LECTURAS JUEVES XXIV DEL TIEMPO ORDINARIO
18 septiembre, 2025LECTURAS SÁBADO XXIV DEL TIEMPO ORDINARIO
19 septiembre, 2025LECTURAS VIERNES XXIV DEL TIEMPO ORDINARIO
LECTURA PETEÎHA:
Ñahendúta Tupã Ñandejára Ñe’ẽ San Pablo ohai va’ekue Timotéope 6, 3-12
Che Ra’y: Oimérõ pe tembiguái jára Tupã Ñandejára reroviaháva, aníke nomomba’éi ichupe, ipehẽngue niko avei Tupã Ñandejára reroviápe. Upéva rangue, omba’apo porãve va’erã katu ichupekuéra.
Umi hembiapo kuerakue ohupytýva niko Tupã Ñandejáara reroviaha ha ohayhúva ichupe kuéra. Embo’e ha emoasãi ko’ã mba’e: Oimérõ ombo’éva mba’e rei ha oho’ỹva Ñandejára Jesucristo ombo’évare, térã osẽva ñane remiandu Cristo reheguágui, upéva peteï tekove jejapo oikuaa’ỹva mba’eve.
Ha’ekuéra niko hasy noñoñe’ẽ apíri ramo. Ha upégui ou umi mba’e pota hekope’ỹmegua, jeiko vai, jeja’o, jerovia’ỹ, ha ñorairõ opave’ỹva umi iñakã kuchúva apytépe ha oikuaave’ỹmava voi pe añeteguáva. Hakuéra katu oimo’ã pe Jesucristo reroviágui oguenohẽtaha heta mba’e iporã va’erã ichupe.
Añete niko pe Tupã Ñandejára reroviápe oĩ ha heta mba’e iporãva, umi oñeñandu porãva pe oguerekomívare. Mba’eve niko ndajaguerúi jajúvo ko yvy ári, ha mba’eve ndajaguerahái. Jareko ramo ja’u ha ñañemonde haguã, javy’áma va’erã.
Umi ipirapire retaséva katu ho’a jepy’a ra’ã vai ñuhãme guáicha, ha ojecha heta mba’e pota vaípe, oitýva ichupekuéra py’a tarovápe ha ñehundípe. Pirapire jehayhu eterei ogueru heta mba’e vai, ha oime ku imba’e potapa rupi ojei va’ekue Jesucristo reroviágui ha ogueru ijupe heta iterei jeiko asy. Ha nde Timotéo, Tupã Ñandejára rembiguái, ejei opa ko’ã mba’égui.
Eikove teko porãme, poriahuverekópe, Jesucristo reroviápe, mborayhúpe, eropu’aka jeiko asy ha nde py’a porãke. Eñorairõ porã ne mba’e reroviáre. Ani reheja oho nde hegui pe jeikove opa’ỹva, upevarãma ne renói va’ekue Tupã Ñandejára, ha upévare reme’ẽ va’ekue ne ñe’ẽ heta renondépe.
Tupã Ñandejára Ñe’ẽ.
SALMO ÑEMBOHOVÁI 48, 6-10. 17-20
Opavave: Ndaipóri ikatúva omoengovia Tupã Ñandejárape,
Ndarekói mba’érepa akyhyjévo ajejopy vai jave,
iñañáva vaípe che rereko ramo.
Umívako ojerovia oguerekóvare
ha opa rupi rei omoherakuã. O.
Ndaipóri avave ijehegui osẽva jejopy vaígui,
térã ikatúva omyengovia Tupã Ñandejárape,
ha’e oguenohẽ haguére ichupe jejopy vaígui.
Avave ndaikatúi hekove ojogua, térã hepyrã omboaty. O.
Oikove haguã opa árape guarã, ani haguã omano.
Ani rejepy’apýtei rehecháramo oĩha
oñembopláta hetáva,
térã oñembohóga porãva. O.
Ágä omano vove umíva opytapáne,
ndoguerahái chéne hendive,
áçante ohóne itúvakuéra ypykue rendápe,
ha kuarahy mimbi ndohechavéi chémane. O.
ALELUIA Jn 14, 23
Aleluia.
Ñandejára Jesucristo he’i: “Pe che rayhúva nombyke mo’ãi che ñe’ẽ ha che Ru ohayhúta ichupe ha rohóta hendápe”.
Aleluia.
EVANGELIO
Marandu porã Ñandejára Jesucristo rekove ha hemimbo’e San Lucas omombe’u háicha 8, 1-3
Jesús ohasa oikóvo peteĩ távagui ambuépe, omoherakuãvo pe marandu porã Tupã Ñandejára sãmbyhy rehegua. Umi 12 apóstol omoirũ ichupe, ha upéicha avei heta kuña ha’e oipe’a va’ekue mba’epochy poguýgui ha mba’asýgui omonguera va’ekue. Ijapytépekuéra oĩ María, hérava avei Magdalena, ichugui Jesús oguenohẽ 7 mba’epochy.
Oho avei Juana, Cuza rembireko, upéva Herodes mba’e repy rerekua, ha Susana ha heta ambue oipytyvõva ichupe mba’e repy oguerekóva reheve.
Ñandejára Jesucristo Ñe’ẽ
