Ñahendu Hesu. Lunes I Durante el Año

Escucha el evangelio y la reflexión en: https://youtu.be/Hz2EfBmo7nM

Lunes I. Tiempo Durante el Año

Marcos 1, 14 – 20

Juan ojeapresa rire, Jesús oho Galiléape omyerakuã haguã Tupã marandu porã. He’i:
“Oguahẽma upe ára oje’eva’ekue, ha Ñandejára Reino hi’aguĩma. Pejevy Tupã gotyo ha
perovia pe marandu porã.”

Jesús ohasa jave ohóvo mar Galiléa rembe’y rupi, ohecha Simón ha ityvýra Andréspe.
Ha’ekuéra niko peskádor, ha oityhína hikuái rréd ýpe. Jesús he’i chupekuéra:Peju che moirũ, ha che pombo’éta pejura haguã pende rapichápe.

Upepete voi oheja hikuái umi rréd, ha oho hendive.

Ha Jesús ohovévo upégui, ohecha Zebedeo ra’ykuérape, Santiago ha ityvýra Juánpe,
omyatyrõvahína umi irréd kuéra ikanóape. Upépe voi ohenói chupekuéra, ha ha’ekuéra
oheja itúva Zebedeo ha ipytyvõhakuéra ikanóape, ha oho Jesús ndive.

Ñandejára Jesucristo ñe’ẽ

ÑAMBOGUEJY ÑANDE REKOVÉPE

Jahecha niko oĩha ñande Iglésiape heta tapicha, kuña ha kuimba’e, pyahu ha otyarõva. Omboguatáva tembiapo ha omyakãva aty ojejapóva capílla ha comunidápe, parroquia ha movimiento kuéra rupi. Catequista, celebrador, opurahéiva, oñembo’éva, oĩ pa’i, hermana, diácono, obispo, ha heta hetave, jerovia pope omýiva ñande Iglésiape.

Oĩ niko avei hetavéntema oma’ẽvante, ohóvante oguapy ha ohendu, ha ndoikéiva tembiapópe. Oĩ voi niko he’íva: Oĩmba voíko hina umi mba’e ojapo va’erã, hendapáma hina mávapa oime umiarã. Ha upéicha ojehekýi oñekonvidáramo oike haguã avei pe Iglesia, capilla, movimiento tupaoguápe. Mombyrymíguinte oma’ẽ, kora áriguinte.

Jahecha Hesu ohasa ohóvo Pedro ha Andrés ykére, ha’e kuéra omba’apo hápe.

Ndaha’éiko hina tekoreíguinte mba’e Hesu ohenóiva iñirũra. Oime jave hikuái tembiapópe Hesu ohenói chupe kuéra. Ha ohenói avei Santiago ha Juánpe, omba’apóva avei hina. Ha ombo’yke hikuái hembiapo ha oguata Hesúndive, omotenonde Ñandejára ñehenói ha oike peteĩ tembiapo tuichavévape. Noñemboapysapéi chugui, ohendu iñe’ê, oheja la ohejáva ha oho hendive jerovia pópe.

Mba’épa ere ichupe che irũ ha nde che reindy, ne rembiapo ita pa’ũme reiméva.
Mba’eteko Hesu nekonvida ha nerenói ramo eike haguã eguata hendive, nde jokuái ha
ojevalese ramo mba’e nde rehe avei.

Pa’i Alberto Luna.