Ñahendu Hesu Ñe’ê. Jueves 23 de enero

Escucha el evangelio y la reflexión en: https://youtu.be/5nQ6Mv5uaWs

Jueves II Tiempo Ordinario Marcos 3, 7 – 12.

Jesús ha idisípulokuéra heta Galileagua ndive oho mar rembe’ýpe. Oikuaávo umi
mba’e ojapóva, oho hendápe heta Judeagua, Jerusalén, Idumea, Jordángui kuarahy
resẽvo, Tiro ha Sidón guáva.

Upévare Jesús he’i idisípulo kuérape ogueru haguã chupe peteĩ várko’i, ani haguã
upe aty guasu ojopypa chupe. Omonguera haguére hetápe, umi hasýva ojeitypa hi’ári
opoko haguã hese. Ha umi demóño katu ohechávo chupe oñesũ henondépe ha
osapukái: Nde hína Tupã ra’y!

Jesús katu he’i chupekuéra ani haguã péicha he’i hese avave renondépe.

Ñandejára Jesucristo ñe’ẽ

ÑAMBOGUEJY ÑANDE REKOVÉPE

Hetaichagua niko oime ojeroviáva Ñandejárare, oikóva oguata Hesu rapére.
Oime umi oguata aguĩvéva Hesu ndive, oikóva ijykére ára ha pyhare, omosãva hekove
hese. Oime katu umi oguata pere perévante, sapy’a py’ánte oñembojáva tupao,
comunida, capíllare, oúva mísa ha ñembo’e hápe oikotevẽ javeténte voi, ha upéi katu
mombyrymíguinte oma’ẽ.

Jahecha Hesu orekoha iñirũ nguéra, ha’éva umi 12 apóstol, opytáva hendive opa
araite, omoirũva chupe hembiapópe. Umívape Hesu ojokuái ha ojevale hesekuéra
tuicha háicha. Ha oĩ avei omoirũva Hesúpe, ndaha’éiramo jepe opa araite, umíva
oñehenói disípulo, ha’éva Hesu irũ, kuña ha kuimba’e ohayhúva chupe ha Hesu
ojokuáiva avei.

Setenta y do umi disípulo reheguáva Hesu ojokuái ha ojapóva chuguikuéra misionero.

Ñande niko ñañehenói jaiko haguã Hesu irũ ramo, “disípulo”, jaikuáava Hesúpe,
ñañemoarandúva hapére ha ñamombe’úva ñande rapichápe Ñandejára rembipota, upéva
jajapóramo oikóma ñande hegui misionero, Ñandejára rembijokuái. Upéicha Hesu
ojevale ñande rehe ñaipytyvõ haguã chupe hembiapópe.

Mba’etekópa che reindy ha nde che irũ. Mba’eichaitépa nde reñandu hína Hesu
nerenóine haguã ha nekonvida eguata haguã ijykére ha remoirũ ichupe.

Pa’i Jasy.