LECTURAS DEL VIERNES 22 DE NOVIEMBRE

LECTURAS DEL VIERNES 22 DE NOVIEMBRE

Primera lectura:

Ko’ágä   ñahendúta Tupã Ñandejára ñe’ẽ Macabeos arandukápe oĩ háicha

                                                               4, 36-37. 52-59

Judas Macabeo ha ipehẽnguekuéra he’i hikuái: “Ko’ágä  oñehundímava umi ñande rehe ija’e’ỹva, jaha ñamopotĩ ha ñamomarangatu jevy tupao.” Ñorairõhára aty hetakue oñemboaty ha ojupi yvyty Siónpe.

Ára 25hápe, mes 9 jave hérava Kislev, áño 148 ramo, opu’ã hikuái voi porã, ha omymbajuka, tembiapoukapy he’i háicha, pe altar pyahu ojejapo va’ekue  ári. Altar oñemongy’a hague ombotývo peteĩ áño, upe árape, omomarangatu jevy hikuái, purahéi ha mbarakapúpe. Opa tetãgua oñesũ ha ojayvy opoko peve yvy omomba’e guasúvo Tupã Ñandejárape ha omboajévo Ichupe oguenohẽ porã haguére ichupe kuéra. Ha 8 ára pukukue oguerohory hikuái upe altar ñemomarangatu ha oikuave’ẽ vy’ápe mymbahapy ha mymbajuka, jeiko porã jevy ha Tupã Ñandejára ñemboaje rehegua. Ombojegua hikuái pe tupao ape, akãregua órope ha mba’e apu’a verápe. Omoatyrõ avei hikuái umi koty ha umi ojeikeha omohokẽ. Tuicha vy’a oiko, ojecháre hikuái ñemoakãsã’ỹre ha ñemotĩ’ỹre umi mombyrygua poguýpe.

Judas, ipehẽngue  kuéra ha opa tetã Israelgua ndive, oñemoĩ hikuái peteĩ ñe’ẽme, áño oñembotývo jepi ojererohory va’erãha pe altar pyahu oñemomarangatu hague, vy’ápe, 8 ára pukukue, oñepyrũvo ára 25, mes Kislev jave.

Tupã Ñandejára Ñe’ẽ.

SALMO ÑEMBOHOVÁI                 ICrón 29, 10b-12

R. Romomba’e guasu nde réra Tupä Ñandejára.

Upérõ David omomba’e guasu Tupã Ñandejárape

opavaverovakehe’ívo:

“Roguerohoryopaárapeguarã,

nde Tupã ore ru Israel Jára! R.

Nde niko Tupä Ñandejára, nde tuichapa

ha nde pokatu, nde pópe oĩ opa mba’e

ha nde reko mimbipa ndaijojahái!

Opa mba’e oĩva yvy ári ha yvágape ne mba’énte voi. R.

Nde hína ore Jára pe mburuvicha guasu pavẽ

ha nde mba’e guasuve opavavégui!

Nde niko Tupä Ñandejára, nde tuichapa ha nde pokatu,

nde pópe oĩ opa mba’e ha nde reko mimbipa ndaijojahái! R.

Opa mba’e oĩva yvy ári ha yvágape ne mba’énte voi.

Nde hína ore Jára mburuvicha pavẽ opavavégui!

Nde hegui ou mba’e rereko heta ha terakuã.

Nde reisãmbyhy opa mba’e. R.

ALELUIA Jn 10, 27

Aleluia.

Ñandejára Jesucristo he’i:

“Che ovecha kuéra ohendu che ñe’ë.

Che aikuaa ichupe kuéra ha ha’e kuéra oho che rapykuéri.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?  

                                                                              19, 45-48

Upe ramo Jesús oike Tupaópe ha oñepyrũ omosẽ upégui umi oñemúvape. Ha he’i ichupe kuéra: Tupä Ñandejára ñe’ẽme niko he’i: ‘Che róga, óga oñeñembo’eha va’erã’. Peẽ katu pejapo ichugui  mondaha kuára.’

Opa ára Jesús ombo’éva Tupaópe, ha umi pa’i ruvicha, umi Moisés rembiapoukapy mbo’eha ha umi moakãhára ave, oheka hikuái mba’éichapa ojukáta ichupe. Ha ndojuhúi hikuái mba’éichapa ojapóta upéva, opavave niko ijurujái umi mba’e Jesús he’ívare.

Ñandejára Jesucristo Ñe’ẽ.