MARTES VIGÉSIMO OCTAVO DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Roma yguápe 1, 16-25

Che pehẽnguekuéra: Che natĩri Jesucristo marandu porã reheve, upéva niko Tupã Ñandejára pokatu, ikatu haguã opa umi ogueroviáva oñepysyrõ, judío kuéra tenondete, ha umi ndaha’éiva ave. Jesucristo marandu porã niko ohechauka ñandéve mba’éichapa Tupã Ñandejára ñane mboheko joja, ñande jerovia rupi, iñepyrũha guive ipaha peve. Upéicha he’i Ñandejára ñe’ẽ: “Heko jojáva, ojerovia rupi Tupã Ñandejárare, oikove va’erã.”

Tupã Ñandejára ohechauka ipochyha oinupãvo yvága guive opa yvypóra iñaña ha heko joja’ỹvape, heko añáme oguerekóva iñypytũháme pe añetegua. Tupã Ñandejáragui ikatúva jaikuaa, ha’e kuéra oikuaa porã, ha’e voi ohechaukágui ichupe kuéra. Pe Tupã Ñandejára rehegua ojehecha’ỹva ikatu ojekuaa, jajepy’a mongetárõ umi ha’e ojapo va’ekuére. Ha upéicha rupi, ko yvy oiko ñepyrũ guive ojehecha porã ha’eha Tupã Ñandejára, ha pe ipokatu araka’eve ndopa mo’ãiha. Upévare umi iñañáva ndoguerekói mba’eve he’i va’erã.

Oikuaárõ jepe Tupã Ñandejárape, nomomba’e guasúi va’ekue ichupe ha ndohechakuaái va’ekue ichupe. Upéva rangue katu, ojepy’a mongeta výro reíre, ha iñapytu’ũ tavy kuéra opyta pytümbýpe. He’i hikuái iñaranduha, ha añetehápe itavy. Omoengoviágui Tupã Ñandejára reko mimbipa opave’ỹva, yvypóra omano va’erãva ra’ãngáre, guyra ra’ãngáre, tymba ipy irundýva ha mbói ra’ãngáre jepeve.

Upévare Tupã Ñandejára oheja ichupekuéra oiko umi tembipota vai oĩva ipypekuéra reheve, ha ojapo ojuehe mba’e oporomotĩva. Tupã Ñandejára mba’e añetegua rangue, oheka hikuái mba’e japu, ha ombojerovia ha omomba’e guasu umi mba’e Tupã Ñandejára rembiapokue, ha ndaha’éi Tupã Ñandejára ijapoharépe, ha ojererohory va’erãva opa árape. Amén.

Tupã Ñandejára Ñe’ẽ.

SALMO ÑEMBOHOVÁI 18, 2-5ab

Opavave: Yvága ohechauka Tupã Ñandejára mimbikue

Yvága ohechauka Tupã Ñandejára mimbikue,
ha arapýre ojekuaa hembiapokue.
Ára omombe’u ojupe kóva
ha pyhare avei omoherakuã. O.

Nañahendúi oñe’ëva, jepe ko
ñe’ẽ isarambi yvy apére,
ha pe marandu oguahẽ yvy opaha peve.
Upépe kuarahy oñembohóga. O.

ALELUIA Heb 4, 12
Aleluia.
Ñandejára Jesucristo ñe’ë niko hekove ha ikatupyry,
oiporavo umi iporä ha ivaíva oïva ñane akäme ha umi ñane korasö rembipota.
Aleluia.

EVANGELIO

Ñahendúta Ñandejára Jesucristo rekove ha hemimbo’e San Lucas omombe’u háicha 11, 37-41

Upe ramo Jesús oñe’ẽmbávo, peteĩ fariséo he’i ichupe oho haguã okaru hógape. Jesús oho ha oike oguapy mesápe. Upe fariséo ohecha ramo Jesús ndojepohéiriha okaru mboyve.

Jesús katu he’i ichupe: Peẽ fariséo pemopotĩ ijapéguio rei pe jay’uha ha pe ña’ẽmbe, ha pende ryepýpe pene renyhẽ opa pe monda va’ekuégui ha pene ñaña porégui. Pende výro. Ndapeikuaái piko pe ojapo va’ekue ijapere, ojapo hague avei hyepyre? Peme’ẽ pene tupã mba’e pende py’a ite guive, ha upéicharõ opa mba’e ipotĩta.

Ñandejára Jesucristo Ñe’ẽ