LECTURAS LUNES DECIMOCUARTA SEMANA

LECTURAS LUNES DECIMOCUARTA SEMANA

LECTURA PETEÎHA:

Ko’ágã ñahendúta Tupã Ñandejára ñe’ẽOseas arandukápe oĩ háicha     2,16. 17b-18. 21-22

Péicha he’i Tupã Ñandejára: Che amonge jevýta, araháta ichupe ha’eñoháme, añe’ẽta ichupe vevýi asy. Ame’ẽ jevýta  ichupe iparralty, ha pe ñu Acórgui ajapóta, ichupe guarã mborayhu rokẽ.

Upépe ha’e che rayhu jevýta  che rayhu haguéicha ikuñataĩme, osẽrõ guare Egipto retãgui.

Upérõ che mbohérata “Che ména”, he’i rangue chéve “che jára”. Che, opa mba’e Jára, upéicha ha’e.

Israel, amendáta nde rehe, ndapoi mo’ãvéima nde hegui, che

rembirekotee ramo roguerekóta rohayhu etereígui.

Ajapóta nde hegui che rembireko, ha nde hegui ndapoi mo’ãi. Upérõ che kuaáta nde, nde Jára teéicha.

Tupã Ñandejára Ñe’ẽ.

SALMO ÑEMBOHOVÁI   144, 2-9

Opavave: Tupã Ñandejára imba’e porã ha oporoporiahuvereko.

Ára ko’ẽre romomba’e guasúta,

ha nde réra amomba’éne opa ára.

Tupä Ñandejára niko tuicha hína,

ituichakue ndaikatúi jaikuaapa.  O.

Ichupe ñamomba’e guasu va’erã.

Túva kuéra omombe’úne ta’ýrakuérape

ne rembiapokue, ha’e kuéra omoherakuãne

umi mba’e tuicha ite rejapóva. O.

Ha’e kuéra omombe’úne umi mba’e tuicha ite

nde rejapóva ha oporomongyhyjéva,

che amoherakuãne ne rembiapokue tuichaite,

ha vy’ápe opurahéi nde pu’aka hague. O.

Tupä Ñandejára imba’e porã ha oporoporiahuvereko.

Ha’e oporohayhu ha hasýpe ipochy,

opavavépe ha’e ohecha kuaa,

ha ohecha ramó opa hembiapokue. O.

ALELUIA 2Tim 1, 10b

Aleluia.

Ñandejára Jesucristo ipu’aka manóre

ha ombojajái pe tekove, Marandu porã rehe ae.

Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Mateo omombe’u háicha   9, 18-26

Upe ramo Jesús rendápe oguahẽ peteĩ moakãhára  judíokuérava. Oñesũ henondépe ha he’i ichupe: Che rajy niko omano ramoite. Nde reho ramo remoĩ nde po hi’ári, oikove jevýta .

Jesús opu’ã ha oho hendive, ha hemimbo’ekuéra ndive.

Peteĩ kuña katu, hasýva ojapóma 12 áño ha huguy mantéva, oñemboja Jesús rehe hapykuéguio ha opoko ijao ruguáire. Pe kuña niko he’i ipy’apýpe: “Ijao rehénte jepe apokórõ, akueráta.” Jesús katu oñembojere, ha ohechávo pe kuñáme he’i ichupe: Néike, che rajy. Che rehe rejerovia haguére rekuera.

Ha upepete pe kuña okuera.

Ha oguahẽvo Jesús pe moakãhára  rógape, ohecha umi mimby mbopuha oñembosako’íva ñeñotỹrã ha hetápe ojahe’o joáva. He’i ichupe kuéra: Pesẽmba ko’águi. Ko mitãkuña niko nomanói, okénte hína.

Ha opukapa hese hikuái. Omosẽmba rire opavavépe, Jesús oike pe mitãkuña oĩháme. Ipojái ipóre ha upévo pe mitãkuña opu’ã. Ha opa upe jerekuévo herakuã pe ojehu va’ekue .

Ñandejára Jesucristo Ñe’ẽ.