LECTURAS VIERNES VIGÉSIMA CUARTA SEMANA

LECTURAS VIERNES VIGÉSIMA CUARTA SEMANA

LECTURA PETEÎHA:

Ñahendúta Tupã Ñandejára Ñe’ẽ San Pablo ohai va’ekue Corintos guápe 15, 12-20

Che pehẽnguekuéra: Ro’e ramo Cristo oikove jevy hague, mba’ére oime he’íva omanóva ndoikove jevy veimaha? Omanóva ndoikove jevýi ramo, he’ise Cristo ndoikove jevýi hague. Ha Cristo ndoikove jeýi rire, ko’ã mba’e ro’éva peẽme ndaha’éi ete mba’eve. Ha ndaha’éi avei mba’eve pe peroviáva.

Kóva péichante rire, ore upéicharõ Tupã Ñandejára mba’e mombe’uhára gua’útante. Ha roikóta ro’e Tupã Ñandejára ojapo’ỹ va’ekue: ha’e omoingove jevy hague Crístope, añetérõ umi omanóva ndoikove jevy veimaha. Umi omanóva ndoikove jevyvéi marõ, he’ise Cristo ndoikove jevýi hague. Ha Cristo ndoikove jeýi rire, pe peroviáva ndaha’éi mba’eve. Ha peiko gueteri angaipápe.

Upéicha ramo, oñehundíma avei umi Cristo reroviaha omano va’ekue. Opa ñaha’arõva Crístogui ko yvy ári guarãnte ramo, ñande, aipórõ, opa yvypóra apytépe umi ohasa asyvéva. Añetehápe katu, Cristo oikove jevy. Ha’e niko koga’a oñemono’õ tenondéva. Pe tenonde oikove jevy va’ekue .

Tupã Ñandejára Ñe’ẽ.

SALMO ÑEMBOHOVÁI 16, 1. 6-7. 8b. 15

Opavave: Che Jára, ndéve niko añembo’e.

Tupã Ñandejára, hendapeguánteko ajerure ndéve.
Ndéve niko rohenói jevy jevy.
Ehendukena che ñembo’e,
añeteguánteko ha’e ndéve. O.

Che Jára, ndéve niko añembo’e.
Ejapysakakena che rehe ha che rendu.
Ehechauka chéve ne mborayhu.
Nde renohẽ nde rehe ojeroviávape ija’e’ỹva poguýgui. O.

Nde resa’ỹichakena eñangareko che rehe,
nde pepo guýpekena che mo’ã,
Che katu Tupã Ñandejára, nde rehe amaña guive piko
mba’e aipotave? Ha apáyvo, rohecha guive? O.

ALELUIA Jn 14, 23

Aleluia.
Ñandejára Jesucristo he’i: “Pe che rayhúva nombyke mo’ãi che ñe’ẽ ha che Ru ohayhúta ichupe ha rohóta hendápe”.
Aleluia.

EVANGELIO

Marandu porã ñahendúta Ñandejára Jesucristo rekove ha hemimbo’e San Lucas omombe’u háicha 8, 1-3

Jesús ohasa oikóvo peteĩ távagui ambuépe, omoherakuãvo pe marandu porã Tupã Ñandejára sãmbyhy rehegua. Umi 12 apóstol omoirũ ichupe, ha upéicha avei heta kuña ha’e oipe’a va’ekue mba’epochy poguýgui ha mba’asýgui omonguera va’ekue. Ijapytépekuéra oĩ María, hérava avei Magdalena, ichugui Jesús oguenohẽ 7 mba’epochy. Oho avei Juana, Cuza rembireko, upéva Herodes mba’e repy rerekua, ha Susana ha heta ambue oipytyvõva ichupe mba’e repy oguerekóva reheve.

Ñandejára Jesucristo Ñe’ẽ