LECTURAS FAMILIA MARANGATU

LECTURAS FAMILIA MARANGATU

Ko’ágã ñahendúta Tupã Ñandejára Ñe’ẽ Eclesiástico arandukápe oĩ háicha  3, 3-7. 14-17

Ojapóva mba’érõ itúvape ojeheja reíta ichupe iñangaipa, ha isýpe omboajéva, omboaty  heta mba’e imba’erã.

Omboajéva  itúvape oguerohorýta ichupe ita’ýrakuéra,  ha oñembo’e ramo Ñandejára ohendúta ichupe.

Omboajéva itúvape oikove pukúta, ha ojapóva Tupã Ñandejára rembiapoukapy ome’ẽ y py’aguapy isýpe.

Omboajéva  Tupã Ñandejárape oapo itúvape che ra’y, eñangareko nde rúre ha oikove aja ani reheja rei.

Ñepytyvõ rejapo va’ekue peteï túva rehe ndopyta rei mo’ãi tesaráipe,   ha ne pytyvõne ojehejarei haguã ndéve ne angaipa.

Ho’a vaívo ndéve Tupã Ñandejára katu ete imandu’áta nde rehe, reipytyvõ hague rehe nde rúpe hykupáta ne angaipa,

araitýicha kuarahýpe. Oheja reíva itúvape, ojogua umi ijuru ndojokóivape ha isýpe ombopochývape Tupã Ñandejára oharúta.

Che ra’y, ani rejechaukase umi ne rembiapokue rehe, ha nde rayhúta umi Tupã Ñandejára rayhupára.

Tupã Ñandejára Ñe’ẽ.

SALMO ÑEMBOHOVÁI 127, 1-5

Opavave: ¡To vy’a umi Ñandejárape oapóva ha oguatáva hápe rupi.!

To vy’a umi Ñandejárape oapóva ha oikóva ha’e oipota háicha.

Nde ry’ái repykuégui rekarúne, revy’áne, ha opa mba’épe resë porãne. O.

Ne rembireko ojoguáta ku parral hi’a hetávape.

Nde rogapýpe nde ra’y ha nde rajykuéra yvyra roky pyahúpe

Ne mesa jere rehe katu. O.

Kóicha ojehovasáta upe Ñandejára rehe ojeroviáva.

Ñandejára ta nde rovasa Sión guive reikove aja pukukue:

rehecha haguã mba’éichapa Jerusalén py’aguapy. O.

LECTURA MOKOIHA

Ñahendúta Tupã Ñandejára Ñe’ẽ San Pablo ohai va’ekue Colosas guápe   3, 12-21

Che pehenguekuéra:

Tupã Ñnadejára pende rayhu ha pende poravo peẽme peiko haguã imba’éva ramo, akóinte ta pene añua poriahuvereko ha py’a porã. Anítei pejejapo, pende pochy ha napeha’arõ kuaái. Pejogueropu’aka ha peheja rei ojupe oime ramo ipochýva ambue rehe. Tupã Ñandejára oheja rei haguéicha peẽme, peheja rei avei peë. Ta upeichave ramo, peñe monde mborayhúpe, mba’e oporombojoaju porãva.

Ha Cristo py’a guapy to moenyhẽ pende py’a, upeva’erã ma pene renói va’ekue Tupã Ñandejára peiko haguã peteĩ ramo. Ha peaguyjeveme’ëke akói.

Pe Cristo marandu toĩ pende pype opa ára, iporãngue heta háicha. Pejohekombo’e arandúpe ha peje ojupe umi oĩ vaíva. Pende py’aite guive pe aguyjeve me’ẽ Tupãme ha pepurahéi salmo ha purahéi ijespíritu ogueropojáiva peẽme. Ha opa mba’e pejapóva térã pejéva, pejapo Ñandejára Jesucrísto  rérape, peme’ẽvo pende aguyje Tupã Ñandejára ñande Túvape, ha’e rupi.

Tembirekokuéra, peiko pene ména ñe’ẽme, upéva hína pene rembiaporã Tupã Ñandejára rehe ojeroviáva hekópe.

Ménakuéra, pehayhu pene rembirekópe ha ani pende pohýi hendivekuéra. Mitãnguéra, pene ñe’ẽ rendúke opa mba’épe pende rúpe, upéva ombohory Ñandejárape. Sy ha túva, ani pembopochy pene ñemoñarekuérape, ani haguã ipy’a kangy.

Tupã Ñandejára Ñe’ẽ.

ALELUIA Col 3, 15-16

Aleluia.

Cristo py’aguapy to moenyhẽ pende py’a.

Cristo Ne’ẽ toĩ pende pype iporãngue heta háicha.

Aleluia.

EVANGELIO

Marandu porã Ñandejára Jesucrísto rekove ha hemimbo’e San Mateo omombe’u háicha  2, 13-15. 19-23

Upe ramo oho rire umi karai arandu, peteĩ Tupã Ñandejára remimbou ojehechauka Josépe iképe, ha he’i ichupe:

Epáy ha epu’ã. Eraha nendive pe mitã ha isy, ha pya’e Te reho  Egíptope. Epyta upépe che romomarandu peve. Herodes ohekaukáta hína pe mitã ojuka haguã.

Upévo José opáy. Pe pyharépe voi ogueraha pe mitã ha isy Egíptope. Ha opyta hikuái upépe Herodes omano meve. Péicha ojehu oiko haguã heko itépe upe Tupã Ñandejára he’i va’ekue maranduhára rupi: “Egíptogui ahenói va’ekue che Ra’ýpe”.

Herodes omano riréma, peteĩ Tupã Ñandejára remimbou ojechauka Josépe iképe, Egíptope. Ha he’i ichupe:

Epáy ha epu’ã. Eraha pe mitã ha isy, ha Te reho  jevy Israélpe. Omanombáma umi ojukase va’ekue pe mitãme.

Upévo José opu’ã, ha ogueraha pe mitã ha isy, Israélpe. José oikuaávo Arquelao oĩha mburuvicha guasu ramo itúva Herodes rendaguépe, okyhyje oho haguã upépe. Ha Tupã omomarandu ichupe iképe oho haguã yvy Galiléape. Oguahẽvo upépe, oho oiko peteï táva hérava Nazarétpe. Ha péicha ou ojehu umi maranduhára he’i va’ekue, Jesús oñemboherataha Nasaréno.

Ñandejára Jesucrísto  Ñe’ẽ.