DOMINGO SEMANA XIX TO

LECTURA PETEÏHA:

Ko’ágä ñahendúta Tupä Ñandejára ñe’ẽ Isaías arandukápe oĩ háicha 45, 1. 4-6

Péicha he’i Tupä Ñandejára hembiporavo Círope. Ipo akatúagui ichupe ogueraha.
Omoĩta ipo guýpe tetãnguéra, mburuvicha guasukuéra ku’a jokuaha ojoráta, táva rokẽnguéra
oipe’áta ichupe, ikatu’ỹ haguãicha avave omboty.

Che rembiguái Jacob ha che rembiporavo Israel rehehápe, rohenói nde réra tee rupi ha
romoingo va’ekue mburuvicha ramo, nde nda che kuaái ramo jepe.

Che hína opa mba’e Jára, ndaipóri ambue. Che ñoite hína Tupä, ndaipóri ambue.
Che rombo’e va’ekue reñorairõ kuaa haguã, nde nda che kuaái ramo jepe.

Ojekuaa haguã opa rupi, kuarahy resẽ guive kuarahy reike peve, che ñoiteha, ndaiporiha
ambue.

Che opa mba’e Jára, ndaipóri ambue.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI 95, 1. 3-5. 7-10ac

Opavave: Pemomba’e guasu Ñandejárape ha’e ipokatu ha omimbipágui Pepurahéi ñandejárape purahéi pyahu. To purahéi Ñandejárape opa ko yvy.Pemombe’u opa tetã rupi ha maymávape, ha’e tuichaha, ha umi mba’e hechapyrãva ojapóva. O.

Ñandejára tuicha hína, ichupe ñamomba’e guasu va’erã, ichugui jakyhyjeve va’erã opa Tupägui.
Umi mba’e tetã oguerekóva Tupä ramo, umíva ta’ãnga reínte.
Ñandejára katu yvága apohare hína. O.

Pemomba’e guasu Ñandejárape opa tetãnguéra,
pemomba’e guasu Ñandejárape ha’e ipokatu ha omimbipágui,
pemomba’e guasu Ñandejárape héra tuichagui,
itupao róga guýpe pemoguahẽ pene mba’e kuave’ẽ. O.

Pemomba’e guasu Ñandejárape ojehechaukáva heko marangatúpe.
Opa yvypóra henondépe toryrýi.
Toje’e opa tetã rupi: “Tupä Ñandejára ñande ruvicha guasu hína”.
Ha’e oisãmbyhy teko jojápe tetãnguéra. O.

LECTURA MOKÖIHA:
Ñahendúta Tupä Ñandejára Ñe’ẽ San Pablo ohai va’ekue Tesalónica guápe 1, 1-5b

Pablo, Silvano ha Timoteo romomaitei Jesucrísto iglésia Tesalónica guápe, ojoajúva Tupä
ñande Ru ha Jesucrísto Ñandejára rehe. Tupä Ñandejára tohykuavo ipytyvõ ha ipy’a guapy
pende ári.

Opa araite rome’ẽva ore aguyje Ñandejárape pende rehe, ha ore mandu’a pende rehe ore
ñembo’épe. Manterei ore mandu’a Ñandejára ñande Ru renondépe, mba’éichapa heta mba’e
pejapo pende jerovia rupi, mba’éichapa pene mborayhu tuichagui hetápe peipytyvõ, ha
mba’eichaite pevépa peha’arõ kuaa Ñandejára Jesucrístope.

Ore pehẽnguekuéra, ore niko roikuaa Ñandejára pende rayhuha ha pende poravo hague.
Ako roikuaauka ypy ramo peëme marandu porã niko, nda ha’éi va’ekue ñe’ẽme añónte, heta
mba’e hechapyrãme katu, ohechaukáva Tupä ha Espíritu Santo pokatu, ha roikuaa porãgui
añeteha.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA Flp 2, 15-16

Aleluia.
Ijapytépekuéra pemimbi peë mbyja itáicha pyhare. Peñemohatã kena pe marandu
oporomoingovéva rehe. Upéicha, oúvo Cristo che py’a rory va’erã pende rehe, aikuaa pype

nañani reíri ha namba’apo reíri hague.
Aleluia.

EVANGELIO

Marandu porã Ñandejára Hesukrísto rehegua San Mateo omombe’u háicha 22, 15- 21
Opavave: Romomba’e guasu ndéve, Ñandejára.

Peteĩ ára umi fariséokuéra oñembyaty ombopakova pire hag̃ua Jesúspe. He’ikase chupe hikuái mba’e he’i’ỹ va’erãva, omoĩ vai hag̃ua chupe. Omondo hikuái idisípulo kuéra, ha umívandi umi Herodes rapykuéri oiko hatãva. He’i chupe hikuái: — Mbo’ehára, roikuaa niko nandejapuiha.

Hekoitépe niko eporombo’e Tupã rape. Roikuaa avei nerepenaiha umi mba’e nderehe oje’évare. Ha upéi ave, neremañái avavére rehecha hag̃ua mba’eichaguápa ha’e. Ore roikuaase mba’épa nde ere. Oĩ porã piko japaga impuésto Césarpe , térãpa nahániri.

Jesús katu ohecha kuaa omoñuhãseha chupe hikuái. Osẽ he’i: — Peẽ tekove ahẽ, rova mokõi.
Mba’éreiko pe che moñuhãse. Pehechauka chéve pe níkel peme’ẽva jepi.

Ha ombohasa chupe hikuái peteĩ. Jesús omaña hese, ha oporandu chupekuéra: — Máva ra’ãnga ha máva réra piko ko oĩva hese.

Ha’ekuéra he’i chupe: — César.
Jesús he’i chupekuéra: — Néi, peme’ẽ Césarpe upe imba’éva, ha Tupãme upe imba’éva.
Ohendúvo upéva okirirĩmbaite. Oheja chupe, ha osẽ ohopa hikuái.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.