espíritu Santo, ha herakuã upe táva jerekuére. Oporombo’e umi judío kuéra, tupaópe ha maymáva oguerohory ichupe.

Jesús oho Nazarétpe, táva ha’e okakuaa hague. Pytu’uha ára jave oike upe judío kuéra tupaópe, ojapo tapia háicha, ha oñembo’y omoñe’ẽ haguã Tupä Ñandejára Ñe’ẽ. Ome’ẽ ichupe hikuái omoñe’ẽ haguã maranduhára Isaías kuatia. Ha oipekávo ojuhu péicha he’ihápe:

 “Ñandejára Espíritu oĩ che ári, chéve niko che poravo araha haguã marandu porã opa imboriahúvape, che mbou aipe’ávo jejopýgui umi ijyvyrakuávape ha ame’ẽvo techa ohecha’ỹvape; apoívo opa ojejopývagui, amoherakuãvo áño Tupä Ñandejára hetã guápe oipysyrõta”

Upéi, Jesús omboty pe kuatia, ome’ẽ pe oñeñemboatyha pytyvõháme ha oguapy. Opavave oĩva upépe ojesareko hese. Ha’e oñepyrũ oñe’ẽ ha he’i:

Ko árape voi oiko pe Tupä Ñandejára Ñe’ẽ pehendúva ko’ágã. Opavave oñe’ẽ porã Jesús rehe ha oguerohory umi mba’e porã he’íva.

Ñandejára Jesucristo Ñe’ẽ.