LECTURAS DEL SÁBADO 7 DE SEPTIEMBRE

LECTURAS DEL SÁBADO 7 DE SEPTIEMBRE

Primera Lectura

Ñahendúta Tupã Ñandejára Ñe’ẽSan Pablo ohai va’ekue Colosas guápe                   

1, 21-23

Che pehẽngue  kuéra:

Peẽva’ekue  yma tetã mombyrygua ipy’apýpe ija’e’ỹva Tupã Ñandejárare, opa mba’e vai pejapóvare, ko’ágä  Cristo pene moingo porã jevy, omano rupi yvypóra háicha. Ha upéva ojapo pende rereko haguã henondépe, marangatúpe, pende ky’a’ỹre ha pene rembiapo vai’ỹre. Ha upevarã pene ratã va’erã pende jeroviápe, pejei’ỹre pe ñeha’arõkuaa perekóva marandu pyahu pehendu va’ekue  rupi. Upéva hína pe marandu oñemombe’úva opa rupi, ha che aipytyvõva oñemoasãi haguã. 

Tupã Ñandejára Ñe’ẽ.

SALMO ÑEMBOHOVÁI                 53, 3-4. 6.8

R. Tupã Ñandejára, ehendu che ñembo’e

Tupã Ñandejára, che renohẽjejopy vaígui nde réra rehehápe. 

Che mo’ã ne mbaretépe.

Tupã Ñandejára, che rendu ndéve añembo’évo, 

ejapysaka upe ndéve ha’évare. R.

Tupã Ñandejára katu chéve che pytyvõ, ha’e che moingove. 

Che mba’e kuave’ẽamoguahẽta ndéve. 

Nde réra amomba’éta. 

Nde niko ne mba’e porã. R.

ALELUIA

Jn 14, 6

Aleluia. 

Ñandejára Jesucristo he’i:

“Che hína pe Tape, Añetegua, ha Tekove.

Avave ndohói che Ru rendápe ndaha’éi ramo che rehe ae”.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?          

                                   6, 1-5

Upe ramo Jesús ohasa ohóvo kokue rupi peteĩpytu’uha árape. Hemimbo’e kuéra oipo’o hína trígo, ojykýi ipópe kuéra ha ho’u hikuái. Umi fariséo oporandu ichupe kuéra: Mba’ére piko peẽpejapo pe ojejapo’ỹ va’erã pytu’uha árape?

Jesús he’i ichupe kuéra: Ndapeikuaái nga’u piko Tupä Ñandejára ñe’ẽme he’iha David ha iñirũnguéra iñembyahýi ramo guare, oike hague Tupaópe ha’e ha iñirũnguéra, ha ho’u umi mbuja Tupã Ñandejárape oñemboyke va’ekue. Ha’e térã iñirũnguéra ndaikatúi va’ekue  ho’u umíva, pa’i kuérape guarã añónte va’ekue  umi mbuja. 

Ha he’ive: Che, yvypóraicha aju va’ekue, areko che pópe ha’évo mba’e mba’épa ikatu ojejapo pytu’uha árape. 

Ñandejára Jesucristo Ñe’ẽ