LECTURAS DEL MARTES 1 DE OCTUBRE

LECTURAS DEL MARTES 1 DE OCTUBRE 

Ko’ágä   ñahendúta Tupã Ñandejára ñe’ẽZacarías arandukápe oĩháicha

8, 20-23

Péicha he’i Tupä Ñandejára ipu’akapáva. Ou va’erã gueteri hína heta oĩva táva guasu kuéra rupi. Upérõ ha’e kuéra he’íta ojupe: “Jaháke Tupä Ñandejára ipu’akapáva rendápe, jajerure ichupe ta ñande rovasa.” Ha umi ambue he’íta: “Ore avei rohose, jaha katu!” Ha oúta Jerusalénpe heta tetãgua Tupä Ñandejára ipu’akapáva rendápe, ojerurévo ojehovasa haguã ichupe kuéra. Upérõ 10 mombyrygua ipojáita peteĩIsraelguáva ao ruguáire ha he’íta: “Rohose pene ndive rohendúgui Tupã Ñandejára oĩha pene ndive.”

Tupã Ñandejára Ñe’ẽ.

SALMO ÑEMBOHOVÁI                         86, 1-7

R.Tupä Ñandejára oĩñane ndive.

Tupã Ñandejára omopu’ã hogarã 

umi ijyvateveha yvyty marangatúpe. 

Opa Israel táva apytégui Siónhína upe ha’e ohayhuvéva. 

Heta mba’e neporãva niko oje’e, nde rehe, Tupã táva. R.

“ Aguerekóta Egipto ha Babilóniape

umi che kuaáva ha che rayhúva apytépe. 

Filistea, Tiro ha Etiopía 

heñói ipype, nde rehegua voi.” R.

Kóicha oje’éne táva Sión rehe:

 “Kóva ha amóva niko upépe 

ára resa ohecha va’ekue . 

Upe Yvatetegua, ha’ete voi, pe táva omopu’ã.” R.

Tupã omoĩvo tetã nguéra réra kuatiáre, he’íne umívare: 

“Kóva niko upépe ára resa ohecha va’ekue .” 

Purahéi ha jerokýpe he’i joáne hikuái: 

Ko’ápe ajuhu opa mba’e iporãva. R.

ALELUIA Mc 10, 45

Aleluia. 

Che yvypóraicha aju va’ekue aikóvo tembiguái ramo

ha ame’ëvo che rekove mayma yvypóra rayhupápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                             9, 51-56

Upe ramo hi’aguĩmarõ hína ára Jesús ojupi va’erãha yvágape, osẽoho kyhyje’ỹre Jerusalénpe. Omondo hembijokuái tenonderã, ohóva peteĩtáva’i Samaría guápe ohecha haguã ichupe hendaguã. Umi Samariagua katu, nomoguahẽséi ichupe ohecha kuaágui ohoha hína Jerusalénpe. 

Hemimbo’e kuéra Santiago ha Juan ohechávo upéva, he’i ichupe: Ore Jára, reipotápa ro’e oguejy haguã yvágagui tata ohundi haguã ichupe kuéra? Jesús katu ojere oja’o ha he’i ichupe kuéra: Peẽko ndapeikuaáinte mba’e espíritu reheguápa peẽ. Che yvypóraicha aju va’ekue  ndajúi aporohundívo, aju katu aporopysyrõ haguã ha upéi oho hikuái ambue táva’ipe. 

Ñandejára Jesucristo Ñe’ẽ