LECTURAS: MIÉRCOLES 2° DURANTE EL AÑO

LECTURAS: MIÉRCOLES 2° DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreos guápe     7, 1-3. 15-17

Che pehẽnguekuéra:

Ko Melquisedec niko mburuvicha guasu va’ekue Salémpe ha Tupã Ñandejára Yvatetegua pa’i. Abraham ou jevy ramo guare hína ñorairõhágui, ohundipa rire umi mburuvicha guasúpe, Melquisedec osẽ va’ekue huguaitĩvo ha ohovasa ichupe.

Upérõ Abraham ome’ẽ ichupe 10gui peteĩ opa mba’e oipe’a va’ekuégui ñorairõháme. Tenondete tekotevẽ jaikuaa Melquisedec he’iseha “Mburuvicha guasu heko jojáva”, haojekuaa avei Salem ruvicha guasúrõ, he’iséva “py’aguapy ruvicha guasu”.

Ndojekuaái mba’eve itúva, isy ha ijypy kuéra kuégui. Noñemombe’úi avei araka’épa oiko ypy ko yvy ári ha araka’épa omano. Ha upéicha, Tupã Ñandejára Ra’ýicha avei ha’e va’ekue pa’i opa ára guarã.

Ha kóva hesakã porãve, pe pa’i pyahu oúva Melquisedec chagua ramo, ndaha’éi va’ekue pa’i, jaháta ramo tembiapoukapýre yvypóra rembiapo kuénteva. Melquisedec pa’i va’ekue pe tekove opa’ỹva pu’aka rupi. Tupã Ñandejára he’i va’ekue hese kóicha: “Nde ha’e pa’i opa ára guarã, Melquisedec chagua.”

Tupã Ñandejára Ñe’ẽ.

SALMO ÑEMBOHOVÁI       109, 1-4

R. Nde hína pa’i opa árape guarã

Tupä Ñandejára he’i che ruvicha guasúpe:

“Eguapy che akatúa gotyo,

Che amoï aja ndo cha’éiva nderehe ne pyenda ramo umi nde rayhu’ỹva.” R.

Tupä Ñandejára oipysóta isambyhyha pu’aka:

“Sión guive Tupä Ñandejára ne mombarete.

Opa nde rayhu’ỹva toĩmba nde po guýpe”. R.

Reikove ypy guive nde mburuvicha hína, ha marangatúgui rejajaipa.

Chete voi ysapýicha romoheñói va’ekue pe amo ko’ẽjúgui”. R.

Tupä Ñandejára ome’ẽ iñe’ẽ héra rehe ha nopyrũi chéne hese:

“Nde hína pa’i Melquisedec chagua opa árape guarã.” R.

ALELUIA  Cf. Mt 4, 23

Aleluia.

Ñandejára Jesucristo omoerakuä Marandu porä

Sambyhy rehegua, oipohano ha omonguera

opaichagu hasývape.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Marcos omombe’u háicha. Pejapysaka porãtapa hese?                                                            3, 1-6

Upe ramo guare Jesús oike umi judío tupaópe, ha upépe oĩ peteĩ kuimba’e ipo ypíva. Ha oma’ẽ hikuái Jesús rehe, jahecha omonguerápa ichupe pytu’uha árape, ha ndoguerekóipa upéicha omoĩ vai haguã ichupe.

Upérõ Jesús he’i pe kuimba’e ipo ypívape. Epu’ã ha eñemoĩ pe mbytépe.

Upéi oporandu umi ambuépe: Mba’e mba’épa ikatu jajapo pytu’uha árape: ivaívapa, térãpa iporãva? Japoromonguera térãpa japorohundi?

Ha’e kuéra katu okirirĩ.

Upérõ Jesús oma’ẽ pochy umi ijerére guáre, ha oguerombyasývo ipy’a hatã nguéra. He’i upe kuimba’épe: Eipyso nde po.

Pe kuimba’e oipyso ipo ha okuera. Upéi, umi fariséo osẽ oho. Oñepyrũ oñomongeta Herodes rehegua kuéra ndive mba’éichapa ikatúta ojuka Jesúspe.

Ñandejára Jesucristo Ñe’ẽ