LECTURAS DEL SÁBADO 28 DE SEPTIEMBRE

LECTURAS DEL SÁBADO 28 DE SEPTIEMBRE

Ko’ágä   ñahendúta Tupã Ñandejára ñe’ẽZacarías arandukápe oĩháicha

2, 5-9. 14-15a

Ajesaupi haahecha ambue mba’e. Peteĩkuimba’e ogueru ipópe mba’e pukukue ra’ãha. Aporandu ichupe: “Moõ piko reho?” Ha’e he’i chéve: Aha aha’ãvo pe táva Jerusalén aikuaa haguã ipukukue ha ipekue.” Upérõ ahecha ohoha pe Tupã Ñandejára remimbou oñe’ë  va’ekue  che ndive ha ambue Tupã Ñandejára remimbou osẽhuguãitĩvo, ha he’i ichupe: “Pya’éke ere pe karia’ýpe oguerekóva ipópe mba’e pukukue ra’ãha: “Jerusalénpe ojeiko jevýta  ha heta etereítagui umi oikótava upépe ha hymba kuéra, ndaikatu mo’ãi oñemopu’ã tápia ijerére. Tupä Ñandejára katu he’i: “Chéta hína peteĩtápia tata guigua Jerusalén jerére ha pe táva mbytépe ahechaukáta che mimbipa.”

Tupä Ñandejára he’i: “Pepurahéi vy’apópe Jerusalengua, che ajúgui aiko pende apytépe!” Ko mba’e ojehúrõ heta tetã oñemoĩta Tupä Ñandejára ykére. Ha ha’e he’íta: “Umíva umi tetã ha’éta avei che retãgua. Ha upérõ aikóta pende apytépe.”

Tupã Ñandejára Ñe’ẽ.

SALMO ÑEMBOHOVÁI                31, 10-12b. 13

R.Tupä Ñandejára oñangarekóta ñande rehe. 

Tetã nguéra, pehendu Tupä Ñandejára Ñe’ẽ

ha tetã mombyry rupi pemoerakuã: 

Tupä Ñandejára omosarambi va’ekue  Israélpe, 

omboaty ha oñangarekóta hese kuéra ovecha rerekuáicha. R. 

Tupä Ñandejára oguenohẽhaguére hetãgua Jacob, 

oipe’a tetã imbaretevéva poguýgui. 

Oúta ha vy’águi opurahéita yvyty Siónpe, 

Tupä Ñandejára remime’ẽgui henyhẽta. R.

Kuñataĩnguéra ojerokýta vy’a pópe,

ha upéicha avei mitã rusu ha tujami. 

Che ambovy’a jevýta  ichupe kuéra, 

ojahe’ohágui ambovy’a jevýta. R.

ALELUIA Cf. 2Tim 1, 10b

Aleluia. 

Ñandejára Jesucristo ñane Pysyröhára ipu’aka manóre

ha ombojajái tekove, Marandu porä rehe ae.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                             9, 43b-45

Upe ramo maymáva opyta ijurujái ha ohecha ramo Tupã Ñandejára mba’e guasu eteha. 

Opavave ohecha ramo aja hína pe Jesús ojapóva, ha’e he’i hemimbo’e kuérape: Pehendu porã kóva ha ani pende resarái: Che, yvypóraicha aju va’ekue, ha’áta hína yvypóra kuéra pópe.

Hemimbo’e kuérape katu nahesakãi pe he’íva. Ne’irä gueteri niko ha’e kuéra oĩoikuaa haguãicha. Upéi ave, okyhyjeterei hikuái oporandu haguã Jesúspe mba’épa pe he’iséva. 

Ñandejára Jesucristo Ñe’ẽ