VIERNES DE LA OCTAVA DE PASCUA

VIERNES DE LA OCTAVA DE PASCUA

Ko’ágã ñahendúta Tupã Ñandejára Ñe’ẽ Apóstolkuéra rembiapokuépe oĩ háicha 4, 1-12

Pedro ha Juan oñemoñe’ẽ aja, oguahẽ pa’i kuéra, Tupao rerekua ruvicha ha Saduséokuéra ndive. Ipochy hikuái Pedro ha Juan ombo’égui tetã guápe ha he’ígui jeikove jevy omanóva apytégui ojehechauka ha añeteha Jesús rupi.

Ipojái hesekuéra ha ka’aru pytũguima omoinge ichupe kuéra koty ypytũme upe ára ambue peve. Ha heta ohendu va’ekue upe ñe’ẽ oguerovia, ha umi ogueroviáva retakue, ojepapávo kuimba’e añónte, ohupity 5.000 rupi.

Upe ára ambuépe oñemboaty Jerusalénpe Israelgua ruvichakuéra, moakãhára ha Moisés rembiapoukapy mbo’ehakuéra. Upépe oĩ avei pa’i guasu Anás, Caifás, Juan, Alejandro ha opa pa’i guasu rogagua. Pedro ha Juánpe omoĩvo henondépekuéra oporandu hikuái ichupekuéra:
Máva rupi térã máva rérapepa pejapo ko’ã mba’e?

Pedro, henyhẽva Espíritu Sántogui, he’i ichupekuéra: Tetãgua ruvicha ha moakãhárakuéra: Peporandu niko oréve pe mba’e porã ojejapo va’ekue rehe peteï hasýva rehe, ha mba’éichapa oñemonguera ra’e.

Ro’e pene renondépe ha opa Israelgua renondépe, ko kuimba’e oĩva ápe opavave rovake, hesãiha Jesucrísto Nazaretgua rérape, upe peë pemosãingo va’ekue kurusu rehe ha Tupã Ñandejára omoingove jevy va’ekue.

Ko Jesús hína upe Ita, peẽ óga apoha pemboyke va’ekue, ha oiko ichugui pe Ita tekotevẽvéva. Ndaipóri ambue ñande pysyrõ, kuaáva Tupä Ñandejára nome’ẽi hague rehe ñandéve yvy ári ambue.

Tupä Ñandejára Ñe’ẽ.

SALMO ÑEMBOHOVÁI 117, 1-2. 4. 22-27a

Opavave: Pemomba’e guasu Tupä Ñandejárape, ha’e niko ipy’a porã ha imborayhu ndopái araka’eve.

Pemomba’e guasu Tupã Ñandejárape, ha’e niko ipy’a porã ha imborayhu ndopái araka’eve.
Mayma Israelgua te’i: “Tupã Ñandejára mborayhu ndopái araka’eve”. O.

Upe ita omboykéva óga mopu’ãhára, upéva ári ko’ágã oñemopu’ã.
Tupã Ñandejára upéicha ojapo ha ore jurujái ore rohechávo.
Kóva ko árape Ñandejára oñemongu’e, javy’a joáke hesehápe. O.

Ore Jára, to sẽ porã kena oréve opa mba’e!
To jehovasa pe Tupä Ñandejára rérape oúva.
Ore pohovasa tupao guive.
Tupã hína Ñandejára, ha’e ñande resape. O.

SECUENCIA

Como el Domingo de Pascua, Misa del día:

Ñandejára Jesucrísto rayhupárakuéra ñamoï Tupã Ñandejára ra’y pópe
ñane remikuave’ë momba’eguasu rehegua ojora va’ekue ñane angaipa
Cristo imara’ÿva, omoï porã jevy va’ekue hi’angaipávape ñande Ru ndive.

Mano ha tekove oñembojovake ñera’ã mbaretépe pe mburuvicha guasu omano va’ekue
ha ko’ágä oikove jevy.

Ere oréve María Magdalena mba’épa rehecha tape rehe Ahecha Ñandejára Jesucrísto tyvy
ha Ñandejára oikove jevýva rova ojajaipáva.

Ahecha angelkuérape, ohecha va’ekue pe mba’e hechapyrã ahecha Ñandejára Jesucrísto oñeñuvã hague ha ijaokuéra oikove jevy Cristo che jeroviaha, ha omotenondéta hemimbo’e kuérape Galiléape.

Jaikuaa Ñandejára Jesucrísto oikove jevyha añete hápe nde, Mburuvicha guasu nde pu’akapáva, ore poriahuverekomikena.

ALELUIA Sal 117, 24

Aleluia.
Kóva ko árape Ñandejára oñemongu’e, javy’a joáke hesehápe
Aleluia.

EVANGELIO

Ko’ágã ñahendúta Ñandejára Jesucrísto rekove ha hemimbo’e San Juan omombe’u háicha
21, 1-14

Upe ramo ko’ã mba’e rire, Jesús ojechauka jevy hemimbo’ekuéra yguasu Tiberias rembe’ýpe. Ha kóicha ojehu: Oĩ jave oñondive Simón Pedro, Tomás ku Gemelo ojeheróva, Natanael táva Caná pegua opytáva yvy Galiléape, Zebedeo ra’y kuéra ha mokõi Jesús remimbo’ekuéra, Simón Pedro he’i ichupekuéra: Aháta pirahápe.

Ha’ekuéra osẽ he’i ichupe: Rohóta avei ne ndive.
Ojupi hikuái peteï kanóape ha oho, ha upe pyharépe ndoitýi mba’evete. Ko’ẽ mbávo, Jesús ojechauka sapy’a pe y rembe’ýpe, hemimbo’ekuéra katu ndoikuaái ichupe. Jesús oporandu ichupekuéra: Che irũ nguéra, ndapeitýi piko mba’eve?

He’i ichupe hikuái: Nahániri.

Jesús he’i ichupekuéra; Peity pende pyaha pene kanóa akatúa gotyo, ha upépe ho’áta peëme pira. Oity hikuái upe gotyo, ha upéi ndaipu’akái pe pyaha rehe henyhẽgui pirágui. Upépe, Jesús remimbo’e ha’e ohayhu etéva, he’i Pédrope: Ñandejára Jesucrísto niko amóva.

Simón Pedro ohendúvo Ñandejára Jesucrísto ha, oñemonde oĩgui opívo, ha ojepoi pe ýpe. Umi ambue Jesús remimbo’ekuéra katu oguahẽ pe y rembe’ýpe kanóape.

Ombotyryhápe ogueraha pe pyaha henyhẽva pirágui, 100 metroha rupínte oĩ hikuái pe y rembe’ýgui. Oguejývo yvýpe, ojuhu hikuái tata ha hi’ári peteï pira, ha mbujape. Jesús he’i ichupekuéra: Peru avei umi pira penohẽ ramóvagui.

Simón Pedro ojupi jevy pe kanóape ha pe y rembe’y peve ombotyryry pe pyaha henyhẽva pira guasúgui. Oĩ ipype 153 pira ha ndosorói henyhẽ ramo jepe.

Upéi Jesús he’i ichupekuéra: Peju pe rambosa ha avave noporanduséi ichupe mávapa ha’e. Oikuaa niko hikuái Ñandejára Jesucrísto ha. Upéi katu Jesús oñemboja ha ombohasa ichupekuéra ipópe pe mbujape, ha péicha avei ojapo pe pira reheve.

Kóva niko mbohapyhama va’ekue Jesús ojechauka hague hemimbo’ekuérape, opu’ã rire omanóva apytégui.

Ñandejára Jesucrísto Ñe’ẽ.