LECTURAS SANTOKUÉRA ÁRA

LECTURAS SANTOKUÉRA ÁRA – TODOS LOS SANTOS

Solemnidad

Ko’ágã ñahendúta Tupã Ñandejára ñe’ẽ Apocalípsis arandukápe oĩ háicha       7, 2-4. 9-14

Avei ahechave peteĩ Tupã remimbou oúva kuarahy resẽ guio, ha oguerekóva Tupã oikovéva séllo. Hatã osapukái umi irundy Tupã remimboúpe, oñeme’ẽ hague pu’aka ojapo haguã ivaíva yvy ha yguasúre: “Ani pejapo ivaíva yvy, yguasu ha umi yvyráre, ndasellái aja ñane Tupã rembiguái kuéra syva”.

Ha ahendu mbovýpa umi ojeselláva: 144.000 umi Israelgua ñemoñare aty apytégui.

Kóva rire ama’ẽ ha ahecha heta iterei opa tetã megua, opa yvypóraicha guáva, opáicha oñe’ẽva ha opa táva peguáva. Oñembo’y joa pe guapyha ha pe Ovecha ra’y renondépe, ha hetaitereígui avave ndaikatúi oipapa.Oñemonde ao morotĩme ha oguereko ipópe pindo rogue. Maymáva osapukái hatã joa:

“Ñañepysyrõ ñane Tupä oĩva iguapyhápeh a pe Ovecha ra’y rehe ae!”

Ha umi Tupã remimbou oĩmba joa ñembo’yhápe, ha karai moakãhárakuéra ha umi irundy oikovéva pe guapyha jere rehe; ha ojayvy hikuái pe guapyha renondépe omboja peve isyva yvy rehe, ha omomba’e guasu hikuái Tupãme, he’ívo:

“Amén!

Jererohory, teko jajaipa, arandu ha aguyjeveme’ẽ, terakuã porã, pu’aka ha mbarete To ñeme’ẽ ñane Tupäme opa ára. Amén!”

Upéma ramo , pe karai moakãhára  peteïva oporandu chéve: “Máva piko ko’ã oñemondéva ao morotĩme, ha Mamógui piko ou hikuái?” Ha che ha’e ichupe “Nde reikuaa, karai”. Ha’e he’i chéve: “Ko’ãva hína umi heta ohasa asy va’ekue,ha ojohéi va’ekue ijao pe Ovecha ra’y ruguýpe.

Tupã Ñandejára Ñe’ẽ.

SALMO ÑEMBOHOVÁI       23, 1-6

Opavave: Tojehovasa umi ohekáva Ñendejárape

Ko yvy niko Ñandejára mba’e, opa mba’e ipype oĩva,

ha opa mba’e ipype oikóva.

Ha’e upe yvy omopyenda va’ekue,

yguasu ha ysyry ári omboguapy. O.

Mávapa ojupíne Ñandejára yvytýpe?

Mávapa opytáne itupao marangatúpe?

Umi ipo ha ipy’a ipotĩva ha ojeíva opa mba’e vaígui,

umi ta’ãnga omomba’e’ỹva térã Tupä réra oiporu rei rei’ỹva. O.

Umívape ohovasa Tupä Ñandejára,

ha oguenohẽ ichupe kuéra jejopy vaígui.

Upéichako umi Ñandejára rehe ojeroviáva,

umi Jacob Tupã rendápe oguahẽva. O.

Ñahendúta Tupã Ñandejára Ñe’ẽ San Juan aranduka peteĩhápe oĩ háicha     3, 1-3

Che pehënguekuéra pohayhuetéva:

Pema’ẽmi mba’éichapa ñande rayhu Tupãme pe Túva, ikatu haguã ñañembohéra Tupä ra’y, ha ñande ha’e. Upéva rehe yvypóra reko rayhuha na ñande kuaái, ndoikuaái hague rehe Tupãme. Che pehẽnguekuéra pohayhúva, ñande ha’éma Tupã ra’y, ha jepe ndojekuaáirõ gueteri mba’eichaguátapa ñande, jaikuaa, Jesucrísto  ojechaukávo, ha’eichaguataha ñande jahechatagui ichupe ha’eháichaite. Ha opa ojeroviáva hese oñemopotĩ, Jesucrísto  ipotĩháicha.

Tupã Ñandejára Ñe’ẽ

ALELUIA   Mt 11, 28

Aleluia.

Peju che rendápe opa peẽ pene kane’õ ha pemba’apo pohýiva, ha che pomombytu’úta, he’i Ñandejára.

Aleluia.

EVANGELIO

Marandu porã Ñandejára Jesucrísto  rekove ha hemimbo’e San Mateo omombe’u háicha 4, 25^__5, 12

Heta oĩ ohóva Jesús rapykuéri Galiléagui, Decápolis, Jerusalén, Judea ha Jordán mboypýrigui.

Ohechávo Jesús hetaha umi ijatýva, ojupi peteï yvytymíme ha upépe oguapy. Hemimbo’e kuéra oñemboaty  ijerekuévo, ha Jesús oñepyrũ ombo’e ichupekuéra he’ívo:

“Ovy’a va’erã umi ohecha kuaáva imboriahuha ipy’apýpe, ichupekuéra guarã hína ñesãmbyhy yvágagui oúva.

Ovy’a va’erã umi ohasa asýva, Tupã voi omoangapyhýta ichupekuéra.

Ovy’a va’erã umi ojejapo’ỹva, Tupã ome’ẽta ichupe kuéra yvy imba’e teerã.

Ovy’a va’erã umi Tupä rembipotánte oipotáva ojehu, ha’e ome’ẽta ichupe kuéra opa oikotevẽva.

Ovy’a va’erã umi oiporiahuverekóva hapichápe, Tupã oiporiahuverekóta ichupe kuéra.

Ovy’a va’erã umi ipy’a potĩva, ha’ekuéra ohechata Tupäme.

Ovy’a va’erã umi oporomoingo porãva, Tupã oguerekóta ichupekuéra ita’ýra ha itajýra ramo.

Ovy’a va’erã umi ohasa asýva Tupã rembipota ojapógui, ichupekuéra guarã hína ñesãmbyhy yvágagui oúva.

Pevy’a va’erã pejeja’o ha pehasa asy ramo, ha oje’e ramo pende rehe opa mba’e vai, che ndive peikógui. Pevy’a ha pende py’a rorýke, tuicha jopói oñeme’ẽtagui peëme yvágape. peëicha avei, maranduhára kuéra ohasa asy va’ekue peë mboyve”.

Ñandejára Jesucrísto  Ñe’ẽ.