LECTURAS MARTES XIV DEL TIEMPO ORDINARIO

LECTURAS MARTES XIV DEL TIEMPO ORDINARIO

LECTURA PETEÎHA:

Ko’ágã ñahendúta Tupã Ñandejára ñe’ẽ Génesis arandukápe oĩ háicha  32, 23-33

Jacob osẽ Jarángui ha oho Canaánpe. Upe pyharépe voi ogueraha mokõive hembireko, mokõive ikuña ha umi 11 ita’ýra ha ombohasa ichupekuéra ysyry Jaboc mboypýri. Ogueraha avei opa mba’e oguerekóva, ha opyta ha’eño tapykuépe.

Upérõ ou peteĩ oñorairõva hendive ko’ẽmba peve. Ha ohechávo ndaipu’akaiha Jacob rehe, oinupã humbýpe ha omokarẽ. Upéi he’i ichupe: Epoi che hegui, ko’ẽ mbáma niko.

Jacob he’i ichupe: Ndapoi mo’ãi nde hegui nda che rovasái ramo.

Upe kuimba’e oporandu ichupe: Mba’éichapa nde réra?

Ha’e he’i: Jacob.

Ha upe kuimba’e he’i ichupe: Na nde réra mo’ãvéi upéicha. Nde rérata Israel, reñorairõ haguére Tupã Ñandejára ha kuimba’e kuéra ndive, ha nde pu’aka hesekuéra.

Jacob he’i ichupe: Ha ndépa mba’éicha nde réra?

Ha upe kuimba’e he’i: Maerãpa reikuaase?

Ha upepete voi ohovasa ichupe. Jacob he’i: “Ahecha Tupã Ñandejára rova tee ha namanói.” Upévare ombohéra Penuel upe oñorairõ hague.

Kuarahy osẽ jave, Jacob oguata karẽ ohóvo, Penuélgui osẽvo. Umi Israelgua ko’agã ite peve, ho’u ramo so’o ndo’úi humby rajygue, Tupã Ñandejára oinupã haguére humby rupi Jacóbpe ha omokarẽ ichupe.

Tupã Ñandejára Ñe’ẽ.

SALMO ÑEMBOHOVÁI   16, 1-3d. 6-7. 8b. 15

Opavave: Tupã Ñandejára, nde rehénte che amaña

Tupã Ñandejára, hendape guánteko ajerure ndéve.

Ndéve niko rohenói jevy jevy.

Ehendu kena che ñembo’e, añeteguánteko ha’e ndéve.

Nde rejapóta hendapetegua, nde reikuaa pe hekópe guáva.O.

Che apytu’ünguápe reike ramo, pyharekue reju ramo remaña che rehe,

ha tatápe che py’a ra’ã ramo,Bnderejuhúi chéne ajapoha ivaíva. O.

Mba’eve hendape’ỹ nda’éi, che Jára, ndéve niko añembo’e.

Ehechauka chéve ne mborayhu.

Nde renohẽ upe nde rehe ojeroviávape

umi hese kuéra ija’e’ýva po guýgui. O.

Nde resa’ýicha kena eñangareko che rehe.

Nde pepo guýpe kena che mo’ã,

Che katu Tupã, nde rehe amaña guive piko mba’e aipotave?

Ha apáyvo, rohecha guive? O.

ALELUIA Jn10, 14

Aleluia.

Ñandejára Jesucristo he’i: “Che hína pe ovecha Ñangarekoha marangatu;

aikuaa che ovechakuérape, ha umi che ovecha kuéra chéve cheikuaa”.

Aleluia.

EVANGELIO

Marandu porã Ñandejára Jesucristo rekove ha hemimbo’e San Mateo omombe’u háicha    9, 32-38

Upe ramo ojegueru Jesús rendápe peteĩ kuimba’e iñe’ẽngúva, mba’epochy oguerekógui ichupe ipoguýpe. Ha Jesús omosẽvo ichugui  pe mba’epochy, pe iñe’ẽngúva oñepyrũ oñe’ẽ. Ha opavave oñemondyipa ha he’i: Araka’eve ndajahecháiva mba’eve péichagua Israélpe.

Umi fariséo katu he’i: Umi mba’epochy ruvicha voi niko hína pe ohejáva ichupe omosẽ umi mba’epochýpe. Upéi Jesús ohasa oikóvo peteĩ távagui ambuépe. Ha mamo oĩháme itupaokuéra, upépe ha’e oporombo’e.

Omoherakuã avei marandu porã Tupã Ñandejára sãmbyhyha ára rehegua, ha omonguera opaichagua hasývape. Ha ohechávo hetaha umi ijatýva, tuicha oiporiahuvereko ichupekuéra.

Ohecha kuaa, ha’ekuéra ikane’õ ha ikangypaha ku ovecha herekua’ỹ vaicha. Ha he’i hemimbo’ekuérape: Ajépa tuicha pe kokue ha heta hi’a, omono’õ va’erãnte mbovy. Upévare, pejerure pe kóga járape tombou umi ou va’erãme omono’õ.

Ñandejára Jesucristo Ñe’ẽ