LECTURAS DEL JUEVES 25º DURANTE EL AÑO

LECTURAS DEL JUEVES 25º DURANTE EL AÑO

Primera Lectura

Ñahendúta Tupã Ñandejára ñe’ẽ Ageo arandukápe oĩ háicha     1, 1-8

Áño mokõiha oguapy haguépe oisãmbyhy mburuvicha guasu Darío, ára peteĩmes 6hápe, Tupã Ñandejára oñe’ẽ, maranduhára Ageo rupi, Judá sãmbyhyhára Zorobabélpe, Salatiel ra’y; ha pa’i guasu Josuépe, Josadac ra’y. 

Ha péicha he’i Tupä Ñandejára ipu’akapáva, maranduhára rupi: “Peẽpeje naiporãi gueteriha oñemopu’ã jevy pe tupao. Iporãpa peiko óga porãme, che tupaógui oiko aja tapere? Che, opa mba’e Jára che pu’akapáva, ha’e peẽme pema’ẽporã haguã upe pejapóvare. Peñemitỹheta ha pemono’õ pokã, pekaru ha na pene ryvatãi, pey’u ha pende y’uheive, peñe monde ha na pende rete akúi, ha upe omba’apóva ndohupitýi mba’eve. 

Che, opa mba’e Jára che pu’akapáva, ha’e peẽme pema’ẽporã haguã pe pejapóvare. Ta peho yvytýpe peru yvyra ha pemopu’ã tupao pyahu. Upépe che avy’áta ha ajechaukáta che mimbipápe. 

Tupã Ñandejára Ñe’ẽ.

SALMO ÑEMBOHOVÁI    149, 1-6a. 9b

R.Tupä Ñandejára niko ohayhu hetã guápe

Pepurahéi Tupä Ñandejárape purahéi pyahu, 

umi hese ojeroviáva atýpe ichupe to ñemomba’e guasu. 

Israelgua to guerohory ijapo harépe, 

Siongua to guerohory huvicha guasúpe. R.

Héra rehehápe pejeroky, tambor 

ha árpa púpe ichupe pepurahéi. 

Tupä Ñandejára niko ohayhu hetã guápe, 

imboriahúvape oguenohẽjejopy vaígui. R.

Ta hory hesehápe umi imarangatúva, 

oñenoháme jepe ichupe to purahéi. 

Ijurúgui ta ñahendu omomba’e guasúrõ Tupã Ñandejárape, 

To ñemomba’e guasu Tupä Ñandejára. R.

ALELUIA Jn 14, 6

Aleluia. 

Ñandejára Jesucristo he’i: “Che hína pe Tape, Añetegua ha Tekove.

Avave ndohói che Túva rendápe ndaha’éi ramo che rupi”.

Aleluia.

EVANGELIO

Ñahendúta Ñandejára Jesucristo rekove ha hemimbo’e San Lucas omombe’u háicha   9, 7-9

Upe ramo mburuvicha guasu Herodes ohendu opa ite mba’e oikóva, ha ndoikuaái mba’épa ojapóta, oĩgui he’íva Juan oikove jevy hague. Ambue katu he’i, ou hague maranduhára Elías, ha ambueve katu, oimeha maranduhára yma guare oikove jeýva.Ha Herodes he’i: 

Chete ha’e va’ekue  oñeñaka’õ haguã Juan. Máva piko aipórõ pe heta ite mba’e oñemombe’uha? 

Upévare Herodes oñeha’ã ohecha Jesúspe. 

Ñandejára Jesucristo Ñe’ẽ