DOMINGO SEMANA XVI TO

LECTURA PETEÏHA:

Ko’ágä ñahendúta Tupä Ñandejára ñe’ẽ Sabiduría arandukápe oĩ háicha    

12, 13. 16-19

Nde rire ndaipóri ambue Tupä opavave rehe oñangarekóva, ha reikuaauka va’erãme

umi rejapóva.Nde pokatúgui nde reko joja, ha rerekógui nde poguýpe opa mba’e, reporoporiahuvereko.

Nde rehechauka nde pokatu oime ramo nde rerovia’ỹva, ha remoakã tavy umi, nde kuaa ramo jepe, ojejapóva ne renondépe.Ha nde pokatúgui añetehápe reporombojovake py’a guapýpe ha ore sãmbyhy po vevúi etépe, ikatúgui reiporu nde pokatu mamo reiporusehápe.

Ha péicha rejapóvo rembo’e ne retã guápe heko jojáva ohayhu va’erãha hapichápe,

ha reme’ẽ nde ra’ykuérape ñeha’arõ kuaa ne porãva rehejágui ichupekuéraombyasy iñangaipa.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI 86, 5-6. 9-10. 15-16ª

Opavave: Tupä, nde niko ne mba’e porã ha reheja rei oréve ore rembiapo vaikue

Tupä, nde ne mba’e porã ha reheja rei oréve ore rembiapo vaikue.

Ne renyhẽ mborayhúgui umi ne momba’évape guarã.

Ha Tupä, ehendu che ñembo’e.

Ejapysaka ko ndéve ajerure asýva rehe. O.

Ore Jára, opa tetã niko ne rembiapokue,

oúne oñesũ ne renondépe

ha ne momba’e guasúne hikuái,

nde tuicha ha rejapógui mba’e hechapyrãva.

Nde añónte niko Tupä. O.

Nde katu che Tupä nde poriahuvereko ha nde py’a porãva,

nde pochy kuaa’ỹva ha reporohayhu etéva,

ha avavépe neremboykéi.

Ema’ẽ che rehe ha che poriahuvereko. O.

LECTURA MOKÖIHA:     

Ñahendúta Tupä Ñandejára Ñe’ẽ San Pablo ohai va’ekue Roma guápe            

8, 26-27

Che pehenguekuéra:

Pe Espíritu ñane pytyvõ ñane kangy ramo. Nañañembo’e kuaái niko ñañembo’e haguãicha, ha Espíritu voi oñembo’e ñande rehe Tupäme, ipyahë asy ñe’ẽikatu’ỹvape ja’e. Ha Tupä, oipyguaráva ñande py’a, oikuaa mba’épa pe Espíritu he’ise. Pe Espíritu niko ojerure asy, Tupä oipota háicha, umi Tupä mba’éva rehe.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA   Cf. Mt 11, 25

Aleluia.

Romomba’e guasu che Ru, yvága ha yvy Jára, reñomi hague rehe

ko’ã mba’e umi iñarandu ha imba’e kuaávagui, ha reikuaauka

umi iñarandu’ỹvape.

Aleluia.

EVANGELIO

Marandu porã Ñandejára Hesukrísto rehegua San Mateo omombe’u háicha      13, 24-30

Opavave: Romomba’e guasu ndéve, Ñandejára

UpérõJesús omombe’u opavavépe kóva ko káso. Ñandejára Rréino yvagapegua niko ojogua ku karaípe onotỹka vaekue ikokuépe trígo ra’ỹi porã. Peteĩ pyharépe katu, oke aja, oike ikokuépe hese ija’e’ỹva ha omosarambi hemitỹngue apytépe ñana vai. Upéi osẽ oho.

Pe trígo opu’ã ha upéicha avei pe ñana. Umi óga jára rembiguái ohechávo pe ojehúva, oho hendápe ha he’i chupe hikuái: “Karai, trígo ra’ỹi porã niko ku reñotỹka vaekue nde kokuépe. Mba’éicha haguã piko osẽ ijapytépe ñana.”

Pe óga jára he’i chupekuéra: “Oime vaerã hína che rehe ija’e’ỹva ojapo ra’e.” Upépe umi hembiguái he’i chupe: “Reipota piko roho romondoro umi ñana.”

Ha’e katu he’i chupekuéra: “Nahániri. Pehejánte, ani ágã ñamondorokuévo umi ñana, ñamondoro avei pe trígo. Jahejánte tokakuaa oñondive ha tahi’aju. Ágã ñamono’õta vove, ñamondoro raẽta pe ñana ha jajokua aty-atýpe ha jahapy. Upe rire ae ñambyatýne pe trígo ha ñambohyru.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.