LECTURAS DEL JUEVES 12 DE SEPTIEMBRE

LECTURAS DEL JUEVES 12 DE SEPTIEMBRE 

Primera Lectura

Ñahendúta Tupã Ñandejára Ñe’ẽSan Pablo ohai va’ekue Colosas guápe

                                            3, 12-17

Che pehẽngue  kuéra:

Tupã Ñandejára pende rayhu ha pende poravo peẽme peiko haguã imba’évarõ. Peñe monde poriahuvereko ha py’a porãme, jejapo’ỹ, teko pochy’ỹha ñeha’arõ kuaápe. 

Pejogueropu’aka ha peheja rei ojupe oimérõ ipochýva ambuére. Tupä Ñandejára oheja rei haguéicha peẽme, peheja rei avei peẽ. Tenondete, peñe monde mborayhúpe, mba’e oporombojoaju porãva. Ha Cristo py’aguapy to moenyhẽpende py’a, upevarãma pene renói va’ekue  Tupã Ñandejára peiko haguã peteĩ ramo. Ha peme’ẽke pende aguyje . 

Pe Cristo marandu toĩpende pype opa ára, iporãngue heta háicha. Pejoheko mbo’e ha pejoja’o mimi arandúpe. Pende py’a ite guive peme’ẽpende aguyje  Tupã Ñandejárape ha pepurahéi salmo ha purahéi ijespíritu rekóva. Ha opa mba’e pejapóva térã pejéva, pejapo Ñandejára Jesucristo rérape, peme’ẽvo pende aguyje  Tupã ñande Túvape, ha’e rupi. 

Tupã Ñandejára Ñe’ẽ.

SALMO ÑEMBOHOVÁI                         150, 1-6

R.To ñemomba’e guasu Tupä Ñandejára. 

Pemomba’e guasu Tupã Ñandejárape tupaópe, 

pemomba’e guasu ichupe yvága tuichaha javeve, 

pemomba’e guasu ichupe 

hembiapo tuichakuére. R.

Pemomba’e guasu trompéta púpe, 

pemomba’e guasu ichupe árpa ha mbaraka púpe, 

pemomba’e guasu ichupe tambor pu ha jerokýpe, 

pemomba’e guasu ichupe mbaraka ha mimby púpe. R.

Pemomba’e guasu ichupe platíllo púpe. 

Pemomba’e guasu ichupe platíllo pu rorýpe. 

Mayma oikovéva to momba’e guasu Tupä Ñandejárape. 

To ñemomba’e guasu Tupä Ñandejára. R.

ALELUIA.                                        1Jn 4,12

Aleluia. 

Jajoayhu ramo ojoapytépe Jesucristo he’i:

Tupä Ñandejára oï ñane ndive

ha Tupä Ñandejára mborayhu oikopa ite ñende rehe.

Aleluia.

EVANGELIO

Ko’ágä  ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                              

               6, 27-36

Upe ramo Jesús he’i hemimbo’e kuérape:

Peẽpe che rendúvape katu ha’e: “Pehayhu umi pende rayhu’ỹvape, pejapo iporãva pende rehe ija’e’ỹvare. Pehovasa umi pende rehe oñe’ẽvaívape, peñe mbo’e umi pende ja’óvare. Oĩ ramo nde rova petéva, eheja ta nde rova pete jovái. Ha oimérõ oipe’áva nde hegui nde ahoja, eheja to gueraha nde ao ave. Oimérõ omba’e jeruréva ndéve, eme’ẽichupe, ha oimérõ omba’e pe’áva nde hegui, anive rejerure ichupe. Pejapo pende rapicháre upe peẽpeipotáva ha’e kuéra ojapo pende rehe. 

Peẽpehayhúrõ umi pende rayhúvapente, mba’e piko pejapo tuicha iterei mba’éva? Umi mba’e vai apoha jepe niko péicha oiko. Ha pejapórõ iporãva umi pende rehe ojapóva iporãvarente, piko mba’e iporãva oĩupévape? Umi mba’e vai apoha jepe niko péicha ojapo. Ha peipurukárõ umi omoengovia jevýtava peẽmente, pejapo nga’u piko tuicha iterei mba’éva? Umi mba’e vai apoha avei oiporuka ojupe, oha’arõgui ojepurukátaha avei ichupe. 

Pehayhu va’erã pende rayhu’ỹvape, ha pejapo iporãva ha peiporuka peha’arõ’ỹre mba’eve hekovia. Upéicharõ, tuicha mba’épe oñemoengoviáne peẽme, ha peẽTupã Yvatetegua ra’ýne, ipy’a porãva avei umi ohecha kuaáva ha heko añáva ndive. Peporo poriahuvereko va’erã, pende Ru pende poriahuvereko háicha.” 

Ani pemoĩvai pende rapichápe, ha Tupã Ñandejára na pene moï vai mo’ãi. Ani pejopy vai pende rapichápe ha Tupã Ñandejára na pende jopy vai mo’ãi. Peheja rei hembiapo vaikue pende rapichápe, ha Tupã Ñandejára oheja reíne peẽme. Peme’ẽambuépe, ha Tupã Ñandejára ome’ẽne peẽme. Ipojeráne pene ndive ha ome’ẽne peẽme pende vosa renyhẽchovi. Peẽpejapo háicha pende rapicháre, Tupã Ñandejára omoengovia jevýne peẽme. 

Ñandejára Jesucristo Ñe’ẽ