VIERNES VIGÉSIMO SEXTO DURANTE EL AÑO

LECTURA PETEÎHA:

Ko’ágã ñahendúta Tupã Ñandejára ñe’ẽ Baruc arandukápe oĩ háicha  1, 15-22

Kóicha peñe mombe’úta peẽ: ‘Tupã ore Jára niko heko joja, ore katu, ñemotĩ ro’u, ko ojehu háicha oréve ko’ágä . Opavave Judea ha Jerusalengua, ore ruvicha ha ore moakãhárakuéra, ore pa’ikuéra, ore maranduhárakuéra ha ore rukuéra ypykue oñemotïmba, ore rembiapo vai haguére ore Jára renondépe.

Romboyke ha na ore ñe’ẽ rendúi va’ekue  niko Tupã ore Járape, ha ndorojapói umi mba’e he’i va’ekue  oréve rojapo haguã. Ore Jára oguenohẽ ypy guive ore ru kuéra ypykuépe tetã Egíptogui ko’ágä  ite peve, ore na ore ñe’ẽ rendúi Tupã ore Járape ha romboyke iñe’ẽ.

Upévare ho’a ore ári opaichagua mba’e vai ha jeharu ore Jára oity va’ekue  ore ári hembiguái Moisés juru rupi, upe ore rukuéra ypykue osẽha árape tetã Egíptogui oho haguã upe yvy, ýicha osyryhápe kamby ha eíra, ha’e ome’ẽ va’ekue  oréve. Ore katu norohenduséi va’ekue  Tupã ore Jára ñe’ẽ oguahẽ va’ekue  oréve imaranduhára juru rupi. Maymávante oiko iñakãre ha ivaívante ojapo. Romomba’e guasu ambue tupã ha rojapo pe Tupã ore Jára ndohechaséiva.’

Tupã Ñandejára Ñe’ẽ.

SALMO ÑEMBOHOVÁI    78, 1-5. 8-9

Opavave: Tupã Ñandejára, eju ore pytyvõ, nde upe ore renohẽva jejopy vaígui. 

Háa Tupã Ñandejára! umi nde rehe ojerovia’ỹva

oike ne retãme, nde tupao marangatu omongy’a,

Jerusalén oitypa ha yty atýra oheja.

Ne rembiguái kuéra re’õngue yryvu rembi’urã

oheja hikuái, ha umi nde rehe ojeroviáva

ro’okue tymba ñarõme ho’u haguã. O.

Huguykue ýicha oñohẽ hikuái

Jerusalén jerére, avave noñotÿi ichupe kuéra.

Ha mávapa umi te’õngue oñotỹta?

Umi ore jere rupi oikóva oñembohory ore rehe.

Ojepukapa niko ore rehe opa rupi.

Háa Tupã! Araka’e peve piko nde pochýta ore ndive?. O.

Nde pochykue piko tatáicha ojepotáta?

Ani rejopy ore ndive ore ru kuéra ypykue rembiapo vaikuére.

Pya’e kena ore poriahuvereko, cháke vaípe rojecha.

Tupã, eju ore pytyvõ, nde upe ore renohẽva jejopy vaígui.

Nde réra rehehápe, eju ore pytyvõ ha eheja rei oréve ore angaipa. O.

ALELUIA Cf. Sal 94, 8a.7d

Aleluia.

Ani pemohatä pene korasö,

pehendu uvei Tupä Ñandejára ñe’ë.

Aleluia.

EVANGELIO

Ñahendúta Ñandejára Jesucristo rekove ha hemimbo’e San Lucas omombe’u háicha     10, 13-16

Upe ramo Jesús he’i:

Ejererekóke nde, táva Corozaín! Ejererekóke nde, táva Betsaida. Táva Tiro ha Sidónpe ojejapo rire umi mba’e hechapyrãva ojejapo va’ekue  pende pype, ymáma ojevy va’erã mo’ã hikuái Tupã Ñandejára gotyo, ha oñemonde ao vosa kuépe ha oguapy tanimbu ári, ohechauka haguã ombyasyha iñangaipa. Tupã Ñandejára oporombojovakeha árape, peẽ peñe nupã pohyivéta umi táva Tiro ha Sidón peguágui.

Ha nde, táva Cafarnaúm, reimo’ã piko reguahẽtaha yvágape? Tupã Ñandejára uvei nde reitýta omanóva retãme! Umi pene rendúva, chéve che rendu ha pe ojahéiva pende rehe, ojahéi che rehe. Ha pe ojahéiva che rehe, ojahéi pe che mbouharére.

Ñandejára Jesucristo Ñe’ẽ