LECTURAS DEL LUNES 23 DE SEPTIEMBRE

LECTURAS DEL LUNES 23 DE SEPTIEMBRE

Ko’ágä   ñahendúta Tupã Ñandejára ñe’ẽEsdras arandukápe oĩháicha                                            1, 1-6

Áño peteĩha Ciro ojupi haguépe Persia ruvicha guasúrõ, ha ojehu haguãicha Tupä Ñandejára Ñe’ẽJeremías omosarambi va’ekue, Ñandejára oñatõi Círope omoĩhaguã kuatiápe ha ohenduka haguã hetã tuichakuére kóicha: Che Ciro, Persia ruvicha guasu kóicha ha’e: “Ñandejára, Tupã yvága pegua omoĩmba che pópe opa tetã nguéra oĩva ko yvy apére. Ha’e omoĩche pópe amopu’ãvo ichupe tupao táva Jerusalénpe, opytáva Judá yvýpe.” Aipo ramo opa peẽme, Tupã Ñandejára retã guápe, ha’e “Ta peho pemopu’ã tupao Ñandejára, Israel Tupãme, táva Jerusalénpe opytáva Judá yvýpe. Ha ha’e ta pene pytyvõ. Ha opa umi osẽtávape oho hetãme, umívape toipytyvõ umi hóga jere rupi oikóva ha tome’ẽichupe kuéra pláta, óro, mymba kuéra ha opa mba’e. Péicha avei, opaichagua mba’e kuave’ẽTupã Ñandejára tupaópe guarã oĩva Jerusalénpe.” Tupã Ñandejára omokyre’ỹumi omoakãva Judá ha Benjamín ñemoñarépe, avei pa’i ha levita kuérape. Ko’ãva oñembosako’i oho haguã Jerusalénpe omopu’ãvo tupao Tupä Ñandejárape. Ha umi ohótava guivépe, oñeme’ẽopaichagua mba’e: pláta, óro, mymba kuéra, heta mba’e jegua ita ha opaichagua mba’e kuave’ë.

Tupã Ñandejára Ñe’ẽ.

SALMO ÑEMBOHOVÁI                125, 1-6

R.Tuicha mba’e Tupä Ñandejára ojapo va’ekue  ore rehe. 

Ore Jára ore reraha jevy ramo guare Siónpe 

iñapytĩmby rojerereko haguégui tetã mombyrýpe, 

ha’ete va’ekue  oréve ku ore képe rohecha ramo guáicha. 

Upérõ ropuka reípa vy’águi ha rosapukái joa va’ekue . R.

Ambue tetã rupi oje’e ore rehe: “Tuicha ite mba’e niko 

Tupä Ñandejára ojapo hese kuéra.” 

Tuicha mba’e Tupä Ñandejára ojapo va’ekue  ore rehe. 

Ha tuicha rovy’a va’ekue  upe ramo. R.

Ore Jára eme’ẽjevy oréve po’a 

umi ysyry opupúva Negueb chagua! 

Umi oñemitÿva tesaýpe

vy’apópe omboaty ikóga’a. R.

Umi oñemitỹvatesaýpe oho va’ekue

omosarambi ramo imba’e ra’ÿi

vy’a pópe ou jevy ikokuégui

ou jeýne koga’a apesã ipópe. R.

ALELUIA. Mt 5, 16

Aleluia. 

Péicha ojajái va’erä yvypóra rovake mba’e rendy perekóva pende pype, ikatu haguäicha ohecha pene rembiapo poräha ha pemomba’e guasu pende Túva oïva yvágape.  

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                        

                    8, 16-18

Upe ramo Jesús he’i hemimbo’e kuérape:

Avave nomoendýi peteĩmba’e rendy ha upéi ojaho’i térã omoĩtupa guýpe, ohupi uvei yvate ojehesape haguã umi oikéva. Upéicha ite avei, ndaipóri mba’eve okañýva osẽ’ỹva’erã okápe, ha mba’e ñemi ojekuaa’ỹva’erã ha oñemoesakã’ỹva’erã. 

Aipórõ, pehendu porã: Upe oguerekóvape oñeme’ẽvéta oguerekove haguã. 

Upe oguereko’ỹvagui katu, pe michĩmi oimo’ãva oguerekoha jepe ojepe’áta, ha mba’evete ndopyta mo’ãi ichupe. 

Ñandejára Jesucristo Ñe’ẽ.