LECTURAS DEL MARTES 17 DE SEPTIEMBRE

LECTURAS DEL MARTES 17 DE SEPTIEMBRE 

Ñahendúta Tupã Ñandejára Ñe’ẽSan Pablo ohai va’ekue Timotéope       

                  3, 1-13

Che Ra’y:

Kóva añete: Oimérõ oisãmbyhyséva umi Jesucristo iglésia, mba’e porã oipota hína. Upévare, pe oporosãmbyhývare ndojejahéi va’erãi. Peteĩnte hembireko va’erã. Oiko kuaa va’erã akã porãme ha oñemomba’ehápe. 

Opa ára oĩva’erã oporomoguahẽhaguã hógape. Oporombo’e kuaa va’erã, ndaika’úi va’erãi ha naiñorairõséi va’erãi. Ipy’a porã va’erã katu, ipy’aguapy kuaa ha nda ipira pire potái va’erãi. Oisãmbyhy porã kuaa va’erã hóga ha ita’ýra kuéra iñe’ẽrendu ha heko porã va’erã. Noisãmbyhy kuaáirõ hóga voi, mba’éicha piko oñangareko kuaáta Tupã Ñandejára iglésiare? 

Upévare, pe sãmbyhyhára ndaha’éi va’erã peteĩojerovia ramóva, ani ágäupéi ojejapo ha ho’a Aña ho’a haguépe. Ojeguereko va’erã mba’érõ umi ojerovia’ỹva apytépe, ani haguã ho’a mba’eveichagua ñemotĩme ha Aña ñuhãme. 

Upéicha avei, umi Jesús iglésia pytyvõhára ojerereko va’erã mba’érõ, araka’eve opyrũ’ỹva iñe’ẽre, ndaika’úi va’erã ha ndoikói va’erã omono’õ pira pire hekope’ỹ. Ha’e kuéra oĩva’erã pe añetegua jaroviávare, ha oikove va’erã akã porãme. Tenondete ichupe kuéra raẽoñeha’ã va’erã, ha upéi, avave nde’íri ramo mba’eve ivaíva hese kuéra, oike kuaa omba’apo Jesús iglésia pytyvõhára ramo. 

Umi kuñáva ojeguereko va’erã avei mba’érõ, naiñe’ẽreíri va’erãi, heko kuaa ha nosẽi va’erã iñe’ẽgui opa mba’épe. Umi Jesús iglésia pytyvõhára, hembireko peteĩva’erã, ha oisãmbyhy porã kuaa va’erã ita’ýra ha itajýra kuérape, ha hogapy. Umi pytyvõhára ojapo porãva hembiapo niko, oñembojerovia, ha ikatu oiko py’aguapy porãme, Cristo Jesús rerovia rupi. 

Tupã Ñandejára Ñe’ẽ.

SALMO ÑEMBOHOVÁI                         100, 1-3b. 5-6

R.Che rógape voi aikóta ajapo’ỹre ivaíva. 

Tupã Ñandejára, ne mborayhu ha nde reko joja 

aropurahéita, ndéve ore Jára, rogueropurahéita. 

Añeha’ãta aiko tape ikarẽ’ỹvare. 

Araka’e piko rejúta che pytyvõ? R.

Añeha’ãta aiko tape ikarẽ’ỹvare. 

Ndahecha ramo mo’ãi mba’eve ivaíva. 

Ndaikuaaséi mba’eve umi heko vaívagui, 

umíva ndive ndajehe’ái chéne. R.

Hapicháre oñe’ẽva kirirĩháme, 

umíva amokirirĩeténe. 

Umi oñembotuicha ha oñemoha’enteséva, 

umíva ndahechaséi. R.

Aiporavóne umi ijoheipyréva 

che jere rupi oiko haguã, 

upe oikóva tape kare’ỹme,

upéva che pytyvõta. R.

ALELUIA                                     Lc 7, 16

Aleluia. 

Peteï Maranduhára tuicháva osë ñende apytépe

ha Tupä Ñandejára ou ohecha hetäguápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?          

                                   7, 11-17

Upe ramo Jesús oho peteĩtáva hérava Naím. Heta oĩohóva hendive, ha hemimbo’e kuéra ave. Oguahẽvo upe táva ypýpe, ohecha oguerahaha hikuái oñotỹvo peteĩomano va’ekuépe, peteĩimenave’ỹmava memby peteĩete. 

Heta oho hapykuéri. Ohechávo, Ñandejára oiporiahuvereko ichupe ha he’i: 

Ani ne rasẽ. Pya’ete oñemboja ha opoko pe omanóva rupáre, ha umi ogueraháva hína, opyta. Jesús he’i pe omanóvape: Nde mitãrusu, ndéve ha’e: Epu’ã! 

Upévo pe omanóva oguapy ha oñepyrũoñe’ẽ, ha Jesús ome’ẽisýpe. Ohechávo upéva, maymáva okyhyje ha oñepyrũomomba’e guasu hikuái Tupã Ñandejárape. He’i hikuái: Peteĩmaranduhára mba’e guasúva ou ñande apytépe. 

He’i avei hikuái: Tupã Ñandeajára ou oipytyvõvo hetã guápe. 

Ha Judá jerekuére ojekuaa opa mba’e Jesús ojapo va’ekue . 

Ñandejára Jesucristo Ñe’ẽ