MARTES SEMANA XXVI TO

Ko’ágä   ñahendúta Tupã Ñandejára ñe’ẽ Job arandukápe oĩ háicha           3, 1-3. 11-17. 20-23

Hasýpe Job oñe’ẽ ha ojahéi oikove ypy hague árare.

Oñehundímo ra’e pe pyhare ipuru’a hague che hegui che sy!

Oñehundímo ra’e aikove ypy hague ára!

Mba’ehápo namanói ra’e che sy ryépe, térã ku asẽmi rire!

Ma’erã piko oime ra’e hapypa’ũme che mboguapýva ha ipyti’áre che mokambúva?

Upérõ amano rirémo ake va’erã mo’ãnga aína ha apytu’u py’a guapýpe, umi mburuvicha guasu ndive, tyvy yvate vate ojapoukáva, térã umi tetã sãmbyhyhándi, omoenyhẽva hóga guasu kuéra óro ha plátagui.

Mba’eha piko na che ñotýi ra’e umi membykuaréicha, umi mitã oikove mboyve omano vaicha? Umi mba’e vai apoha, opa ityvýpe ha ikane’õva opytu’u. Mba’ére piko Tupã Ñandejára oheja ohecha ára umi ohasa asýva?

Mba’ére piko omoingove umi ovy’a’ỹvape, umi oha’arõva mano ha nomanói, ohekave ramo jepe mano pláta yvyguýgui? Yvypóra hory ho’akuévoma yvyvýpe.

Tupã Ñandejára omboguata pytũguýpe ha omboty ichugui  tape ijerekuévo.

Tupã Ñandejára Ñe’ẽ.

SALMO ÑEMBOHOVÁI    87, 2- 8

R. Tupä Ñandejára ehendu che ñembo’e.

Tupã che Jára, che renohẽva jejopy vaígui,

ára aha pyhare niko ndéve asapukái.

Ejapysaka nga’u che rehe ha rehendu che rembijerure! R.

Mba’e vai mante ojejapete che rehe ha amanótantema voi.

Che piru che kã ha omano va’ekue  ichama ajerereko. R.

Te’õngue apytépe añemombo ha umi ñorairõme

Ojejuka va’ekuéicha yvy kuápema aime.

Umívare niko nde na ne mandu’a véima, nde pógui ojepe’a haguére. R.

Yvykua ruguápe niko che mombo, umi ipypuku ha iñypytũveha rupi.

Nde pochykue añandu che apére, ipohýi ha che mbopytupáta. R.

ALELUIA Mc 10, 45

Aleluia.

Che yvypóraicha aju va’ekue aikóvo tembiguái ramo

ha ame’ëvo che rekove mayma yvypóra rayhupápe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                                9, 51-56

Upe ramo hi’aguĩmarõ hína ára Jesús ojupi va’erãha yvágape, osẽ oho kyhyje’ỹre Jerusalénpe. Omondo hembijokuái tenonderã, ohóva peteĩ táva’i Samaría guápe ohecha haguã ichupe hendaguã. Umi Samariagua katu, nomoguahẽséi ichupe ohecha kuaágui ohoha hína Jerusalénpe.

Hemimbo’e kuéra Santiago ha Juan ohechávo upéva, he’i ichupe: Ore Jára, reipotápa ro’e oguejy haguã yvágagui tata ohundi haguã ichupe kuéra? Jesús katu ojere oja’o ha he’i ichupekuéra: Peẽko ndapeikuaáinte mba’e espíritu reheguápa peẽ. Che yvypóraicha aju va’ekue  ndajúi aporohundívo, aju katu aporopysyrõ haguã ha upéi oho hikuái ambue táva’ipe.

Ñandejára Jesucristo Ñe’ẽ