LECTURAS DEL DOMINGO 29 DE SEPTIEMBRE

LECTURAS DEL DOMINGO 29 DE SEPTIEMBRE

Primera Lectura 

Ko’ágä ñahendúta Tupä Ñandejára ñe’ẽAmós arandukápe oĩháicha                                                               6, 1a. 4-7

Ái! Umi Siónpe oikóvagui ojepy’apy’ỹrehe, Peñeno umi tupa ojeguapa ha hepyvévape, pe’u ovecha ha vaka ra’y ikyravéva, árpa púpe pepurahéi 

Davídchapeiporúvo mba’epu, tuicháicha kaguy pemboy’u, ha peiporu mba’e ryakuã iporãvéva. 

Mba’evete voi peëme José retã oñehundi ramo! peë raẽvete pejereraháta tetã mombyrýpe,  pende karu guasu ha vy’a opáta hína! 

Tupä Ñandejára Ñe’ẽ.

SALMO ÑEMBOHOVÁI                                                       145, 7-10

R.Emomba’e guasu TupäÑandejárape che anga.

TupäÑandejáraoñemoĩuvei ojejopy vaíva yke rehe, 

ha omongaru iñembyahýivape. 

Tupä Ñandejára opoi 

umi iñapytĩmby ojererekóvagui. R.

Tupä Ñandejára oheja umi ohecha’ỹvape ohecha jevy, 

Tupä Ñandejára omopu’ã umi ikangývape, 

Tupä Ñandejára ohayhu umi heko jojávape, 

Tupä Ñandejára oñangareko umi mombyry guáre. R.

Ha ityre’ỹha iména manóvape ha’e oipytyvõ. 

Heko vaíva rape katu ha’e ohundi. 

Tupä Ñandejára niko mburuvicha guasu opa árape guarã. 

Táva Sión! Tupä Ñandejára ne sãmbyhýta opa árape. R.

Segunda Lectura 

Ñahendúta Tupä Ñandejára Ñe’ẽSan Pablo ohai va’ekue ikuatia peteïháme Timotéope                    

                  6, 11-16

Nde Timoteo, TupäÑandejárarembiguái, ejei opa ko’ã mba’égui. Eikove teko porãme, poriahuverekópe, Jesucrísto  reroviápe, mborayhúpe, eropu’aka jeiko asy ha nde py’a porãke. Eñorairõ porã ne mba’e reroviáre. Ani reheja oho nde hegui pe jeikove opa’ỹva, upeva’erã ma ne renói va’ekue TupäÑandejára, ha upéva rehe reme’ẽva’ekue ne ñe’ẽheta renondépe. Ko’ágã, TupäÑandejáraopa mba’e omoingovéva renondépe, ha Jesucrísto renondépe, ome’ẽva’ekue avei iñe’ẽha omombe’u hendupyrãva Poncio Pilato renondépe, ha’e ndéverejapo haguã ha’éva. Eikóke teko potĩojehecha vai’ỹva’erãme, Ñandejára Jesucrísto  ou peve heko mimbipápe. Hi’árape porãTupäÑandejáraojapóta ko’ãmba’e. Ha’e añoite pe imarangatúva, mburuvicha guasu kuéra ruvicha, ha opa mba’e Jára. Ha’e añoite pe omano’ỹva, oikovéva peteï mba’e rendýpe, avave ikatu’ỹhápe oñemboja. Ndaipóri yvypóra ohecha va’ekue ichupe ha ndaikatúi ohecha. Ha’e opa ára guarã heko marã’ỹha ipokatu. Amén.

Tupä Ñandejára Ñe’ẽ.

ALELUIA                                                                                 2Cor 8, 9

Aleluia.

Ñandejára Jesucrísto, pende rayhupápe, mba’e rerekoha ramo jepe, oñemomboriahu hague, ikatu haguã oiko pende hegui mba’eta rerekoha imboriahukue rupi. 

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha. Pejapysaka porãtapa hese?      

                                                    16, 19-31

Ñandejára Jesucristo he’i:

“Oikómi va’ekue peteï karai imba’e retáva, oñemondémiva ao hepýpe ha iporãvape. Ha opa árapente, ojapóvami karu guasu neporã porãva hógape. Oikómi va’ekue ave, peteï tekove mboriahu hérava Lázaro. Hete ijaipa ha oguapýmiva yvýpe, pe imba’e retáva róga rokẽme. Ha umi jagua jepe oúmiva oheréi umi ijaiha. 

Lázarope hi’ántemiva oñemoyvatã pe tembi’u rembyrégui ho’áva pe imba’e retáva meságui. 

Peteï árape katu, Lázaro omano. Ha Tupä Ñandejára remimbou kuéra ou ogueraha ichupe, ha omboguapy okaru haguã Abraham yke rehe. Upe imba’e retáva omano avei, ha oñeñotỹ. 

Ha pe imba’e retáva ohasa asy aja umi omanóva ohohápe, ojesaupi, ha mombyry guive ohecha Abrahampe, ha Lázarope ave oguapýva hína ijyke rehe. Ha oñemoĩosapukái: ‘Che ru Abraham, che poriahuverekóna. Emondomína Lázarope tomyakỹikuãapỹi, ha tou to mbopiro’y chéve che kũ. Ahasa asy eterei niko hína ko tatápe.’Abraham katu he’i ichupe: ‘Che ra’y, ne mandu’ánteke yvýpe rehupytýma hague iporãnguete. Lázaro katu, ivaikuénte ohupity va’ekue. Ko’ágã, ha’e ipy’a pytu’u ko’ápe, ha nde rehasa asy hína. Ha upéi ave, oĩpeteï yvykua pypuku ñane pa’ũme. Ha upévagui, avave ndaikatúi ohasa ko’águi upépe, térãupéguio ko’ápe.’

Pe imba’e retáva he’i upévo: ‘Ajerure asy ndéve aipo ramo, che ru Abraham, remondomi haguã Lázarope che ru rógape. Upépe niko oime umi 5 che ryvy. To momarandu ichupe kuéra, ani ágã ha’e kuéra avei ou ho’a ko ojehasa asyetehápe.’ Abraham he’i ichupe: ‘Ha’e kuéra niko oguereko umi mba’e Moisés ha maranduhára kuéra omoĩva’ekue kuatia rehe. Umíva rehe tojeheko mbo’e!’Pe imba’e retáva katu he’i: ‘Che ru Abraham, upéva niko naiporãmbái. Peteï omanóva ojehechaukárõichupe kuéra katu, péicha ramo oheja mba’éne hikuái heko vaikue.’ Abraham katu he’i ichupe: ‘Nohenduséi ramo Moisés ha umi maranduhára kuérape, nga’u piko ogueroviáta hikuái peteï omano ha oikove jevy va’ekuépe”.

Ñandejára Jesucrísto  Ñe’ẽ.