LECTURAS DEL MIÉRCOLES 18 DE SEPTIEMBRE

LECTURAS DEL MIÉRCOLES 18 DE SEPTIEMBRE 

Primera Lectura

Ñahendúta Tupã Ñandejára Ñe’ẽSan Pablo ohai va’ekue Timotéope                 

        3, 14-16

Che Ra’y:

Aha’arõ vokói eténte ahávo rohecha, ha amondo ndéve ko kuatia, sapy’a naguahẽi voíri ramo, reikuaa haguã mba’éichapa ojeiko va’erã Tupã Ñandejára ra’y kuéra apytépe, pe Tupã Ñandejára oikovéva iglésia, oguerekóva ipópe pe añetegua ha ojepytasóva hese. 

Mba’e guasu eterei pe añetegua Tupã Ñandejára rerovia rehegua: Cristo ojekuaauka yvypóraicha, Espíriturõ katu osẽporã, ha ohecha ichupe umi Tupã Ñandejára remimbou. 

Ojekuaauka opa tetãme, ojererovia yvy ári ha oñemoguahẽyvágape. 

Tupã Ñandejára Ñe’ẽ.

SALMO ÑEMBOHOVÁI                         110, 1-6

R.Tuicháko hína umi Tupä Ñandejára rembiapokue.

Che py’a ite guive arohory Tupä Ñandejárape, 

aty guasu ha heko jojáva atyhápe.              

Tuicháko hína umi Tupä Ñandejára rembiapokue, 

ha umi oguerojepy’a mongetáva hese. R.

Tupä Ñandejára rembiapokue iporã

ha omimbipa, ha’e heko joja opa ára. 

Mba’e hechapyrãva ojapo ha umívagui ndoikói tesarái. 

Tupä Ñandejára ipy’a porã ha oporohechakuaa. R.

Ha’e omongaru umi hese ojeroviávape, 

ha opa ára imandu’a iñe’ẽome’ẽva’ekuére. 

Hetã guápe ohechauka hembiapo imbareteha, 

ome’ẽvo ichupe kuéra ambue tetã yvy. R.

ALELUIA. Cf. Jn 6, 63c.68c

Aleluia. 

Ne ñe’ë Ñandejára Jesucristo hína Espíritu ha Tekove;

Nde reguereko ñe’ë Tekove opa araguáva.

Aleluia.

EVANGELIO

Ko’ágä  ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                

             7, 31-35

Upe ramo Jesús he’i:

“Mba’e rehépa ambojojakuaa yvypóra ko’ágägua? Mba’épepa ojogua? Ojogua umi mitã oguapýva oñemboharái pe okápe ha osapukáiva iñirũnguérape: ‘Ore rombopu mimby, ha peẽndapejerokýi. Ropurahéi ñembyasýpe, peẽkatu napenerasãi.’ 

Ou niko Juan Bautista, ndokarúiva ha ndo’úiva vino, ha peẽpeje hese oguerekoha mba’epochy. Upéi aju che, yvypóraicha aju va’ekue, akarúva ha ha’úva vino, ha peẽpeje che rehe che karu ha che ka’uha, aikoha umi heko añáva ndive ha umi viru omono’õva Romape guarã ndive. Tupã Ñandejára arandu niko ojehechauka ñane rembiapokue rupi.” 

Ñandejára Jesucristo Ñe’ẽ