LECTURAS LUNES TERCERO DE PASCUA

LECTURAS LUNES TERCERO DE PASCUA

Primera lectura:

Ko’ágä   ñahendúta Tupã Ñandejára ñe’ẽ Apóstol kuéra rembiapokuépe oĩ háicha 6, 8-15

Esteban, henyhẽva pokatu ha Tupã Ñandejára  rovaságui, ojapo hechapyrãva ha techaukarã maymáva apytépe. Oĩ mbovymi umi judío tupao “Tembiguaikue” héravagui, oñomoirũva Cirene, Alejandría, Cilicia ha Asiagua ndive, oñepyrũva oñoñe’ẽ api Esteban ndive, ha ndaikatúi ombohovái ichupe, iñe’ẽ henyhẽgui arandu ha Espíritu Sántogui. Upe marõ ohepy me’ẽ hikuái umi ijapu va’erãme, he’i haguã, ohendu hague ichupe oñe’ẽ vaírõ Moisés ha Tupãre.

Upéicha omopu’ã hese távagua, moakãhára  ha Moisés rembiapoukapy mbo’eha kuérape, ha ondyry hikuái Esteban rehe, ipojái hese ha ogueraha mbojovakehára aty guasu renondépe. Oheka avei hikuái tekove japu, he’íva: Ko kuimba’e oñe’ẽ vai mante pe Tupao marangatúre, ha Moisés rembiapoukapýre. Rohendu he’i ramo upe Jesús Nazaretgua ombyaitaha Tupao ha omoambuetaha umi mba’e Moisés oheja va’ekue ñandéve.

Mburuvicha kuéra ha opavave upépe oguapýva, oma’ẽvo Esteban rehe, ohecha hova ojoguaha Tupã remimbou rovápe.

Tupã Ñandejára Ñe’ẽ.

SALMO ÑEMBOHOVÁI      118, 23-24. 26-27. 29, 30

R. Ovy’a va’erã uni ojapóva Tupã rembiapoukapy

O bien:

Aleluia.

Poguasu kuéra oñemoĩmba ramo jepe che rehe

ne rembipota rehe añónte che mandu’áne.

Ne rembiapoukapy upe che mbovy’áva,

ha ohechauka chéve mba’éichapa aiko va’erã. R.

Che rekovépe amombe’upa ndéve ha nde che rendu.

Ehechauka chéve ne rembipota.

Che moarandu ne rembiapoukapýpe

amomba’e haguã umi mba’e hechapyrãva rejapo va’ekue. R.

Japúgui che momombyry,

ha ne rembiapoukapy eikuaauka chéve.

Mba’e añetéva aiporavo ajapo haguã,

ne rembiapoukapy amoĩ che renondépe. R.

ALELUIA Mt. 4, 4b

Aleluia.

Yvypóra kuéra ndoikovéi pe mbuja añóre

Tupä Ñandejára jurúgui osëva ñe’ëgui uvei.

Aleluia.

EVANGELIO

Marandu porã Ñandejára Jesucristo rekove ha hemimbo’e San Juan omombe’u háicha 6, 22-29

Upe ára ambuépe, umi opytáva va’ekue yguasu mboypýri ohechakuaa Jesús remimbo’e kuéra oguereha hague kanóa peteĩmi upépe oĩ va’ekue, ha Jesús ndohói hague hendive kuéra. Upe jave katu oguahẽ joa kanóa kuéra oúva táva Tiberíasgui. Namombyrýi oñemboja hikuái upe pan oje’u haguépe Jesús oñembo’e rire hese. Ha ohechávo ndaiporiha upépe Jesús térã hemimbo’e kuéra, ojupipa hikuái umi kanóape ha oho Cafarnaúmpe Jesús rekávo.

Jesús hína ku pan oporomoingovéva.

Oguahẽvo pe yguasu mboypýri, ojuhu hikuái Jesúspe ha oporandu ichupe:

Mbo’ehára, araka’e piko reju ra’e ápe?

Jesús he’i ichupe kuéra: Añetéko ha’e peẽme: ‘Peẽ che reka pekaru haguére pene ryvatã meve, ha ndaha’éi peikuaa haguére mba’épa he’ise umi mba’e hechapyrãva che ajapo va’ekue. Ani peñe pia’ã tembi’u oñehundi va’erãre. Peñe pia’ã uvei tembi’u oñehundi’ỹvare ha ome’ẽva peẽme jeikove opa’ỹva. Upéva pe tembi’u che, yvypóraicha aju va’ekue ko yvy ári, ikatu ame’ẽ peẽme, Tupã che Ru ohechaukágui ojeroviaha che rehe.

Oporandu ichupe hikuái: Mba’épa rojapo va’erã ikatu haguã rojapo umi mba’e Tupã Ñandejára oipotáva?

Jesús he’i ichupe kuéra: Tupã niko chéve che mbou va’ekue ha oipota pejerovia che rehe.

Ñandejára Jesucristo Ñe’ẽ.