LECTURAS SÁBADO SEMANA 27º DURANTE EL AÑO

LECTURAS SÁBADO SEMANA 27º DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Galacia guápe    3, 22-29

Che pehẽnguekuéra:

Tupã Ñandejára ñe’ẽ he’i háicha katu jahecha, opavave oĩha angaipa poguýpe, ikatu haguã umi ogueroviáva Crístope ohupity pe Tupã Ñandejára oñe’ẽ me’ẽ hague. Pe jerovia ou mboyve, tembiapoukapy ñande rereko ipoguýpe, ha péicha, pe jerovia ojekuaa peve. Ou peve Cristo, tembiapoukapy ñande rereko ipoguýpe, ikatu peve ñande jerovia rupi ñande reko joja.

Ko’ágã  oguahẽmavo pe jerovia katu, nañaime véima upe tembiapoukapy poguýpe. Cristo Jesús rupi opavave peẽ  Tupã Ñandejára ra’ýma, peñe mopeteĩvo Cristo ndive ñemongarai rupi, peiko ku peñe mondéva ramo guáicha Crístogui.

Ndaha’e véima mba’eve judíopa térãpa Greciagua, tembiguáipa térãpa tembiguai’ỹ, kuimba’épa térãpa kuña. Peñe mopeteĩvo Cristo Jesús ndive, opavave peẽ peteĩnte. Ha peẽ Cristo mba’e ramo, aipórõ peẽ Abraham ñemoñare, ha pende rupity pe Tupã Ñandejára oñe’ẽ me’ẽ hague ichupe.

Tupã Ñandejára Ñe’ẽ.

SALMO ÑEMBOHOVÁI          107, 2-7

Opavave: Tupã Ñandejára ndahesaráiri iñe’ẽ marangatúgui.

Peropurahéi ha pemoherakuã imombe’upyrãva ha’e ojapóva.

Héra marangatu pembo tuicha.

Tupã Ñandejára rehe ojeroviáva tovy’a.

Peguahẽ Tupã Ñandejára rendápe pytyvõ rekávo. O.

Opa ára peñe mboja hendápe.

Pene mandu’áke umi mba’e hechapyrãva ojapo va’ekuére,

ha hembiapoukapy ijurúgui osẽ va’ekuére. O.

Peẽ hembiguái kuéra Abraham ñemoñaréva,

peẽ hembiporavo Jacob ra’ykuérava,

Tupã niko Ñandejára hína, ha’e oisãmbyhy ko yvy tuichakue. O.

ALELUIA Lc 11, 28

Aleluia.

Ovy’ite umi ohendu ha ojapóva Tupä Ñandejára ñe’ë.

Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha 11, 27-28

Upe ramo Jesús oñe’ẽ aja hína ko’ã mba’ére, umi oĩva apytégui peteĩ kuña osapukái:

Ovy’aiténepa pe kuña nde reru va’ekue  ko yvy ári ha ne mokambu va’ekue !

Ha’e katu he’i: Ovy’a iténe uvei umi ohendúva Tupä Ñandejára ñe’ẽ ha ojapo pe ha’e he’íva!

Ñandejára Jesucristo Ñe’ẽ