LECTURAS DEL VIERNES 27 DE SEPTIEMBRE

LECTURAS DEL VIERNES 27 DE SEPTIEMBRE 

Primera Lectura

Ko’ágä   ñahendúta Tupã Ñandejára ñe’ẽAgeos arandukápe oĩháicha

                           1, 15b-2, 9

Ára 21 mes 7hápe Tupä Ñandejára oñe’ẽjevy maranduhára Hagéope, ha he’iuka Zorobabel, Josué ha opa Israel guápe kóicha: “Umi ohecha va’ekue mimbipápe pe tupao yma guare, te’i mba’e tekópa ko’ágä  jarekóva. 

Upéva rováipa kóvare ikatu ja’e tupao? Néike Zorobabel, Josué ha opa ite peẽ! Pemba’apóke! Che aime pene ndive. Che, opa mba’e Jára che pu’akapáva ha’e peẽme! Ame’ẽhaguéicha che ñe’ẽpesẽrõ guare Egíptogui, che espíritu oĩpende apytépe. Ani pekyhyje. Ágä iténte amboryrýita hína yvága ha yvy, yguasu ha yvy apekã. Amboryrýita opa tetã ha oguerúta hikuái imba’eta ha che tupao omimbipáta.” Opa mba’e Jára ipu’akapáva upéicha he’i. “Che mba’e hína pe pláta ha óro. Ko tupao mokõiha, iporãvéta pe yma guarégui. 

Upérõ amoĩta ko’ápe py’a guapy.” Che, opa mba’e Jára che pu’akapáva upéicha ha’e. 

Tupã Ñandejára Ñe’ẽ.

SALMO ÑEMBOHOVÁI                         42, 1-4

R.Tupä Ñandejára, ehesape ha emoesakã chéve che raperã

Tupã Ñandejára che mbojovakéna, 

esẽche rehehápe. 

Eñemoĩche ykére, ani haguã 

ha’a iñaña, ijapu ha heko vaíva pópe. R.

Tupã Ñandejára, nde niko upe che mo’ãva. 

Mba’ére piko upéicha ramo che mboyke? 

Mba’ére piko aikóta añembyasy, 

ha ojopy vaíta che ndive umi che rehe ija’e’ỹva? R.

Ehesape ha emyesakã chéve 

che raperã, ikatu haguã aguahẽ

nde yvyty marangatúpe,

upe nde reikohápe. R.

Aguahẽne Tupã Ñandejára oñemomba’e guasuhápe, 

upe che rekove ombohorýva rendápe. 

Árpa púpe aropurahéine aguyje me’ëvo

Tupã che Járape. R.

ALELUIA Mc 10, 45

Aleluia. 

Che yvypóraicha aju va’ekue aikóvo tembiguai ramo

ha ame’ëvo che rekove mayma yvypóra rayhupápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                    9, 18-22

Peteĩjevy, Jesús oñembo’e jave hína ha’eño, ha hemimbo’e kuéra oĩhendive, oporandu ichupe kuéra: Mavaha che piko oje’e? 

Ha’e kuéra he’i ichupe: Oĩhe’íva ndeha Juan Bautista. Oĩhe’íva ndeha Elías, ha oime katu he’íva ndeha peteĩva umi maranduhára yma guare oikove jeýva.

Jesús oporandu ichupe kuéra: Ha peẽpiko mba’e peje, mávapa che? 

Ha Pedro he’i: Nde hína upe Mesías, Tupã Ñandejára rembiporavo. 

Jesús katu heta he’i hemimbo’e kuérape ani haguã omombe’u upéva avavépe. 

Ha he’i: Che, yvypóraicha aju va’ekue, ahasa asy mante va’erã, ha ojahéita che rehe umi moakãhára, umi pa’i ruvicha ha umi Moisés rembiapoukapy mbo’eha. Che jukáta hikuái, ha mbohapy ára rire aikove jevýta.

Ñandejára Jesucristo Ñe’ẽ