LECTURAS MIÉRCOLES SEMANA 25º DURANTE EL AÑO

LECTURAS MIÉRCOLES SEMANA 25º DURANTE EL AÑO

Ko’ágã ñahendúta Tupã Ñandejára ñe’ẽ Proverbios arandukápe oĩ háicha   30, 5-9

He’íva guive Tupã Ñandejára, ojapo katu ete Ha’e niko mo’ãha ichupe ohekávape guarã. Ha’e he’ívagui ani ereve, cháke nemongavajúne ha ijapúvarõ reikóne.

Mokõi mba’énte, Tupã Ñandejára, ápe ndéve ajerure, anína rembotove che hegui amano mboyve! Emomombyry che hegui tova mokõi ha japu, ani che momboriahu térã che momba’e reta.

Eme’ẽnte chéve aikotevẽva, ani, che ryvatãma ramo, ajere nde hegui, ha ha’e: “Máva piko aipo Tupã Ñandejára?” Térã che mboriahúgui amonda, ha nde rérare ajahéi.

Tupã Ñandejára Ñe’ẽ.

SALMO ÑEMBOHOVÁI  118, 29. 72. 89. 101. 104. 163

Opavave: Tupã Ñandejára, ne ñe’ẽ ohesape che rape

Japúgui che momombyry, ha ne rembiapoukapy eikuaauka chéve.

Che ahecha ramo ne rembiapoukapy óro ha plátagui ahecha ramove. O.

Che Jára, ne ñe’ẽ ndopái chéne araka’eve,yvága rehe oĩne opa ára.

Ndaguatáiva tape vaíre aiko haguã ne ñe’ẽ he’i háicha. O.

Ne rembiapoukapy che moarandu, upévare teko japu che mbojeguaru.

Japu ndahecha ramói ha nahenduséiete voi, ne rembiapoukapy katu ahayhu. O.

ALELUIA Mt 1, 15

Aleluia.

Tupã Ñandejára Sambyhy hi’aguïma.

Pejevy pende rembiapo vaikuégui ha peguerovia Marandu Porä.

Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha 9, 1-6

Upe ramo Jesús omboaty umi 12 hemimbo’e ha ome’ë  ichupekuéra pokatu ha pu’aka omosẽ haguã opaichagua mba’epochy, ha omonguera haguã opaichagua mba’asy. Omondo ichupekuéra oporomomarandu haguã Tupã Ñandejára sãmbyhýre, ha omonguera haguã hasývape.

He’i ichupekuéra:

Ani peraha mba’eve tapére guarã, yvyra pende po pegua, vosa, mbujape, viru ha ao jopyru. Oimeraẽva óga peguahẽhápe, upépe pepyta pesétaha árape peve. Ha oimérõ táva pene moguahẽse’ỹha, tapeho upégui. Peityvyro yvytĩmbo pende pýgui, ohecha kuaa haguã hikuái upéva maranduha Tupã Ñandejára oinupãtaha ichupe kuéra.

Aipórõ osẽ hikuái ha oho umi táva’i rupi, omoasãi marandu porã ha omonguera hasývape.

Ñandejára Jesucristo Ñe’ẽ