LECTURAS DEL VIERNES V DE CUARESMA

LECTURAS DEL VIERNES V DE CUARESMA

Ko’ágä   ñahendúta Tupã Ñandejára ñe’ẽ Jeremías arandukápe oĩ háicha  20, 10-13

Jeremías he’i: Ikatu ahendu oñeñe’ẽ ngururu ramo. “Opa rupi ojekyhyjepa guasu!”

He’i hikuái: “Jagueraha ñambojovake ichupe!”

Che irũ teéva jepe oipota añepysãnga vai.

He’i hikuái: “Ikatu mba’éko ojavy.

Upérõ ñande pu’akáta hese ha ñamoengoviáta ichupe.”

Nde katu, che Jára, reime che ndive kuimba’e py’a guasúicha ñorairõme.

Ho’áta umi che rehe oñemoĩva ha ndaipu’aka mo’ãi che rehe.

Opa mba’e osẽ vaíta ichupe kuéra ha itĩndýta opytávo, opa ára ojaho’íta ichupe kuéra ñemotĩ opave’ỹva.

Che Jára nde pu’akapáva, nde reporoheko ra’ãva tekojojápe, nde rehecháva yvypóra py’apy, ehechaukána chéve mba’éichapa reporonupã, nde pópe niko amoĩ che rekove.

Peropurahéi Tupã Ñandejárape, perohory ichupe!

Ha’e niko oipe’a ojepy’a pývape iñañáva poguýgui.

Tupã Ñandejára Ñe’ẽ

SALMO ÑEMBOHOVÁI        17, 2-7

R. Tupã ne rendápe aguahẽ ramo, nde che pytyvõ.

Rohayhu Tupa Ñandejára, nde hína pe che mombaretéva.

Nde reñangareko che rehe, ne rendápe aguahẽ akañy haguã,

nde reime che jerekuévo, nde hína pe che renohẽva jejopy vaígui. R.

Ne rendápe aguahẽ ramo, nde che pytyvõ.

Añembo’e Tupä Ñandejárape, ichupe jaropurahéi va’erã.

Ha’e, che pe’a umi che rayhu’ỹvagui. R.

Ñemano ojerepa che rehe, mba’e vai ysyrýicha ou che ári.

Aña retã che jura, ñemano iñuhãme che reity. R.

Vaípe ajecha ha Ñandejárape asapukái.

Ichupe ajerure che pytyvõ haguã.

Tupao guive che rendu, ijapysápe oguahẽ che remiandu. R.

VERSÍCULO ANTES DEL EVANGELIO             Cf. Jn 6, 63c. 68c

Ne ñe’ë Tupä Ñandejára, Espíritu ha tekove;

Nde ereko ñe’ë orekóva tekove ijapyra’ÿva.

EVANGELIO

Ñahendúta Ñandejára Jesucristo rekove ha hemimbo’e San Juan omombe’u háicha10, 31-42                                       

Upe ramo umi judíokuéra ipojái itáre, ojapi haguã Ñandejárape. Ha’e katu he’i ichupekuéra:

Che Ru pokatu rupi, heta mba’e iporãva ajapo pende rovake. Mava itévarepa che jukáta itápe?

Umi judío kuéra he’i ichupe: Nderejejuka mo’ãi iporãva rejapo haguére. Rejejukáta rejahéi haguére Tupã Ñandejárare. Yvypórante niko nde, ha reikose Tupã Ñandejára ramo.

Jesús he’i ichupe kuéra: Pende léipe niko he’i Tupã Ñandejára he’i hague: ‘Peẽ niko tupã.’ Jaikuaa niko Ñandejára ñe’ẽme he’íva ndaikatuiha ñamboyke araka’eve. Ha upépe Tupã Ñandejára he’i va’ekue umi iñe’ẽ ome’ẽ va’ekuépe, ha’e kuéra ha’eha tupã. Tupã Ñandejára che mboyke va’ekue imba’erã ha che mbou yvy ári.

Mba’éicha piko aipo ramo pejéta ajahéi hague hese, ha’e haguére che Tupã Ra’yha? Che ndajapói ramo umi mba’e che Ru ojapóva, ani che rerovia. Ajapo ramo umi mba’e ha’e ojapóva katu, nda che reroviái ramo jepe che rehe, perovia umi mba’e ajapóva. Péicharõ peikuaa porãta che Ru ha che peteĩnteha.

Upépe, omoakãsãse jevy mo’ã ichupe hikuái, Jesús katu okañy ichuguikuéra.

Jesús ohasa jevy ysyry Jordán mboypýri, ku Juan oporomongarai haguépe ha upépe opyta. Heta umi oúva hendápe, ha upéi he’íva: Juan ndojapói ramo jepe va’ekue mba’eve hechapyrãva, añeteguánte he’i va’ekue oñe’ẽ ramo ko kuimba’ére. Ha heta umi upepegua ojerovia Jesús rehe.

Ñandejára Jesucristo Ñe’ẽ.