MARTES SEMANA 34º DURANTE EL AÑO

MARTES SEMANA 34º DURANTE EL AÑO

Ñahendúta Tupã Ñandejára Ñe’ẽ Apocalipsis arandukápe oĩ háicha           14, 14-19  

Che, Juan, ama’ẽ ha ahecha peteĩ arai morotĩ, ha pe arai ári oguapy peteĩ ojoguáva kuimba’e ra’ýpe; iñakãre akã rehegua jeguaka óro ha ipópe peteĩ kyse apã ne rãimbéva. Ha osẽ pe tupaógui ambue Tupã Ñandejára remimbou, osapukái hatãva pe arai ári oguapývape: “Eiporu pe nde kyse apã ha emono’õ temitĩngue; oguahẽma ára ha pe yvy arigua temitỹ hi’ajúma!” Pe arai ári oguapýva ombohasa upévo pe ikyse apã yvy ári, ha omono’õ pe temitĩngue yvy pegua.

Upéi ambue Tupã Ñandejára remimbou osẽ pe Tupao yvága peguágui, ipópe ogueraha avei peteĩ kyse apã hãimbéva. Ha pe altárgui osẽ ambue Tupã Ñandejára remimbou, ipu’akáva tatáre, ha ohenói hatã pe kyse apã oguerahávape: “Emoinge pe nde kyse apã rãimbe, ha eikytỹ pype umi parral a oĩva itýpe yvy ári, péinama hi’ajupa!”

Upe Tupã Ñandejára remimbou ombohasa ikyse apã yvy ári ha oikytĩ umi parral a, ha upéi ohekuavo pe mba’yru guasu ojehykue’ohápe, ha ohechaukáva Tupã Ñandejára pochy.

Tupã Ñandejára Ñe’ẽ.

SALMO ÑEMBOHOVÁI    95, 10-13

Opavave: Tupã Ñandejára oisãmbyhýne tekojojápe tetãnguéra.

To je’e opa tetã rupi:

“Tupã Ñandejára ñande ruvicha guasu hína”.

Hatã omoĩ hendápe ko yvy, ha ndaipóri omongu’éva.

Ha’e oisãmbyhy tekojojápe tetãnguéra. O.

Tovy’a yvága ha yvy.

To sununu pe yguasu ha opa ipype oĩva.

To vy’a umi ñu ha opa mba’e ipype oĩva.

Vy’águi to sapukái umi yvyra ka’aguy pegua. O.

Tojepurahéi Tupã Ñandejára renondépe,

ha’e ou ko yvy oisãmbyhy haguã.

Tekojojápe ko yvy oisãmbyhýta, ha añetépe tetãnguéra. O.

ALELUIA Apoc 2, 10c

Aleluia.

Ejeroviáke emano meve ha ame’ëta ndéve ne

akä rehe guarä hekovéva.

Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha  21, 5-9

Upe ramo ohendúvo hetápe oguerohoryha hikuái pe Tupao pegua umi ita hepýva ha kuave’ẽmby oñeme’ỹva Tupã Ñandejárape, Jesús he’i: Opa mba’e pehechávagui, oguahẽta ára ndopyta mo’ãiha peteĩ itánte jepe ojo’ári. Oñehundipa itéta.

Aipórõ oporandu ichupe hikuái: Mbo’ehára, mba’éicha piko rohecha kuaáta oguahẽmaha ára oiko potaha umi eréva?

Jesús he’i: “Pema’ẽ porãke. Aníke peheja avave pene mbotavy. Cháke oĩta heta oúva che rérape. He’íta hikuái: ‘Che ha’e upe Cristo’, ha ‘Oguahẽma ára’. Ha peẽke ani peho hapykuéri kuéra. Pehendúta oikoha ñorairõ guasu opa rupi. Anínte peñemondýi. Umíva umi mba’e niko ojehu raẽ va’erã voínte, jepe upéva nde’iséi oguahẽmaha pe ára paha.”

He’ive ohóvo ichupekuéra: “Peteĩ tetã opu’ãne ambuére, ha opavave opu’ãmbáne ojuehe. Oikóta heta yvyryrýi guasu, ha oĩta ñembyahýi ha mba’asy heta hendápe. Ha árare ojehecháta heta mba’e oporomondýiva ha mba’e hechapyrã tuicháva.”

Ñandejára Jesucristo Ñe’ẽ.