LECTURAS DEL MIÉRCOLES 16 DE OCTUBRE

LECTURAS DEL MIÉRCOLES 16 DE OCTUBRE

Primera lectura

Ñahendúta Tupã Ñandejára Ñe’ẽ San Pablo ohai va’ekue Roma guápe                                                         2, 1-11

Nde ta ha’e ha’éva, rembojovakéva ambuépe. Nde voi re’a reñe nupã haguãme, rejapo haguére pe ha’e kuéra ojapóvante avei. Jaikuaa Tupã Ñandejára oporombojovakeha hekópe, oinupã ramo umi péicha oikóvape.

Nde katu, rembojovakéva ambuépe ha rejapóva ha’e ojapóva, ani reimo’ã rekañytaha Tupã Ñandejára ñenupãgui. Remboyke, pe opa’ỹva Tupã Ñandejára mba’e porã, ipy’a porã ha heko kuaa, rehecha kuaa’ỹre pe imba’e porã ikatuha pe nde reraha ha’e gotyo. Nde katu, nde rova atã ha nde rejevyséigui Tupã Ñandejára gotyo, remono’õ mono’õve rehóvo angaipa ñenupãha árape guarã, Tupã Ñandejára oúvo oporombojovake teko jojápe porã. Ha he’i mba’épa ohupity va’erã peteĩ teĩ, hembiapokue ojerure háicha. Ome’ẽta jeikove opa’ỹva umi ohekávape teko mimbipa, terakuã porã ha ñemanove’ỹ, umi oñemohatã va’ekuépe ojapo haguã iporãva.

Umi hese opu’ãvape katu oinupãta pochýpe, he’ise, umi opu’ãva añeteguáre ha oguerohorýva teko aña. Oĩ jehasa asy ha jepy’apy opa umi angaipa apohápe guarã. Tenondete judíovape, ha umi ha’e’ỹvape avei. Umi mba’e porã apohápe katu Tupã Ñandejára ome’ẽta teko mimbipa, terakuã porã ha py’a guapy. Tenondete umi judíope, ha umi ha’e’ỹvape avei. Tupã Ñandejára oporombojovake hekópe porã.

Tupã Ñandejára Ñe’ẽ.

SALMO ÑEMBOHOVÁI                 61, 6-7. 9. 13

R. Tupä Ñandejára ndahesaráiri iñe’ẽ marangatúgui.

Tupã Ñandejára ndive año ite apytu’u,

ha’e che renohẽ jejopy vaígui.

Ha’e mante oñangareko che rehe ha che renohẽ jejopy vaígui.

Ha’e niko che mo’ãha. Nda che py’a mokõi chéne. R.

Tupã Ñandejára ndive año ite apytu’u,

ha’e che renohẽ jejopy vaígui.

Ha’e mante oñangareko che rehe

ha che renohẽ jejopy vaígui. R.

Ha’e niko che mo’ãha. Nda che py’a mokõi chéne.

Ñande, Tupã Ñandejára retã guáva, jajerovia hese opa ára.

Ñamombe’u ichupe ñande angata.

Ha’e niko ñane mo’ãhára. R.

ALELUIA Jn 10, 27

Aleluia.

Ñandejára Jesucristo he’i:

“Che ovecha kuéra ohendu che ñe’ë.

Che aikuaa ichupe kuéra ha ha’e kuéra oho che rapykuéri”.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                                                                  11, 42-46

Upe ramo Jesús he’i fariséo kuérape:

“Peje rerekóke peẽ fariséo, pembo ykéva 10gui peteĩ pene pohã ñana ha opa mba’e peñotỹ va’ekégui, ha ndapehecha kuaái tekojojáva ha mborayhu Tupã Ñandejárape guarã. Kóva hína pejapo va’erãva, pembo tapykue’ỹre umi ambue.

Peje rerekóke peẽ fariséo, peguapyséva umi iporãvehápe judío kuéra tupaópe, ha peipotáva opavave pene momaitei pene mbojeroviávo, mamo peikoha rupi.

Peje rerekóke peẽ, pejoguáva umi tyvy ojekuaa’ỹvape, opavave opyrũva oikuaa’ỹre.”

He’i ichupe upépe peteĩva umi Moisés rembiapoukapy mbo’eha apytégui:

Mbo’ehára, erévo upéva, ore mbopochy oréve avei.

Ha Jesús he’i ichupe: Peje rerekóke peẽ ave, Moisés rembiapoukapy mbo’eha, pehupíva ambue ati’y ári mba’e pohýi avave ikatu’ỹva ogueropu’aka, ha peẽ peteĩ pene kuãme jepe ndapepokoséi hese.

Ñandejára Jesucristo Ñe’ẽ