LECTURAS JUEVES VIGÉSIMO NOVENO DURANTE EL AÑO

LECTURAS JUEVES VIGÉSIMO NOVENO DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Roma yguápe 6, 19-23

Che pehẽnguekuéra: Añe’ẽ yvypóra oñe’ẽ háicha, peẽ niko pene kangy rupi, ndaikatúi peikuaa porã ko’ã mba’e. Ha upéicha, yma peme’ẽ haguéicha pende rete mba’e ky’a ha teko añáme pejapo haguã ivaíva, peme’ẽ avei ko’ágä pende rete pemba’apo haça teko jojáre, ha perohasa haguã peteĩ jeikove marangatu.

Peẽ angaipa rembiguái ramo gueteri, napemba’apói tekojojáre. Ha mba’épe iporã peë me ra’e upérõ? Ko’ágä peẽ petĩ umi mba’ére, oporoguerahágui ñemanómente. Ha Ko’ágã katu, pesẽmava angaipa poguýgui, peike pemba’apo Tupã Ñandejárape guarã.

Kóva katu iporã peẽme, pende rerahágui jeikove marangatúpe, ha ipahávo, jeikove opa ára guarãme. Angaipa apo oporogueraha ñemanóme, Tupã Ñandejára jopói katu jeikove opa ára guarãme, joajúpe Ñandejára Jesucristo ndive.

Tupã Ñandejára Ñe’ẽ.

SALMO ÑEMBOHOVÁI 1, 1-4. 6

Opavave: Ovy’a umi ojeroviávaTupä Ñandejára rehe.

Ovy’a ojapo’ỹva iñañáva ñe’ẽ, oiko’ỹva iñangaipáva ndive,
ojehe’a’ỹva umi Tupã Ñandejárare oñembohorýva ndive.
Tupã Ñandejára rembiapoukapy ipy’a ombohory,
ha hese ojepy’a mongeta ára ha pyhare. O.

Ojogua ku yvyra mátape
oñeñotỹva y rembe’ýpe,
hi’áva hi’árape, ha ndahoguekúiva.
Opa mba’e ojapóva osẽ porã ichupe. O.

Ndaupéichai umi hembiapo vaíva,
kapi’i piru kuéicha umívape yvytu omboveve.
Tupã Ñandejára oñangareko imarangatúva rapére.
Hembiapo vaíva rape katu opa vai. O.

ALELUIA Flp 3, 8-9

Aleluia.
Opa mba’épe che ahecha yty ramo,
amomba’éma guive Cristope ha aime hendive.
Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha 12, 49-53

Upe ramo Jesús he’i hemimbo’ekuérape:
“Che aju va’ekue amoendývo tata yvypóra apytépe, ha aipotaitépa ojepotáma ra’e hína! Ahasa va’erã peteĩ jehasa asy nde vaívare. Ha mba’éicha itépa aipotáma hína oguahẽ upe ára! Peimo’ã piko che aju hague aru haguã py’aguapy ko yvy ári?

Ha’e peẽme nahániriha, jejoavy uvei. Ko’águi rire, peteĩ ógape oikohápe 5, mbohapy opu’ãta mokõire, ha mokõi mbohapýre. Túva opu’ãta ta’ýrare, ha ta’ýra túvare. Sy opu’ãta imemby kuñáre, ha memby kuña isýre. Ména sy opu’ãta imemby rembirekóre, ha tembireko opu’ãta iména sýre.”

Ñandejára Jesucristo Ñe’ẽ