LECTURAS DEL JUEVES DESPUÉS DE CENIZA

LECTURAS JUEVES DESPUÉS DE CENIZA

PRIMERA LECTURA:

JUEVES DESPUÉS DE CENIZA

Ko’ágä   ñahendúta Tupã Ñandejára ñe’ẽ Deutoronomio arandukápe oĩ háicha                           

30, 15-20

Péicha he’i Moisés itavaguápe: Amoĩ pene renondépe ivai ha iporãva, jeikove ha ñemano, peiporavo haguã. Pejapo ramo Tupã Ñandejára rembiapoukapy peẽme ame’ẽva, pehayhu ramo ichupe ha pehendu ramo iñe’ẽ, pejapo ramo opa hembiapoukapy, peiko porãta ha oikóta pende hegui tetã guasu. Tupã Ñandejára pende rovasáta pe yvy ko’ágã peiketahápe.

Ndapejaposéi ramo ha’e he’íva, ndapeikuaaséi ramo ichugui  mba’eve ha pemomba’e guasúrõ tupã nguérape, ta’e porã mandi peẽme ko’ágã: Peñehundi etéta. Nda peiko are mo’ãi pe yvy oĩvape Jordán mboypýri ha peiketahápe ko’ágã. Amoĩ peẽme pene renondépe mokõi tape, peiporavo: upe jeikove térã ñemano, Tupã Ñandejára rovasa térã jeharu. Amoĩ yvága ha yvy mba’e rechaha ha renduha ramo mba’éichagua tapépa peiporavóta.

Peiporavóke jeikove rape, nde, nde ra’y ha neñemoñare kuéra peikove haguã. Pehayhúke Tupãme. Ha’e Ñandejára. Pene Ñe’ẽ rendúke ichupe ha ani pejei iichugui . Upéicha peikove pukúne pe yvýpe he’i va’ekue ome’ẽtaha penderu kuéra ypykuépe: Abraham, Isaac ha Jacob.

Tupã Ñandejára Ñe’ẽ.

SALMO ÑEMBOHOVÁI              1, 1-4. 6

R. Ovy’a umi ojapo’ỹva iñañáva ñe’ẽ

Ovy’a ojapo’ỹva iñañáva ñe’ẽ, oiko’ỹva iñangaipáva ndive,

ojehe’a’ỹva umi Tupã Ñandejárare oñembohorýva ndive.

Tupã Ñandejára rembiapoukapy ipy’a ombohory, ha hese ojepy’a mongeta ára ha pyhare. R.

Ojogua ku yvyra mátape oñeñotỹva y rembe’ýpe, hi’áva hi’árape,

ha araka’eve ndahoguekúiva. Opa mba’e ojapóva osẽ porã ichupe. R.

Nda upéichai umi hembiapo vaíva, kapi’i piru kuéicha umívape yvytu omboveve.

Tupã Ñandejára oñangareko imarangatúva rapére. Hembiapo vaíva rape katu opa vai. R.

VERSÍCULO ANTES DEL EVANGELIO Mt 4, 17

“ Pembo jevy pende rekove mba’e vaígui,

Sambyhy oïva Yvágape hi’aguïma”

He’i Ñandejára Jesucristo

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                                       9, 22-25

Upe ramo Jesús he’i hemimbo’e kuérape: Che, yvypóraicha aju va’ekue, ahasa asy mante va’erã, ha ojahéita che rehe umi moakãhára , umi pa’i ruvicha ha umi Moisés rembiapoukapy mbo’eha. Che jukáta hikuái, ha mbohapy ára rire aikove jevýta .

Upéi he’i opavavépe: Oime ramo che moirũséva to ñembyesarái ijehegui, to hupi ára ko’ẽre ikurusu ijapére, ha ta che moirĩ. Pe hekovére hakate’ỹva, omanóta. Pe omanóva che rehehápe katu, oikovéta. Mba’épa oguenohẽne yvypóra oguerekopárõ opa ite mba’e ipópe, térã oñehundi ramo ha’e ipo rupi ete? Mba’eve!

Ñandejára Jesucristo Ñe’ẽ.