LECTURAS DEL DÍA VII DENTRO DE LA OCTAVA DE NAVIDAD

LECTURAS DEL DÍA VII DENTRO DE LA OCTAVA DE NAVIDAD

Ñahendúta Tupã Ñandejára Ñe’ẽ San Juan aranduka peteĩhápe oi háicha  2, 18-21

Che ra’ykuéra pohayhuetéva, ára paha. Peë pehendu va’ekue outaha pe Crísto rehe opu’ãva ha oñemoĩva hendaguépe. Ha péina ko’ágã voi oĩma heta opu’ãva Crísto rehe. Upéva rehe jaikuaa ha’emaha pe ára paha. Ha’ekuéra osẽ va’ekue ñande apytégui, añetehápe katu nda ha’éi va ra’e ñande rehegua, ha’e rire ramo niko opyta va’erã mo’ã ñane ndive. Ha upéicha ojehu ojekuaa porã haguã nda opavaveiha ñande reheguáva.

Peëme katu Cristo, pe Imarangatúva, pene mboyke va’ekue imba’erã, Espíritu rupi, ha opavave pereko upe mba’e kuaa. Ahai peëme nda ha’éi  peikuaa’ỹgui pe añetegua, peikuaágui uvei, ha peikuaa ndaikatuiha mba’evéichagua japu osẽ pe añetégui.

Tupã Ñandejára Ñe’ẽ.

SALMO ÑEMBOHOVÁI 95, 1-2. 11-14

Opavave: To vy’a yvága ha yvy to purahéi.

Peropurahéi Tupã Ñandejárape purahéi pyahu.

To purahéi Tupã Ñandejárape opa ko yvy.

Pepurahéi Tupä Ñandejárape, héra pemomba’e.

Opa árape pemoherakuã ha’e oporoguenohẽha jejopy vaígui. O.

To vy’a yvága ha yvy to purahéi.

To sununu pe yguasu ha opa ipype oĩva.

To vy’a umi ñu ha opa mba’e ipype oĩva.

Vy’águi to sapukái umi yvyra ka’aguy pegua. O.

To jepurahéi Tupã Ñandejára renondépe,

ha’e ou ko yvy oisãmbyhy haguã.

Teko jojápe ko yvy oisãmbyhýta,

ha añetépe tetã nguéra. O.

ALELUIA Jn 1, 14a. 12a

Aleluia.

Upe ñe’ẽ ou va’ekue yvypóraite ramo ha oiko ore apytépe, mborayhu ha añetégui henyhẽ.

Umi ichupe omoguahẽ va’ekue ha hese ojerovia va’ekuépe katu omoingo Tupä Ñandejára ñemoñare ramo.

Aleluia.

EVANGELIO

Ko’ágã ñahendúta Ñandejára Jesucrísto rekove ha hemimbo’e San Juan omombe’u háicha 1, 1-18

Iñepyrũmbýpe oikóma va’ekue voi Ñe’ẽ, ha pe Ñe’ẽ oũ va’ekue Tupã Ñandejára ndive,

ha Tupã Ñandejára va’ekue voi ha’e upe ñe’ẽ.

Iñepyrũmbýpe, ha’e oĩ va’ekue Tupã Ñandejára ndive.

Hese ae, Tupã Ñandejára ojapo opa ite mba’e, ha hese’ỹ ndaipóri mba’eve Tupã Ñandejára rembiapokue.

Upe ñe’ẽme oĩ va’ekue tekovete, ha pe tekovete ohesape yvypórakuéra rekove.

Ko tesapeha omimbi pe pytũmbýpe, ha pe pytũ katu ndaikatúi oañua ichupe.

Iñapyrasë Tupã Ñandejára remimbou, hérava Juan, ou omombe’u haguã

opavavépe ko tesapeha, mayma ohendúva ichupe oguerovia haguã upe he’íva.

Juan nda ha’éi  va’ekue upe tesapehaOñemboúnte va’ekue ha’e oñe’ẽ haguã pe tesapeha rehe.

Ha pe ñe’ë, tesapeha añetegua va’ekue oúva ko yvy ári ohesape haguã opavavépe.

Pe ñe’ẽ oĩ va’ekue yvy ári.

Ha Tupã Ñandejára ojapo ramo jepe opa mba’e Ha’e rupi, 

Ha umi yvy arigua ndoikuaaséi ichugui mba’eve.

Hetã teépe ou,

Ha umi hetãgua katu nomoguahẽi ichupe.

Umi ichupe omoguahẽ va’ekue ha hese ojerovia va’ekuépe katu

omoingo Tupã Ñandejára ñemoñare ramo.

Umívagui oiko Tupã Ñandejára ñemoñare, ha nda ha’éi  ku yvypóraicha túva ha sy oiko hague rehe oñondive, terä yvypóra rembipota rupi   

Nahániri, Tupã Ñandejára ite voi omoingo ichupe kuéra iñemoñare ramo.

Upe ñe’ẽ ou va’ekue yvypóraite ramo ha oiko ore apytépe, mborayhu ha añetégui henyhẽ.

Ore rohecha va’ekue heko marangatukue Túva ome’ẽ va’ekue ichupe,  ta’ýra peteï ete hague rehe ha’e.

Juan añetehápe he’i va’ekue he’i ramo guare:

   “Kóva hína upe che mandu’a hague ha’e ramo guare:

   “Upe oúva che rire mba’e guasuve che hegui,  oikove hague rehe che aikove mboyve”.

Ha’e, henyhẽ rupi mborayhúgui, ore rovasa jo’a jo’a.

Tupã Ñandejára niko ome’ẽ va’ekue hembiapoukapy Moisés rupi, mborayhu ha añete katu ou Jesucrísto  rupi.

Ndaipóri avave Tupãme ohecha va’ekue.

Ta’ýra peteĩete, peteĩchava Tupã ndive ha oĩva Túva yke rehe, ha’e oikuaauka ichupe opavavépe.

Ñandejára Jesucrísto  Ñe’ẽ.