LECTURAS DEL 30 DE DICIEMBRE

LECTURAS DEL 30 DE DICIEMBRE DÍA VI DENTRO DE LA OCTAVA DE NAVIDAD

Ñahendúta Tupä Ñandejára Ñe’ẽ San Juan aranduka peteïhápe oi háicha                     

                                         2, 12-17

Che ra’y kuéra pohayhu etéva, ahai peëme Tupä Ñandejára, Jesucrísto  rupi, oheja rei hague rehe pene angaipa. Sy ha túvakuéra, ahai peëme peikuaágui upe oikóma va’ekuépe iñepyrũha guive. Mitã rusu kuéra, ahai peëme pende pu’aka hague rehe iñañáva rehe.

Ahai peëme, che ra’y kuéra pohayhu etéva, peikuaa hague rehe pe Túvape. Ahai peëme, túva kuéra, peikuaa hague rehe upe oikóma va’ekuépe iñepyrũha guive. Ahai avei peëme, mitãrusukuéra, pene mbaretégui ha perohory Tupä Ñandejára Ñe’ẽ pende py’apýpe, ha pende pu’aka iñañáva rehe. Ani pehayhu yvypóra reko térã oĩva ipype. Ohayhúva yvypóra reko ndohayhúi pe Túvape.

Mba’eve ha’e oikuave’ẽvagui ndoúi pe  Túvagui, ichugui voínte uvei ou. Kóva hína pe ha’e oikuave’ẽva: yvypóra rekove rembipota vai, Yvypóra reko katu opa ohóvo opa hembipota vai reheve. Upe Túva rembipota ojapóva katu oikove opa árape guarã.

Tupä Ñandejára Ñe’ẽ.

SALMO ÑEMBOHOVÁI                                                         96, 7-10

R. To vy’a yvága ha yvy to purahéi.

Pemomba’e guasu Tupä Ñandejárape opa tetãnguéra,

pemomba’e guasu Tupä Ñandejárape ha’e ipokatu ha omimbipágui,

pemomba’e guasu Tupä Ñandejárape héra ojajáigui. R.

Itupao róga guýpe pemoguahẽ pene mba’e kuave’ẽmby.

Pemomba’e guasu Ñandejárape ojehechaukáva heko marangatúpe.

Opa yvypóra henondépe toryrýi. R.

To je’e opa tetã rupi: “Tupä Ñandejára ñande ruvicha guasu hína”.

Hatã omoĩ hendápe ko yvy, ha ndaipyta ryrýiri.

Ha’e oisãmbyhy teko jojápe tetãnguéra. R.

ALELUIA

Aleluia.

Pemomba’e guasu Tupä Ñandejárape opa tetãnguéra,

tesape guasu iko’ẽgui ko yvy ape ári.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha.

Pejapysaka porãtapa hese?                               

      2, 22. 36-40

Upe ramo oguahẽvo ára oñemopotĩ haguã, he’i háicha Moisés rembiapoukapy, ogueraha hikuái pe mitã Jerusalénpe omoĩvo Tupä Ñandejára renondépe.

Upe jave upépe oĩ avei hína peteï maranduhára kuñáva, Fanuel rajy, hérava Ana, Aser ñemoñaréva. Iguãiguĩmava. Omenda ra’e imitãme gueteri, ha oiko iména ndive 7 áño; ha ojapóma hína 84 áño opyta hague mena’ỹ rehe. Araka’eve nosẽiva Tupaógui, ha omomba’e guasúva Tupä Ñandejárape ára ha pyhare okaru’ỹ rehe ha oñembo’ehápe. Ana oguahẽ upe jave ha oñepyrũ ome’ẽ ijaguyje Tupäme. Ha oñe’ẽ pe mitã Jesús rehe umi oha’arõvape Jerusalén ñepysyrõ.

Ojapopa rire Tupä Ñandejára rembiapoukapy he’íva, oho jevy hikuái Galiléape, itáva Nazarétpe voi. Ha pe mitã okakuaa ha ko’ë ko’ẽ rehe imbareteve, henyhẽ arandúgui ha Tupä Ñandejára ohovasa ichupe.

Ñandejára Jesucrísto  Ñe’ẽ.