LECTURAS: SÁBADO 2° DURANTE EL AÑO

LECTURAS: SÁBADO 2° DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreos guápe   9, 1-3. 6-7. 11-14

Che pehẽnguekuéra: Upe Tupã Ñandejára ñemomba’e guasuhápe, pe tenondegua hérava Jotopa Rógape oĩ umi tataindy renda ha pe mesa oñemoĩha umi mbuja oñemboykéva Tupã Ñandejárape guarã. Okẽ mokõiha kupépe oĩ pe hérava Tupã Ñandejára koty.

Cristo katu oúma ko’ágä  ha’e hína pe Pa’i Guasu opa ára guarãma. Tupao ha’e omba’apohápe pa’i ramo tuichave ha iporã añeteve. Ndaha’éi yvypóra rembiapokue, he’ise, ndaha’eiha ko yvy arigua. Cristo oike upe tupaópe, ndaha’e véima oikuave’ẽ haguã kavara ra’y ha vaka ra’y ruguykue.

Peteĩ jevýnte oike, ha opa ára guarãma, ha upéicha rupi ñane pysyrõ tapia guarãma. Añete niko pe kavara ra’y ha tóro ruguykue, ha pe vaka ra’y ojehapýva altar ári tanimbukue, oñeñohẽva umi ipotĩ’ỹvare, ikatu omboyke Tupã Ñandejárape guarã ha omopotĩ ichupe kuéra ijapéguiorei.

Ha umi mba’e upéicharõ, pe Cristo ruguykue katu piko mba’éicha ite peve iporãta. Espíritu opa ára guarã oikovéva rupi, Cristo imarã’ỹva oñekuave’ẽ Tupã Ñandejárape omano haguã. Ha pe huguy omopotĩ ñande py’apy umi mba’e ñande rerahávagui manóme, ikatu haguã ñamba’apo Tupã Ñandejára oikovévape guarã.

Tupã Ñandejára Ñe’ẽ.

SALMO ÑEMBOHOVÁI      46, 2-3. 6-9

R. Tupã Ñandejára oĩ iguapyha marangatúpe

Opa tetã nguéra pejepopete, vy’a pópe perosapukái Tupã Ñandejárape.

Tupä Ñandejára yvateteguágui jakyhyje va’erã, ha’e hína mburuvicha guasu. R.

Tupã Ñandejára ojupi iguapyhápe, sapukái ha turupúpe.

Pepurahéike Tupã Ñandejárape!

Pepurahéike ñande ruvicha guasúpe! R.

Tupã Ñandejára hína tetã nguéra ruvicha guasu, peropurahéike ichupe,

Tupã Ñandejára oisãmbyhy tetãnguéra, Tupã Ñandejára oĩ iguapyha marangatúpe. R.

ALELUIA Cf. Hech  16, 14b

Aleluia.

Tupä Ñandejára epokomi ore korasöre

roguerohory haguä nde Ra’y ñe’ë.

 Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha. Pejapysaka porãtapa hese?                                                            3, 20-21

Upe ramo guare oike Jesús peteĩ ógape, ha upépe oñemboaty jevy heta eterei, ha ichugui  kuéra ndaikatuvéi okaru Jesús ha hemimbo’e kuéra. Oikuaávo upéva Jesús rogagua kuéra, oho ogueraha haguã ichupe he’ígui hese itarovaha.

Ñandejára Jesucristo Ñe’ẽ