LECTURAS DEL SÁBADO I DE CUARESMA

LECTURAS DEL SÁBADO I DE CUARESMA

Ko’ágä   ñahendúta Tupã Ñandejára ñe’ẽDeuteronomio arandukápe oĩ háicha                                       26, 16-19

Moisés he’i hetãgua kuérape: Ko árape Tupã Ñandejára he’i ndéve rejapo haguã opa hembiapoukapy heko itépe ha nde py’a ite guive. Ere kuri Tupã añónte nde Jaraha ha rejapotaha opa hembiapoukapy, ne ñe’ẽ rendúvo ichupe opa ára reikove aja. Ko árape avei Tupã Ñandejára nde rereko hetãgua ramo ome’ẽ haguéicha ndéve iñe’ẽ, ha oipota rejapopa ite hembiapoukapy. Nde hegui ojapóta upe tetã tuichavéva yvy ári. Remomba’e guasúta, remoherakuã mombyrýta ichupe ha ndéta hetã tee marangatúva Tupã Ñandejárape guarã, ha’e oñe’ẽ me’ẽ haguéicha.

Tupã Ñandejára Ñe’ẽ

SALMO ÑEMBOHOVÁI   118, 1-2. 4-5. 7-8

R. Ovy’a umi imarangatúva, ha oikóva Tupä Ñandejára rembiapoukapy he’i háicha.

Ovy’a umi imarangatúva, ha oikóva Tupä

Ñandejára rembiapoukapy he’i háicha.

Ovy’a umi hembipota ojapóva

ha ipy’a ite guive ichupe omomba’éva. R.

Ne rembiapoukapy reme’ẽ va’ekue ipype he’i háicha ojejapo haguã.

Ha nga’u apyta hatã upe ne rembiapoukapy apópe. R.

Umi ne Ñe’ẽ marangatu aikuaa vove

romomba’e guasúne che py’a ite guive.

Ne rembiapoukapy he’i háicha aikose, ani che reja cheño. R.

VERSÍCULO ANTES DEL EVANGELIO       2Cor 6, 2b

Ko ára pe iporävéva, ko ára hína ñepysyröha.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha. Pejapysaka porãtapa hese?                                                       5, 43-48

Upe ramo Jesús he’i hemimbo’e kuérape: Peikuaa avei oje’e hague: “Ehayhu nde rayhúvape, ha nde nderehayhúi va’erã nde rayhu’ỹvape.”

Che katu ha’e peẽme: “Pehayhu umi pende rayhu’ỹvape, ha peñembo’e umi pene mbohasa asývare. Péicharõ peẽ pehechaukáta pejoguaha pende Ru yvágape guápe. Ha’e niko oheja kuarahy ojope peteĩcha iñaña ha imarangatúvape guarã, ha ogueru ama hembiapo porã ha hembiapo vaívape guarã.

Mba’éicha piko Tupã Ñandejára omoengoviáta peẽme, peẽ pehayhúrõ umi pende rayhúvapente? Umi viru omboatýva táva Romape guarã jepe niko péicha oiko. Ha peẽ pe ñe’ẽrõ umi peikuaávapente, piko mba’e iporãva oĩ upévape? Umi Tupã Ñandejárare ojerovia’ỹva jepe niko péicha ojapo. Pene marangatúke peẽ, pende Ru yvágape oĩva imarangatu háicha.”

Ñandejára Jesucristo Ñe’ẽ.