LECTURAS JUEVES NOVENA SEMANA

LECTURAS JUEVES NOVENA SEMANA

Ñahendúta Tupã Ñandejára Ñe’ẽ San Pablo ohai va’ekue Timotéope  2, 8-15

Che ra’y ahayhu’etéva:

Ne mandu’áke Jesucristo rehe. Ha’e niko David ñemoñare hína, ha opu’ã jevy va’ekue omanóva apytégui. Péicha niko he’i pe marandu porã che amoerakuãva, ha upéva rupi heta ahasa asy ha ajerereko iñapytĩháme, che rembiapo vai ramo guáicha. Tupã Ñandejára Ñe’ẽ katu ndaikatúi oñeñapytĩ. Upévare, umi Tupã Ñandejára oiporavo va’ekue rehehápe aropu’aka opa mba’e, ikatu haguã Cristo Jesús rupi ha’e kuéra avei oñepysyrõ, ha oikuaa pe jeikove opa’ỹva ha tuicha itéva.

Añetehápe niko oje’e: “Ñamano ramo hendive hendive avei jaikovéta, jahasa asy kuaa ramo hendive ñaiméta opa mba’e ári, ja’érõ ndajaikuaaiha ichupe ha’e avei na ñande kuaa mo’ãi, ndajajeroviái ramo hese ha’e ndaupéichai ñane ndive, ndaikatúigui ha’e voi he’i ijupe tove”.

Ne mandu’áke nde rapicha kuérape ha Tupã Ñandejára  renondépe ere ichupe kuéra ani haguã oñoñe’ẽ api hikuái. Péva niko naiporãi mba’everã, ohundi uvei opa ohendúvape. Eñeha’ã mbaitéke repyta porã haguã Tupã Ñandejára ndive, ku omba’apo vaicha oguereko’ỹva mba’evégui otĩ haguã, ha ombo’éva hekópe añetegua.

Tupã Ñandejára Ñe’ẽ.

SALMO ÑEMBOHOVÁI         24, 4-5b. 8-10. 14

R. Tupä Ñandejára, ehechauka kena chéve nde rape.

Tupã Ñandejára, ehechauka chéve umi nde rape,

ha umíva rupi che sãmbyhy.

Che mbo’e umi mba’e añete guáva.

Ndéko hína che Jára, ha upe che renohẽva jejopy vaígui. R.

Tupä Ñandejára niko imba’e porã ha imarangatu,

upévare oheko mbo’e heko vaívape.

Imboriahúvape oisãmbyhy ani haguãtei ojavy,

ha hapére ichupe kuéra omboguata. R.

Opavave Tupä Ñandejára rape mborayhu ha jeroviaha,

umi ojesareko ha ojapóva apoukapy he’íva

Tupä Ñandejára oreko angirü ramo umi okyhyjévape

ha ochechauka ichupekuéra iñe’ë me’ë. R.

ALELUIA Cf. 2Tim 1, 10

Aleluia.

Ñandejára Jesucristo ñane Pysyrohára ipu’aka manóre, ha ombojajái tekove, Marandu porä rehe ae.

Aleluia.

EVANGELIO

Marandu porã Ñandejára Jesucristo rekove ha hemimbo’e San Marcos omombe’u háicha      12, 28-34           

Upe ramo peteĩ Moisés rembiapoukapy mbo’eha, ohendu va’ekue Ñandejára ha umi saduséo kuéra mba’éichapa oñoñe’ẽ apírõ, oñemboja Ñandejára rendápe ha oporandu ichupe: Mávapa umi Tupã Ñandejára rembiapoukapy apytégui pe mba’e guasuvéva?

Jesús he’i ichupe: Pe tembiapoukapy tuichavéva hína: ‘Ehendúke, Israel, Tupã Ñandejára niko peteĩnte. Ehayhu Tupã nde Járape nde py’a ite guive, ne ánga rugua guive ha ne arandukue reheve, ha ne mbaretekue reheve. Upe rire oúva he’i kóicha: ‘Ehayhu nde rapichápe rejehayhu háicha nde’. Ndaipóri tembiapoukapy mba’e guasuvéva ko’ãvagui.

Upe Moisés rembiapoukapy mbo’eha he’i ichupe: Iporã ite, mbo’ehára. Añete upe eréva: Peteĩnte oĩ Tupã ha ndaipóri ambue. Ha jahayhu ramo Tupã Ñandejárape ñande py’a ite guive, ñane ñe’ã ha ñane mbaretekue reheve, ha jahayhu ñande rapichápe ñande jupéicha, iporãve opa mymbahapy ha mymbajuka altárpe oñekuave’ëvagui.

Jesús, ohechávo pe tembiapoukapy mbo’eha he’i porã hague, he’i ichupe: Namombyrýi reime Tupã Ñandejára  remisãmbyhýgui.

Ha avave noporandusevéi ichupe.

Ñandejára Jesucristo Ñe’ẽ.