LECTURAS DEL JUEVES V DE CUARESMA

LECTURAS DEL JUEVES V DE CUARESMA

Ko’ágã ñahendúta Tupã Ñandejára ñe’ẽ Génesis arandukápe oĩ háicha    17, 1-9

Abrám oguereko ramo 99 áño, Tupä Ñandejára ojechauka ichupe ha he’i: “Che ha’e Tupã ipu’akapáva, eikóke aipota háicha ha eñeha’ã ne marangatu. Añe’ẽ me’ẽ, heta romoñemoñaréta.”

Abram ojeity ha omboja isyva yvýre, ha Tupã Ñandejára he’i ichupe: “Péicha añe’ẽ me’ẽ ndéve: Ndéta heta tetã ru ypykue. Na nde réra mo’ãvéima Abram. Nde rérata Abraham, che roiporavógui reiko haguã heta tetã ru ypykue ramo. Heta ne ñemoñaréta ha ijapytépe oĩta tetã nguéra ruvicha guasu. Opa ára peve guarã che ñe’ẽ me’ẽ ndéve ha ne ñemoñarépe: Aikóta ne Tupã ha ne ñemoñare Tupã Ñandejára ramo opa árape guarã. Ame’ẽta ndéve ha ichupekuéra ko yvy reikoha ágã, Canaán retã tuichakue pene mba’erã, ha aikóta Itupã ramo opa ára peve guarã.”Tupã Ñandejára he’i jevy Abrahámpe: Nde ha ne ñemoñarekuéra avei pejapóta che ñe’ẽ me’ẽ.

Tupã Ñandejára Ñe’ẽ.

SALMO ÑEMBOHOVÁI 104, 4-9

Opavave: Peguahẽ Tupä Ñandejára rendápe pytyvõ rekávo.

Peguahẽ Tupä Ñandejára rendápe pytyvõ rekávo.

Opa ára peñemboja hendápe.

Pene mandu’áke umi mba’e hechapyrãva ojapo va’ekuére,

ha hembiapoukapy ijurúgui osẽ va’ekuére. O.

Peẽ hembiguái kuéra Abraham ñemoñaréva,

peẽ hembiporavo Jacob ra’ykuérava,

Tupã niko Ñandejára hína,

ha’e oisãmbyhy ko yvy tuichakue. O.

Ha’e imandu’a mante iñe’ẽ ome’ẽ va’ekuére.

Iñe’ẽ ome’ẽ va’ekuére opa árape guarã.

Ha’ete voi ome’ẽ va’ekue iñe’ẽ Abrahámpe,

héra tee rehe ome’ẽ va’ekue iñe’ẽ Isaácpe. O.

VERSÍCULO ANTES DEL EVANGELIO     Cf. Sal 94, 8a, 7d

Anítei pemohatä pene korasö

pehendu uvei Tupã Ñandejára ñe’ë.

EVANGELIO

Ñahendúta Ñandejára Jesucristo rekove ha hemimbo’e San Juan omombe’u háicha 8, 51-59                                            

Upe ramo guare Jesús he’i judíokuérape: Añetéko ha’e peẽme, pe ojapóva che ha’éva nomano mo’ãi araka’eve.

Umi judío kuéra he’i ichupe: Ko’ágã katu roikuaa porã mba’e pochy rerekoha nde pype. Abraham ha opa ite maranduhára kuéra niko omanomba va’ekue, ha reju ere oréve: “Pe ojapóva che ha’éva nomano mo’ãi.” Nde nga’u piko nde tuichave ore ypykue Abrahámgui? Ha’e niko omano va’ekue ha umi maranduhára kuéra péichante avei. Máva piko nde?

Jesús he’i ichupekuéra: Chete voi añemomba’e ramo che jupe, upéva naiporãi mba’everã. Upe che momba’éva katu niko che Ru, upe peẽ pejéva ha’eha pene Tupã. Ha peẽ katu ndapeikuaái ichupe. Che katu aikuaa ichupe, ha ha’e ramo ndaikuaaiha ichupe, péicha che japúta. Añetehápe ha peẽme che aikuaaha ichupe, ha japo pe ha’e he’íva. Pende ypykue Abraham niko ovy’a va’ekue ohecháta haguére che ajuha ára. Ha ohecha va’ekue ha’e, ha tuicha ovy’a.

Umi judíokuéra he’i Jesúspe: Ne’ĩra gueteri niko remboty 50 áño, ha piko eréta oréve rehecha hague Abrahámpe?

Jesús he’i ichupekuéra: Añetehápe ha’e peẽme, che aikove Abraham mboyve guive.

Upépe ipojái hikuái itáre ojapi haguã ichupe. Jesús katu kañyháme osẽ ichugui kuéra Tupãógui.

Ñandejára Jesucristo Ñe’ẽ.