LECTURAS DEL LUNES 14 DE OCTUBRE

LECTURAS DEL LUNES 14 DE OCTUBRE 

Primera Lectura 

Ñahendúta Tupã Ñandejára Ñe’ẽ San Pablo ohai va’ekue Roma guápe          

                  1, 1-7

Pomo maitei che, Pablo, Jesucristo rembiguái. Ha’e che renói va’ekue  aiko haguã ijapóstol ramo, ha che poravo va’ekue  aikuaauka haguã Tupã Ñandejára marandu porã. 

Imaranduhára kuéra rupi, Tupã Ñandejára ome’ẽma va’ekue  voi iñe’ẽ ikuatia marangatúpe. Upe marandu upéva hína pe oñe’ẽva Ta’ýra Ñandejára Jesucristo rehe, yvypóraicha ou va’ekue, David ñemoñarégui. Oikove jevy guive katu, ha’e oiko Tupã Ra’y ramo, opa ipokatu reheve, ha Espíritu Santo rupi. 

Jesucristo rupi, Tupã Ñandejára che mbojerovia ha ojapo che hegui apóstol, ha añemoĩ amba’apo, opa tetãme oĩ ogueroviáva ichupe ha ojapóva hembipota. Umíva apytépe peime avei peẽ, peikóva Rómape. Tupã Ñandejára pende rayhu ha pende poravo peime haguã Jesucristo ndive, peẽ hína Tupã Ñandejára mba’e. Tupã ñande Ru ha Ñandejára Jesucristo to hekuavo imba’e porãngue ha ipy’aguapy pende ári. 

Tupã Ñandejára Ñe’ẽ.

SALMO ÑEMBOHOVÁI                         97, 1-4

R. Tupä Ñandejára ohechauka ipokatu

Pepurahéi Tupä Ñandejárape purahéi pyahu, 

mba’e hechapyrãva ojapógui ha’e. 

Ipyapy mbarete ha imarangatúgui 

ipu’aka opa mba’ére. R.

Tupä Ñandejára ohechauka ipokatu, 

tetã nguérape ohechauka heko jojaha. 

Imandu’a imborayhu ha heko

jeroviaháre tetã Israel ndive guarã. R.

Yvy jerekuévo ojehecha

Tupã Ñandejára ipu’akaha opa mba’ére. 

To jererohory Tupä Ñandejára yvy jerekuévo, 

purahéi rory to soro ha to jevy’a. R.

ALELUIA                                         Cf. Sal 94, 8a. 7d

Aleluia. 

Ani pemohatä pene korasö, pehendu uvei 

Tupä Ñandejára ñe’ë.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?

                                            11, 29-32

Upe ramo ohechávo Ñandejára heta hetave ohóvo hese oñembojáva, ha ha’e oñepyrũ he’i ichupe kuéra: “Tekove ahẽ ko’ágä guánte ojerure ohecha haguã mba’e hechapyrãva. Ndojehechauka mo’ãi peẽme mba’eveichagua mba’e hechapyrãva. Tupã Ñandejára ohechaukáta peẽme maranduhára Jonás rehe ojapo haguéicha. Pe Jonáspe ojehechauka va’ekue  niko Nínivepe guarã mba’e hechapyrãva va’ekue. Upéicha avei che, yvypóraicha aju va’ekue, mba’e hechapyrãva hína opavavépe guarã. 

Ñembojovakeha árape, oĩ marõ Tupã Ñandejára renondépe yvypóra ko’ágägua, pe mburuvicha guasu kuñáva tetã Sebá pegua, opu’ã va’erã avei mbojovakeha árape, ha pene moĩ vaíta Tupã Ñandejára renondépe pene rembiapo vai haguére. Ha’e niko mombyry mombyryvégui oho va’ekue  ohendu haguã Salomón ñe’ẽ arandu. Ha che ha’e peẽme, peteĩ mba’e guasuvéva Salomóngui oĩhína ko’ápe ko’ágä . 

Umi Ninivegua avei opu’ã va’erã pe ñembojovakeha árape, ojepyguarávo yvypóra rekovekue ko’ágä  guápe, pene moĩ vai haguã. Ninivegua niko ojere va’ekue  Tupã Ñandejára gotyo ohendúvo Jonás marandu, ha pe ko’ápe oĩva hína mba’e guasuve Jonásgui.” 

Ñandejára Jesucristo Ñe’ẽ