MIÉRCOLES SEMANA XXIII TO

Ñahendúta Tupã Ñandejára Ñe’ẽ San Pablo ohai va’ekue Corintos guápe                         7, 25-31

Che pehẽnguekuéra:

Kuña nguéra omenda’ỹvape katu, ndarekói Tupã Ñandejára rembiapoukapy ha’e va’erã katu ete ichupe kuéra. Ha’e jepe mba’éichapa che ahecha, peteĩ jeroviaháva ramo, Ñandejára poriahuvereko rupi. Chéve ramo guarã iporãve peteĩ teĩ opyta pe oĩ háicha, ipohýi pohýivégui ko’ã ára jaropu’akáva jahávo.

Oimérõ ne rembireko hína, ani reheja. Ha nane rembirekói ramo, ani reheka. Remendárõ, nane rembiapói vaíri. Ha peteĩ kuña omenda’ỹva omendárõ, nahembiapói vaíri avei. Oikuaa va’erã jepe hikuái, opa omendáva ohasa va’erãha heta mba’e hasýva yvypóra reheguáva voínte, che aipota’ỹva ohasa.

Che pehẽngue  kuéra, umi ha’eséva niko ko’ãva: Sa’íma hemby ñandéve. Upévare, omendáva oiko va’erã omenda’ỹva ramo guáicha. Oñembyasýva hogagua manóre, oiko va’erã ku vy’ápe oikóva ramo guáicha. Ha umi vy’ápe oikóva katu, oiko va’erã ku hogagua manóva ramo guáicha. Umi ojoguáva mba’e repy oiko va’erã mba’eve ndaha’éi ramo guáicha imba’e. Ha umi oiporu porãva hína ko yvy reko, oiko va’erã ndoiporu porãiva ramo guáicha, ko yvy jahecháva opa va’erã.

Tupã Ñandejára Ñe’ẽ.

SALMO ÑEMBOHOVÁI                44, 11-12. 14-17

R. Che rajy, ehendu ko’ã mba’e ha’éva ndéve.

Ne retãgua, nde ru ha nde sýgui eñemboesarái.

Mburuvicha guasu

iñakã raku ramo nde rehe,

ejapo he’íva ndéve, ha’e nde jára hína. R.

Porãgui ojajaipa, ijao órope ojeguapa, omimbipa ojererahávo

mburuvicha guasu rendápe,

ha kuñataĩnguéra ichupe omoirũva hapykuéri. R.

Vy’a pópe mburuvicha guasu rógape oñemoinge.

Nde ra’y kuéra opytáne nderu kuéra rendaguépe,

ha mburuvicha ramo remoĩne ichupekuéra opa rupi. R.

ALELUIA Lc 6, 23ab

Aleluia.

Ñandejára Jesucristo he’i:

“¡Pende rorýke ha pene renyhë vy’águi

tuicha ojehepyme’ëta peëme yvágape!”.

Aleluia.

EVANGELIO

Ko’ágä  ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                                        6, 20-26

Upe ramo Jesús oma’ẽ hemimbo’e kuérare ha he’i: Pevy’a ite va’erãpa peẽ imboriahúva, pene mba’e niko pe Tupã Ñandejára sãmbyhy. Pevy’a ite va’erãpa peẽ ko’ágä  pene ñembyahýiva, peẽ niko upéi pene ryvatãta.

Pevy’a ite va’erãpa peẽ ko’ágä  pene rasẽva, upéi niko pepukáta.

Pevy’a ite va’erãpa oimérõ pende rehe ndaija’éiva, pene mosẽva, pende ja’óva ha ojeguarúva pende hegui che, yvypóraicha aju va’ekue  rehehápe.

Ta pevy’a heta, ta pene renyhẽ torýgui ko árape, peẽme niko oñeme’ẽta peteĩ jopói nde tuicháva yvágape. Péicha avei niko umíva túva ypy kuerakue ojapo va’ekue  maranduhára kuérare. Peẽ imba’e retáva katu pejererekóke, perekóma pende vy’a. Pejererekóke peẽ ko’ágä  pene ryvatãva, pene ñembyahýita hína.

Pejererekóke peẽ ko’ágä  pepukáva, pene rasẽta hína ñembyasýgui.

Pejererekóke opavave pende rerohory ramo, upéicha avei ojapo va’ekue  pende túva ypy kuerakue umi maranduhára japúre.

Ñandejára Jesucristo Ñe’ẽ