LECTURAS: DOMINGO 2º DURANTE EL AÑO

LECTURAS: DOMINGO 2º DURANTE EL AÑO

LECTURA PETEÏHA:

Ko’ágä ñahendúta Tupä Ñandejára ñe’ẽ Samuel aranduka peteïhápe oĩ háicha 3, 3b-10. 19

Samuel katu oke tupaópe oĩháme Tupä Ñandejára karameguã. Pe mba’e rendy hendy
Ñandejárape oñemyendýva, ne’ĩra gueteri oñembogue. Upéma ramo Ñandejára ohenói
ichupe: Samuel!

Ha’e he’i: Mba’épa pa’i!

Pya’e oho Elí rendápe ha he’i ichupe: Ajúma. Mba’épa reipota!

Elí he’i ichupe: Norohenóiri kuri. Tereho eñeno jevy.

Samuel oho oñeno. Ñandejára katu ohenói jevy ichupe: Samuel!

Samuel opu’ã oho Elí rendápe ha he’i ichupe: Ajúma. Mba’épa reipota!

Elí he’i ichupe: Che norohenóiri che ra’y. Tereho eñeno.

Samuel ndoikuaái gueteri Ñandejárape, ku noñe’ẽiva gueteri ichupe. Ñandejára katu
ohenói jevy Samuélpe ha ha’e oho Elí rendápe ha he’i ichupe: Ajúma. Mba’épa reipota!

Upéma ramo Elí ohechakuaa Ñandejára ohenoiha pe mitã rusúpe, ha he’i ichupe: Tereho
eñeno, ha Ñandejára ne renói ramo, ere ichupe: “Eñe’ẽ katu, ne rembiguái ne rendu!”.
Samuel oho jevy oñeno. Upéi oguahẽ Ñandejára, opyta, ha ohenói jevy ichupe, ojapóma
haguéicha.

Samuel, Samuel!

Samuel he’i ichupe: Eñe’ẽ katu, ne rembiguái ne rendu!

Samuel okakuaa ha Ñandejára oipytyvõ ichupe. Ha’e ndohejái ojapo’ỹ rehe mba’eve umi
ichupe he’i va’ekuégui.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI 40, 2. 4ab. 7-10

Opavave: Tupä che Jára, nde reipotávante niko che aipota.

Ñandejára rehénte ajerovia. Che rendápe oñemboja ha che rendu.
Che jurúgui omoheñói purahéi pyahu, ha Ñandejárape amomba’e guasu. O.

Rejerure rangue mymba juka ha mba’e kuave’ẽ, térã mymba hapy tembiapo vai jeheja reirã,
hendaguépe reju che resape’a. Upéva rehe ha’e ndéve: “Nde pópe añemoĩ”. O.

Ne rembiapoukapýpe he’íma voi umi mba’e che ajapo va’erã.
Tupä che Jára, nde reipotávante niko che aipota,

ne rembiapoukapy areko che ánga ruguápe. O.

Ñandejára, nde reikuaa akirirĩ rangue, opavavépe aikuaauka hague nde reko joja O.

LECTURA MOKÖIHA:
Ñahendúta Tupä Ñandejára Ñe’ẽ San Pablo ohai va’ekue Corinto guápe 6. 13c-15a. 17-20

Ñande rete katu nda ha’éi teko vaípe guarã, Ñandejárape guarãnte. Ha Ñandejára
ñande retépe guarã. Ha pe Ñandejára omoingove jevy haguéicha Ñandejára Jesucrístope,
ñandéve avei ñane moingove jevýta ipokatu rupi. Nda peikuaái nga’u piko pende rete
Cristo rete voreha.

Ha oime ramo ojoajúva Ñandejára rehe, ijespíritu ojehe’a hese ha oiko peteï ramo
hendive.

Peñemo mombyrýke, aipo ramo, teko vaígui. Pe yvypóra ambue angaipa ojapóva
nombyaíri hete, ha umi ojeitýva teko vaípe katu, hete imba’e teéva voi ombyai.

Ndapeikuaái piko peë, pende rete Espíritu Santo rogaha hína, Ñandejára ome’ẽ va’ekue
peëme, ha Espíritu Santo oikoveha pende pype. Peë nda ha’éi pende rekove jára tee.
Ñandejára niko hepy rehe pende jogua va’ekue. Upéva rehe, pemomba’e va’erã
Ñandejárape pende retépe.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA Jn 1, 41. 17b

Aleluia.
Oime rojuhu pe Mesíaspe, he’iséva Cristo; Ha’e rupi ou mborayhu ha añete.
Aleluia.

EVANGELIO
Marandu porã Ñandejára Jesucrísto rekove ha hemimbo’e San Juan omombe’u háicha

1, 35-42
Opavave: Romomba’e guasu ndéve, Ñandejára.

Upe árape Juan oĩ hína Betániape mokõi idisípulo ndive. Ha ohechávo Jesúspe ohasáva ohóvo hína, he’i: “Amóva hína Ñandejára ovecha Ra’y”.

Juan disípulokuéra ohendúvo upéva, osẽ oho Jesús rapykuéri. Upéi katu Jesús ojere omaña, ha ohecha chupe kuéra oúva hína hapykuéri. Osẽ oporandu chupekuéra: —Mba’éiko peheka.

He’i chupe hikuái: —Maéstro, moõiko reiko.
Jesús he’i chupe kuéra: —Peju pehecha.

Ka’arúma upérõ. Ha oho hikuái Jesús ndive ohecha haguã moõpa oiko. Ha opyta hendive hógape pytũ meve. Peteĩva umi ohendu vaekue Juánpe ha oho vaekue Jesús rapykuéri niko héra vaekue Andrés.

Simón Pedro ryke’y vaekue ha’e. Ha Andrés pya’e porã osẽ Simón rekávo. Ha ojuhúvo chupe he’i: —Oime rojuhu pe Mesías.

Upéi, Andrés ogueraha Simónpe, Jesús rendápe. Ha Jesús ohechávo chupe, he’i: —Nde niko Simón, Juan ra’y. Ko’ágã guive nde rérata Cefas, he’iséva Pedro.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.