LECTURAS DEL LUNES 30 DE SEPTIEMBRE

LECTURA DEL LUNES 30 DE SEPTIEMBRE 

Ko’ágä   ñahendúta Tupã Ñandejára ñe’ẽZacarías arandukápe oĩháicha                                         

8, 1-8

Tupä Ñandejára ipu’akapáva he’i chéve: “Che rakate’ỹeterei Sión rehe, che rakate’ỹmbarete. Aju jevýta  Jerusalénpe aiko haguã upépe. Upérõ Jerusalén oñembohérata táva jeroviaha ha Tupä Ñandejára ipu’akapáva yvyty oñembohérata yvyty marangatu. Karai tuja ha guãiguĩnguéra oguapy jevýta Jerusalén korapy rupi ha ojekóta pokoka yvyráre oguatávo, 5 mitä’i ha mitãkuña omoenyhẽta umi korapy ha upépe oñemboharáita. Upérõ umi che retã guágui hembýva ndoguerovia mo’ãi ikatuha oiko ko’ã mba’e. Che katu aroviáta. Che, opa mba’e Jára ipu’akapáva ha’e upéicha. Che aipe’áta che retã guápe umi kuarahy resẽha kuarahy reike gotyogua poguýgui. Ha arúta Jerusalénpe oiko haguã upépe. Ha’e kuérata upérõ che retãgua ha che katu Tupã Ijára, jeroviaháva ha hekojojáva.

Tupã Ñandejára Ñe’ẽ.

SALMO ÑEMBOHOVÁI        101, 16-21. 29. 22-23

R.Tupä Ñandejára oma’ẽyvýre amo yvatégui.

Tupä Ñandejára, tetã nguéra nde réragui okyhyjéne, 

mburuvicha guasu kuéra ne momba’éne. 

Tupä Ñandejára omopu’ã jevy vove Sión, 

ha ojechaukávo heko mimbipápe, 

ohendúne imboriahúva ñembo’e 

ha nomboykéi chéne imba’e jerure. R.

Ko’ã mba’e kuatiápe to ñemoĩ, oikuaa haguã umi oútava, 

ha oikove’ỹva gueteri ágä omomba’e guasu Ñandejárape. 

Tupä Ñandejára oma’ẽyvýre amo yvatégui,

upe hekoha marangatu guive oma’ẽ, 

ohendu haguã iñapytïmbýva ñembyasy, 

ha umi ojejukátavagui opoi haguã. R.

Ne rembiguái ra’y kuérare reñangarekóne, 

ha iñemoñare kuéra oiko porãne nde rupi. 

Tupä Ñandejára réra ojererohorýne Siónpe, 

héra oñemomba’éne Jerusalénpe, ágã tetã nguéra 

oñembyatývo oñondive omomba’e 

guasu joa haguã ichupe. R.

ALELUIA

Mc 10, 45

Aleluia. 

Che yvypóraicha aju va’ekue aikóvo tembiguai ramo

ha ame’ëvo che rekove mayma yvypóra rayhupápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                     

        9, 46-50

Upe ramo Jesús remimbo’e kuéra oñemoĩhe’i ojupe mávapa pe mba’e guasuvéva ijapytépe kuéra. Jesús, ohecha kuaávo mba’épa oguereko hikuái iñakãme, ohenói peteĩmitãme, omoĩijypýpe, ha he’i ichupe kuéra: 

Che rérape oguerohorýva ko mitãme, chéve che rerohory, ha oguerohory avei pe che mbou va’ekuépe. Upévare, pe michĩvéva pende apytépe, upéva hína upe mba’e guasuvéva. 

Juan he’i ichupe: Mbo’ehára, rohecha kuri peteĩomosẽva mba’epochy nde rérape, ha rojoko, ndaha’éigui ore ndivegua. 

Ha Jesús he’i ichupe: Ani pejoko, pe opu’ã’ỹva ñande rehe niko oĩñane ndive. 

Ñandejára Jesucristo Ñe’ẽ