LECTURAS: LUNES 4º DURANTE EL AÑO

LECTURAS: LUNES 4º DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreos guápe           11, 32-40

Che pehẽnguekuéra:

Mba’épa ha’evéta? Mbyky chéve ára añe’ẽ haguã Gedeón rehe, Barac, Sansón, Jefté, David, Samuel ha umi maranduhárare.

Ojerovia rupi omoĩ ipoguýpe heta tetã, oporomboheko oja, ohupity hikuái pe Tupã Ñandejára ome’ẽ hague iñe’ẽ, omboty umi jaguarete juru, ombogue va’ekue tata rendy ñarõ, ojehekýi kyse puku rãimbégui. Ikangy ramo jepe imbarete jevy, ha ikatupyry ñorairõháme, ha omoĩmba ipoguýpe umi hese kuéra ija’e’ỹvape.

Oĩ va’ekue kuña omoguahẽ jevýva hogagua omanóva, oikove jevy va’ekue.

Oime va’ekue oheja’ỹva ojepoi ichuguikuéra, ha oñeñemboharái hese kuéra omano meve, ha opu’ã jevy haguã peteĩ jeikove iporãvévape.

Heta oime va’ekue ohasáva ñembohory ha teju ruguái, ha ñeñapytĩ ha yvyrakua avei.

Heta ambue katu ojejuka itápe, oñembovo mbyte rupi térã ojejuka kyse pukúpe. Oime ápe ha pépe oiko va’ekue, oñemonde ovecha ha kavara pire kuépente: imboriahu, ojejopy ha ojeguereko asy.

Ko’ã kuimba’e, ko yvy ári jepe ndaijái va’ekue ichupekuéra oiko. Oiko katu va’ekue hikuái ápe ha pépe, oikuaa’ỹre mamópa ohóta, umi yvy ojeiko’ỹháre, umi yvytýre ha umi itakua rupi.

Ha upéicharõ jepe, mavavéva ndohupytýi va’ekue umi mba’e Tupã Ñandejára he’i va’ekue ome’ẽtaha, tuicha ramo jepe pe ijeroviakuéra.

Tupã Ñandejára niko oguereko ipy’ápe ñandéve guarã peteĩ mba’e iporãvéva, ani haguã ñande rehe oñemomarangatu avei kuéra.

Tupã Ñandejára Ñe’ẽ.

SALMO ÑEMBOHOVÁI       30, 20-24

R. Ñane mbarete va’erã ñaha’arõvo Tupã Ñandejárape

Tupä Ñandejára, tuicha ite niko upe ne mborayhu,

umi nde rehe ojeroviávape guarä reñongatu maymave rovake rehechauka

ha ne rendápe oguahẽvape añónte. R.

Nde ypýpe remboja ha remo’ã ichupekuéra umi tapicha oporo moï vaisévagui

ani haguãtei hese kuéra mba’eve ojapo umi pokarẽme oha’ãva ichupekuéra. R.

Tupä Ñandejára toñemomba’e guasu.

Ha’e ohechauka chéve imborayhu upe ajecha vai jave

ha tuicha mba’e ojapo che rehe jejopy vaípe. R.

Py’a tarovápe ha’e chejupe:

“Ndoikuaase véima che hegui mba’eve.”

Repena katu che rehe ndéve añembo’évo. R.

Pehayhu Tupä Ñandejárape peẽ hese pejeroviáva.

Ha’e oipytyvõ umi hese ojeroviávape, ha ojahéi umi oñembotuichasévape.

¡Pene mbaretéke peë peha’aröva Tupä Ñandejárape! R.

ALELUIA     Lc 7, 16

Aleluia.

Peteï maranduhára tuicháva osë kuri ñande apytégui ha Tupä Ñandejára ou ohechávo hetäguápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha.                                                           5, 1-20

Upe ramo Ñandejára Jesucristo ha hemimbo’ekuéra oguahẽ yguasu mboypýri, yvy hérava Gerásape. Jesús oguejývo kanóagui, oñemboja hendápe peteĩ kuimba’e oguerekóva mba’epochy. Ko kuimba’e osẽ ra’e umi tyvy pa’ũgui, oikógui upe rupi.

Ndaipóri ikatúva omosã ichupe, ita sãme jepe. Heta jevýma ojepokua ha ojepykuapa, ha katu etei omondohopa umíva, avave ikatu’ỹre ipu’aka hese. Ára ha pyharépe oiko umi yvyty ha tyvy pa’ũ rupi, osapukáivo ha oñenupãvo itápe.

Ha ohechávo Jesúspe mombyry guive, oñani ha oñesüvo henondépe, he’i ichupe osapukaihápe: Aníke rejapo che rehe mba’eve Jesús, Tupã Yvatetegua Ra’y. Tupãre ajerure ndéve, ani haguã che mbohasa asy!

He’i upéicha, he’i haguére ichupe Jesús: Mba’epochy, esẽ pe kuimba’égui!

Jesús he’i ichupe: Mba’éicha nde réra.

Ha’e he’i: Legión che réra, ore retágui ore.

Ha ojerure Jesúspe ani haguã omosẽ ichupe kuéra upéva upe yvýgui.

Namombyrýi upégui heta oĩ kure okarúva hína pe yvytýre. Umi mba’epochy ojerure ichupe: Ore mondóna umi kurépe, ha eheja oréve toroike ipype kuéra. Jesús oheja ichupe kuéra oike. Ha umi mba’e pochy osẽ pe kuimba’égui ha oike umi kurépe.

Umi kure ohupytýva 2.000 rupi, ha hetakue umi kure oho ojepoi ýpe, ha upépe omanomba. Umi kure rerekua pya’e oho ha omombe’u opa mba’e pe távape ha umi okaháre. Opavave oho ohechávo upe ojehu va’ekue. Ha oguahẽvo Jesús rendápe, ohecha hikuái upe oguereko va’ekue ipype mba’epochy eta oguapy, oñemonde porã ha iñakã porã. Opavave oñemondýi.

Ha umi ohecha va’ekue mba’épa ojehu pe mba’e pochy oguereko va’ekuépe ha umi kurépe, omombe’u umi ambuépe. Ha ojerure asy hikuái Jesúspe oho haguã upégui.

Jesús ojevývo kanóa oĩhápe, upe oguereko va’ekue mba’e pochy ojerure ichupe oheja haguã oho hendive. Jesús katu ndohejái ha he’i ichupe: Tereho uvei nde rógape ha emombe’u nde rogagua kuérape opa mba’e ojapo va’ekue nde rehe Tupä Ñandejára, ha mba’éichapa nde poriahuvereko.

Pe kuimba’e oho ha omombe’u Decápolis táva kuéra rupi upe Jesús ojapo va’ekue hese. Ha opavave ohecha ramo.

Ñandejára Jesucristo Ñe’ẽ