LECTURAS DEL DOMINGO 13 DE OCTUBRE

LECTURAS DEL DOMINGO 13 DE OCTUBRE 

Primera Lectura

Ko’ágä ñahendúta Tupä Ñandejára ñe’ẽ Reyes aranduka mokõiháme oĩ háicha      

                                   5, 10. 14-17

Eliseo katu he’iuka  Naamánpe hembijokuái rupi: “Te reho  ejahu 7 jevy ysyry Jordánpe ha nde rete ipotĩta kuru vaígui”. 

Naamán oho ha oñapymi 7 jevy ysyry Jordánpe, he’i haguéicha ichupe maranduhára, ha ho’o opyta ipotĩ asy mitãro’óicha. Upéma ramo  ha’e ha opa imoirũhara oho jevy Eliseo rendápe, ha oguahẽvo Naamán he’i ichupe: 

Ko’ágã aikuaa porã, opa tetã nguéra ko yvy arigua apytépe, Israélpe ñoite oĩha Tupä Ñandejára. Upéva rehe ajerure ndéve rereko haguã ne mba’erã ko’ã jopói arúva ndéve. 

Eliseo katu he’i ichupe:

Che Jára, che recháva hína rehe ha’e ndéve, ndareko mo’ãiha che mba’erã. 

Ha Naamán he’ive ramo jepe ichupe, Eliseo ndoipotái. Upéma ramo  Naamán he’i ichupe: 

Upéicha ramo, ta raha mína mokõi che mburika ári yvy Israel pegua; águive niko naikuave’ẽ mo’ã véima mymbahapy térã mymbajuka Tupä nguérape, opa mba’e Járape ñoiténtema uvei.

Tupä Ñandejára Ñe’ẽ.

SALMO ÑEMBOHOVÁI                                                            97, 1-4

R. Tupä Ñandejára ohechauka ipokatu.

Pepurahéi Tupä Ñandejárape purahéi pyahu, 

mba’e hechapyrãva ojapógui ha’e. 

Ipyapy mbarete ha imarangatúgui 

ipu’aka opa mba’e rehe. R.

Tupä Ñandejára ohechauka ipokatu, 

tetã nguérape ohechauka heko jojaha. 

Imandu’a imborayhu ha nopyrüiha iñe’ë rehe

tetã Israel ndive guarã. R.

Yvy jerekuévo ojehecha 

Tupä Ñandejára ipu’akaha opa mba’e rehe. 

To jererohory Tupä Ñandejára yvy jerekuévo, 

purahéi rory to soro ha to jevy’a. R.

Segunda Lectura

Ñahendúta Tupä Ñandejára Ñe’ẽ San Pablo ohai va’ekue ikuatia mokõiháme Timotéope                                     

 2, 8-13

Che ra’y rohayhu etéva:

Ne mandu’áke Jesucrísto  rehe. Ha’e niko David ñemoñare hína, ha opu’ã jevy va’ekue omanóva apytégui. Péicha niko he’i pe marandu porã che amoherakuãva, ha upéva rupi heta ahasa asy ha ajerereko iñapytĩháme, che rembiapo vai ramo guáicha. Tupä Ñandejára Ñe’ẽ katu ndaikatúi oñeñapytĩ. Upéva rehe, umi Tupä Ñandejára oiporavo va’ekue rehehápe aropu’aka opa mba’e, ikatu haguã Cristo Jesús rupi ha’e kuéra avei oñepysyrõ, ha oikuaa pe jeikove opa’ỹva ha tuicha itéva. 

Añetehápe niko oje’e: 

Ñamano ramo hendive 

hendive avei jaikovéta, 

jahasa asy kuaa ramo 

hendive ñaiméta opa mba’e ári, 

ja’e ramo nda jaikuaaiha ichupe 

ha’e avei na ñande kuaa mo’ãi,

nda jajeroviái ramo hese 

ha’e nda upéichai ñane ndive, 

ndaikatúigui ha’e voi 

he’i ijupe tove. 

Tupä Ñandejára Ñe’ẽ.

ALELUIA                                                                            1Tes 5, 18

Aleluia.

Peme’ẽ pende aguyje Tupä Ñandejárape

opa mba’e rehe, upéva pe ha’e oipotáva 

pende hegui, peë Jesucrísto  reroviaha.

Aleluia.

EVANGELIO

Ko’ágä ñahendúta Ñandejára Jesucrísto rekove ha hemimbo’e San Lucas omombe’u háicha. Pejapysaka porãtapa hese?   

                                                 17, 11-19

Upe ramo ohóvo Jerusalénpe, Jesús ohasa Samaría ha Galilea pa’ũ rupi. Ha oguahẽ peteï tava’ipe, ha upépe osẽhuguãitĩvo 10 kuimba’e ijaipáva. Opyta mombyry ichugui, ha osapukái: 

Jesús, Mbo’ehára, ore poriahuvereko mína! 

Ohechávo ichupe kuéra, Jesús he’i: 

Ta peho  pa’i rendápe. 

Ha oho aja, ipotĩ hikuái imba’asýgui. Peteïva, ojechavo ipotĩha, ojevy ha sapukáipe oguerohory Tupä Ñandejárape, ha oñesũ Jesús renondépe, ojayvy yvy peve ome’ẽvo ichupe ijaguyje. Upéva pe kuimba’e Samariagua. Jesús he’i ichupe: 

Nda ha’éi  piko 10 ra’e umi ipotĩ va’ekue imba’asýgui? Mamo piko oime umi ambue 9? Ko kuimba’e mombyrygua año piko ou oguerohory haguã Tupä Ñandejárape? Ha he’i upe karia’ýpe: 

Epu’ã ha Te reho. Rejerovia rupi rekuéra. 

Ñandejára Jesucrísto  Ñe’ẽ.