LECTURAS DEL SÁBADO 14 DE SEPTIEMBRE

LECTURAS DEL SÁBADO 14 DE SEPTIEMBRE 

Primera Lectura

Ñahendúta Tupã Ñandejára Ñe’ẽSan Pablo ohaiva’ekue Timotéope                                   

1, 15-17

Che Ra’y:

Ko ha’étava añetegua ha opavave oguerovia va’erã katu ete: Jesucristo ou hague ko yvy ári oipysyrõ haguã angaipa apohápe, ha umíva apytépe, che aime tenondete. Tupã Ñandejára katu che poriahuvereko, Jesucristo ohechauka haguã che pype, opa mba’e ogueropu’aka kuaaha. Ha upéicha, che ajehecha umi oguerovia va’erã ichupe rechaukaha ramo, ohupity haguã jeikove opave’ỹva. Upévare terakuã porã ha teko mimbipa opa ára çuarã Tupã Ñandejárape, mburuvicha guasu omano’ỹva, ojehecha’ỹva ha peteĩnteva! Amén. 

Tupã Ñandejára Ñe’ẽ.

SALMO ÑEMBOHOVÁI                         112, 1-5a. 6-7

R.Tupä Ñandejára réra to ñemomba’e guasu

Tupä Ñandejára rehe ojeroviáva 

to momba’e guasu ichupe, to guerohory héra. 

Tupä Ñandejára réra to ñemomba’e 

guasu, ko’ágä  ha opa ára. R.

Kuarahy osẽguive oike peve héra to ñemomba’e guasu. 

Tupä Ñandejára oĩtetã nguéra ári,

imimbikue yvága rehe iñasãi. 

Tupã Ñandejára ichagua ndaipóri. R.

Ha’e oiko amo yvate, 

ha ojayvy omaña haguã yvága ha yvýre. 

Yvýgui ha’e omopu’ã imboriahúvape, 

ha oikotevẽvape pe oĩvaivehágui. R.

ALELUIA Jn 14, 23

Aleluia. 

Ñandejára Jesucristo he’i:

“Pe che rayhúva nombyke mo’äi che ñe’ë

ha che Ru ohayhúta ichupe ha rohóta hendápe”.

Aleluia.

EVANGELIO

Ko’ágä  ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?

                                            6, 43-49

Upe ramo Jesús he’i hemimbo’e kuérape:

Ndaipóri yvyra porã ikatúva hi’a vai, ha ndaipóri avei yvyra vai ikatúva hi’a porã. Yvyra máta niko jaikuaa hi’áre. Ndojepo’ói niko ígo ñuatĩmátagui, térã parral ñana reígui. 

Peteĩipy’a porãva, mba’e iporãvante he’i, ipy’apýpe voi imba’e porãgui. Ha upe heko añáva katu, ivaívante voi he’i, ipy’apýpe voi oĩgui ivaíva. Ha upe ipy’apýpe oguerekóvagui, upéva guinte oñe’ẽ. 

Mba’ére piko peẽpeje chéve: “Karai, karai”, ha ndapejapói che ha’éva? Ha’éta peẽme mávapepa ojogua pe oúva che rendápe, ohendúva che ñe’ẽha ojapo upe ha’éva. Ojogua peteĩyvypórape, ojapo haguã hogarã ojo’o raẽva’ekue  pypuku porã, ha omoĩpe óga pyenda ita ári. 

Okakuaávo upéi pe ysyry ou ha ojejapipa pe ógare, ha nomomýiri ojejapo porãgui. Pe che rendúva ha ndojapóiva che ha’éva katu, ojogua pe omopu’ã va’ekue  hogarã yvyku’i ári reípe, ha nomopyendái. Ha okakuaávo y, ou hi’ári ha oitypa ite. 

Ñandejára Jesucristo Ñe’ẽ